Ma꞉tiu 24:49 - Panake Pi La: Ula: Buka pita: Kine Pieke Buka

⁴⁹ ipika꞉ e mandake pokaaseme haliweki lu yombua꞉tiki pu make hoke ikali nemeke tapake ame̱le̱ apa꞉tao ne ikali naa kea꞉tiki pu haya꞉ka꞉na꞉ta꞉

Ma꞉tiu 24:49 Referans Kwoze

Peneme Yaeyekeeki 17:6

Kutupa mo wanda꞉ta꞉ Koda꞉na꞉ wanda꞉halina꞉ make Yesu pa꞉ta꞉ hone tulaa pelia haemeke handa limiki wanda꞉halina꞉ we na̱a̱ keaya꞉eki handoa꞉me. I̱ma꞉ moeki hando haota꞉ ota꞉ hoke tupa꞉ penkilipa꞉tia pomua꞉me.

Peneme Yaeyekeeki 16:6

Pa ekipeke ikana꞉ma꞉ta꞉ mo Koda꞉na꞉ wanda꞉halina꞉ we make mo potopede haliwekina꞉ we make holememe. Koto ekina꞉ ame nakana꞉ma꞉ta꞉ iki make we ikali nena꞉ haleleme. Ikana꞉ma꞉ta꞉ ika꞉ ekina꞉ yenki kone mina꞉lememe laa lea꞉me.

Ma꞉tiu 7:15

Mo yayapiki potopede haliwekima꞉ iki makeaama꞉na꞉ leke leke lo hapa꞉peke. Ikana꞉ma꞉ iki makealuekema꞉ta꞉ ika꞉ lokena꞉ manda hau manuma꞉ta꞉ sipisipi nono pilimipate ika꞉ puki tukiki naneta꞉ hali lu no hala꞉ tikene kikamanu leke kone halememe.

Peneme Yaeyekeeki 13:7

Kutupa ipikana꞉ma꞉ Koda꞉na꞉ wanda꞉hali ame̱le̱ a꞉nda꞉ pea bepolaena꞉ make tapake ta꞉ta꞉ ta꞉ta꞉ make kapomani ta꞉ta꞉ ta꞉ta꞉ma꞉ handeteke hala꞉ wanda꞉hali make pi ta꞉ta꞉ ta꞉ta꞉ make tutu ta꞉ta꞉ ta꞉ta꞉ make paeyao handeteke haena꞉ waleke halea꞉me.

Diudi 1:12

Ika꞉ yaala꞉ma꞉ na homeke kikana꞉ hau leke piteleme ekima꞉ta꞉ ikita꞉ mo hande ika꞉ epeke ne noluekema꞉ mombolo haleme ale pa꞉ta꞉ ha̱i̱piki alemanu taleke nono pa꞉la꞉me. Ikana꞉ma꞉ta꞉ iki homeke handeteke haluekema꞉ ika꞉ kone hone u halememe. Ikita꞉ mo hande lako na epeke alena꞉ pa poma꞉ tita꞉la꞉ koama꞉ handelememe. Ikita꞉ mo hande bapi paena꞉ kone kiliki na a꞉eta꞉la꞉ tima꞉ handaa ika꞉ teke tonka꞉na꞉ yoka꞉pa wia ota꞉ homeke nono piki ti manuma꞉ handelememe.

1 Pida 5:3

Ikana꞉ma꞉ handeteke hamena꞉ ka꞉la꞉ wanda꞉halita꞉ tumbaaluekema꞉ na tapeke ikana꞉ma꞉ pu halimi epeke hau manuma꞉ mo sipisipi ma꞉na꞉manu wala tiaaso hata꞉ hapa꞉peke.

Pilipai 3:19

Koto wanda꞉halima꞉ta꞉ ika꞉ lokena꞉ hone pa꞉la꞉ ekimanu teliolo hata꞉ panda꞉ puniao haleme ekina꞉ ikita꞉ ti to hala꞉ pa꞉ta꞉ pua hao halimikie. Mo ika꞉ yaaloma꞉ homa꞉pa꞉peke ya꞉la꞉ hau pu halemeeki pa꞉ta꞉ hakoko lu halememe. Kutupa ikana꞉ma꞉ pa do kenkena꞉ hau pu haleme wanda꞉halina꞉ hau leke pu halememe.

2 Kotindi 11:20

Ikana꞉ma꞉ta꞉ mo iki dupi dupi lo haleme haliweki make o iki teke puleke lao haleme haliweki make o iki hona꞉ma̱o̱ haleme o iki handa꞉niao haleme o iki kadapo ku haleme haliweki paeyao pa꞉ta꞉ ta꞉na꞉ma꞉ homolo hata꞉ ika꞉ pi opu halememe.

Loma꞉ 16:18

Kutupiki haumanu pu haleme wanda꞉halima꞉ta꞉ Tekehali Yesu Ketisona꞉ e na pokaake ika꞉ loke manuna꞉ na꞉na꞉ pa꞉la꞉ ekimanu homeke hone u halememe. Ikana꞉ma꞉ mo tendepiki nonopiki pa imeke piki pimanu aleme ekima꞉ mo hokeeki wopu na handeleme wanda꞉hali makeao halememe.

Ma꞉tiu 18:28

Kutu pieke mo hande somema꞉ mo ipika꞉ Kini hali mina꞉pa꞉lao hama peekeme. Kutu pitolo hata꞉ta꞉ ipika꞉ 100 kina tondiki miono leeke haleeke mo Kini halina꞉ e mandake pokaepeke hali ma꞉nda꞉ manda꞉hande piekeme. Ipikana꞉ma꞉ koto e mandake pokaepeke somena꞉ make da꞉ka꞉pa꞉ mina ipika꞉ pendoko teke yoka꞉ minolo hata꞉ alota꞉ Mo ya neke pa꞉ta꞉ kolo tondikita꞉ ma꞉nda꞉ pa na mina꞉pa꞉lake ota꞉ paeyao kima leekeme.

Ma꞉tiu 24:48

Kutu pilia꞉pate mo e pokaasa꞉ somema꞉ hone witolota꞉ Hande ya teke halita꞉ a̱i̱ na a꞉pa꞉peke ya꞉lieke hone witolo hata꞉

Ma꞉tiu 24:50

kota꞉ koto somena꞉ you halita꞉ ipilieke hone na wilia꞉ nate o tikitiki na yao halia꞉ dina꞉ ipilieke.

Dioni 2:10

ipiki pa꞉ta꞉ alota꞉ Haliweki paeyaoma꞉ waini ikali ota꞉ epekeeki amba꞉la hale hale pea kutupa mo ne nolo epo laa epemeke wanda꞉halima꞉ waini ikali wopu nemeke hoki naneta꞉ mo hosiki metoko piki waini ikali hale hale pilieke. Pate nakana꞉ma꞉ mo ota꞉ epeke waini ikalita꞉ hosiki sa꞉sa꞉ pea wia hao ame kone hale hale pina꞉ aleme leekeme.