Ma꞉tiu 24:37 - Panake Pi La: Ula: Buka pita: Kine Pieke Buka

³⁷ Hande Noana꞉ natena꞉ pimiki tupa꞉ta꞉ hande Wanda꞉halina꞉ Eiyeke epea꞉ka꞉na꞉ make mandake hau kone pilimikie.

Ma꞉tiu 24:37 Referans Kwoze

2 Pida 3:6

Kutupa make mo hande ikali tea꞉ ekima꞉ta꞉ hande amba꞉ kenke hoeyaeyekeme.

2 Pida 2:5

Koda꞉ma꞉ta꞉ mo hande amba꞉ kenkena꞉ hoke yenkita꞉ na mina꞉pa꞉lae yekepate ipiki hoki walemeke wanda꞉halita꞉ ikali tala꞉ ekima꞉ mina꞉ leekeme. Ipikana꞉ma꞉ tamba꞉ mieke wanda꞉halita꞉ mo ota꞉ ekina꞉ pi walo hayeke hali Noa pita꞉ mandane watake hata꞉ wanda꞉hali pea tamba꞉ miekeme.

Hibulu 11:7

Koda꞉ma꞉ wetepe epolo pieke hau manuta꞉ Noa pa꞉ta꞉ kinki piekeme. Koto hau manuta꞉ Noama꞉ handa꞉peke na yekepate kone ipika꞉ hone tulaaso hata꞉ Koda꞉na꞉ pi opiekeme. Koto leeke Koda꞉na꞉ kakena꞉ homolo mo wepie leeke kawaso tieke wepiekeme. Koto kawasoma꞉ta꞉ ipiki make ipika꞉ wekiwanda꞉ make peteleekeme. Noama꞉ mo hande Koda꞉ma꞉ leeke pi telia pieke handaa Koda꞉ma꞉ mo hone tulaasemeke hala꞉la꞉ tikitiki piki hauta꞉ Noa pa꞉ta꞉ haleekepate paa pa haemeke mandane wanda꞉hali paeyaota꞉ ota꞉ hoeyaeyekeme.

Ma꞉tiu 24:39

Koto wanda꞉halima꞉ta꞉ wetepe epolo pieke hau manuta꞉ hone na wiki pa ika꞉ hone pieke haumanu pua꞉tiki pulu haena꞉ hande ikali tieke taa ipulu iki paeyao handa꞉pa꞉la꞉ mea peekeme. Mo hande Wanda꞉halina꞉ Eiyeke opolo ipuluta꞉ koto piekeeki kone pilieke.

Kini Pieke 6:8

Pate mo Tekehalima꞉ta꞉ Noa yaapota꞉ ta꞉na꞉ma꞉ homeekeme.

Ma꞉tiu 16:27

Wanda꞉halina꞉ Eiyeke ipika꞉ Atekena꞉ pa̱a̱ taapuna꞉ ipika꞉ enisolo hatuku a̱i̱ kutaa kone ipilieke. Kutaata꞉ wanda꞉hali homeke homekema꞉ ika꞉ pu haeme hau manuna꞉ ana꞉ piki yenki kone iki pa꞉ta꞉ hale hale pilieke.

Ma꞉tiu 24:3

Koto hoki naneta꞉ Yesuma꞉ mo Olipi pote manda pitina꞉ta꞉ ipika꞉ disaipolo haliwekima꞉ a꞉mbao lota꞉ pitolo alota꞉ Nakana꞉ma꞉ mo hande le pita꞉ handima꞉ opolo ipilia꞉pe. Kutaa mo naka꞉ paa la꞉ka꞉la epolo peleeki pita꞉ do yu ya paelo pa꞉la꞉eki yaapo telipina꞉ teke pa꞉ta꞉ ya꞉lia꞉ ekita꞉ eki patehau pilia꞉ ekima꞉ niki walia꞉pe lemekeme.

Ma꞉tiu 24:27

Mo Wanda꞉halina꞉ Eiyekena꞉ epolo pa꞉la꞉ ekita꞉ mo hande ti tekele pita꞉la꞉ ekima꞉ mo ya paeyao olina꞉ onina꞉ pa̱a̱ tieke pita꞉la꞉ tupa꞉ opolo ipilieke.

Ma꞉tiu 24:30

Kutu pilia꞉ natena꞉ta꞉ mo Wanda꞉halina꞉ Eiyekena꞉ epolo pa꞉la꞉ patehauta꞉ oli yana꞉ peneme yaalieke. Kutu pilia꞉eki wanda꞉hali paeyaoma꞉ handolo hata꞉ e̱ tieke lelimikie. Ikana꞉ma꞉ mo Wanda꞉halina꞉ Eiyekema꞉ koa manda ha mea ipulu hata꞉ ipika꞉ wele wotu pita꞉la꞉eki make pa̱a̱ tieke pita꞉la꞉eki make mea opolo ipilia꞉eki handilimikie.