Ma꞉tiu 24:31 - Panake Pi La: Ula: Buka pita: Kine Pieke Buka

³¹ Kutu pilia꞉ dina꞉ta꞉ bu kanake tieke homekema꞉ e̱ tieke alo haena꞉ta꞉ ipikana꞉ma꞉ oli nate pamba꞉la꞉ opa꞉la꞉ yaapo nane make olina꞉ onina꞉ yaapo paeyaona꞉ haleme ipika꞉ ma̱leke lila꞉ wanda꞉hali momba꞉lawaena꞉ ipika꞉ enisolo tonu tapaa tapaa pilieke.

Ma꞉tiu 24:31 Referans Kwoze

1 Desalonaika 4:16

Kutu pilie natena꞉ta꞉ mana꞉ pi aneke hapu alo haena꞉ mo titina꞉ enisolona꞉ pi ho̱la̱꞉make tonka꞉na꞉ alo haena꞉ Koda꞉na꞉ bu kanake make litolo haena꞉ kutupiki haumanu pitolo haena꞉ta꞉ Tekehali ipiki oli hepeni nanema꞉ hao hola꞉pa꞉nialo ipilieke. Hande Ketiso pa꞉ta꞉ hone tulao hata꞉ homemeke wanda꞉hali amba꞉la paa mea tialieke.

Maka 13:27

Ipikana꞉ma꞉ mo enisolomanu tapa tapa peaata꞉ Koda꞉ma꞉ talopu ma꞉la꞉ wanda꞉halita꞉ nate opa꞉la꞉ nane make nate pamba꞉la꞉ nane make oni nane make oli nane make paeyao pa꞉ta꞉ mea mombelaalieke leekeme.

1 Kotindi 15:52

nikita꞉ leke handu handu pita꞉la꞉ tupa꞉ kuta kone wonu pila halumeke. Hande bu kanake lia꞉ka꞉na꞉ta꞉ kota꞉ homemeke wanda꞉halita꞉ mea tiao paa na homolo peleme wanda꞉hali halimikie. Kutupa niki paeyao wonu pila halumeke.

Ma꞉tiu 13:41

Koto dina꞉ta꞉ mo Wanda꞉halina꞉ Eiyekema꞉ ipika꞉ enisolomanu tapaalieke. Ikana꞉ma꞉ ipika꞉ Kilu Tombuao Hala꞉ ekina꞉ tukiki pa꞉ta꞉ hala꞉ hoke hau pu haleme wanda꞉hali pita꞉ mo hoke haumanu pu tiaasa꞉ wanda꞉halimanu paeyao tonka꞉na꞉ paeyao yokilimikie.

2 Desalonaika 2:1

Nika꞉ kametonuo. Mo hande nika꞉ Tekehali Yesu Ketisoma꞉ paa epolo pa꞉la꞉ ekina꞉ make ipiki pa꞉ta꞉ niki momba꞉laasa꞉ ekina꞉ make hone witolo hata꞉ iki honke alo dupiki pi aloma꞉me.

Epesese 1:10

Koda꞉ma꞉ ipika꞉ hone u hala꞉ ekita꞉ dupae. Kenke ya yaapo nane ula꞉ ale hala꞉ ekimanu paeyaota꞉ hande Koda꞉ma꞉ wepia haena꞉ la꞉la꞉ ekimanu paeyao ipikana꞉ma꞉ mea momba꞉laota꞉ kutupa Ketisota꞉ you haena꞉ lelieke. Ipika꞉ di tunkulia꞉ka꞉na꞉ta꞉ Koda꞉ma꞉ koto hau pu paeyaalieke.

Dioni 11:52

Kutupa make mo Diu wanda꞉hali pa꞉ta꞉ homeke na homeke mo Koda꞉na꞉ weki wandikita꞉ pa hata꞉ pepi pea haena꞉ kone paeyao handa꞉ mea homeke tapake kone apa꞉tao haena꞉yeke Yesu homolo pa꞉la꞉eki la halolo hata꞉ leekeme.

Ma꞉tiu 25:31

Kutu piki onkoluma꞉ pi lo paeyaaso hata꞉ Yesuma꞉ alota꞉ Mo Kenke Wanda꞉halina꞉ Eiyeketa꞉ pa Kini Hali hata꞉ ipika꞉ enisolomanu tonka꞉na꞉ do kenkena꞉ epea꞉ka꞉na꞉ta꞉ kota꞉ ipikana꞉ma꞉ ipika꞉ pa̱a̱ tieke piki handeteke hala꞉ biki wiki sea tieke manda pitilieke.

Peneme Yaeyekeeki 7:1

Doeki hoki naneta꞉ enisolo tonkopuma꞉ mo kenke honiki tonkopu telipa haemeeki handoa꞉me. Ikana꞉ma꞉ta꞉ mo tonkopu poma꞉ta꞉ mo kenke make dawala make ti ma꞉nda꞉ hondo poma꞉ tiaama꞉na꞉ miniki haememe.

Peneme Yaeyekeeki 8:2

Kutupa mo Koda꞉na꞉ leke popelekena꞉ hala꞉ watake hata꞉ enisolomanu pa꞉ta꞉ watake hata꞉ bu kanake halea꞉me.

Loma꞉ 10:18

Kutu pitelemepate I̱ma꞉ lota꞉ pitoloeki dupae. Hande pita꞉ wanda꞉halima꞉ na opelememe ala꞉ ekita꞉ ota꞉ alemepe. Dia꞉me amba꞉ opimime. Hande Baibolo bukana꞉ wape pa꞉la꞉ ekita꞉ dupa Mo pi mea puaaseme haliwekina꞉ kakema꞉ lemeke pi manuta꞉ kenke paeyao pa꞉ta꞉ amba꞉ pa꞉la꞉me. Ikana꞉ma꞉ lemeke pi manuta꞉ kenke honiki pa꞉ta꞉ haleme wanda꞉halima꞉ amba꞉ opelememe laa wape pa꞉la꞉me.

Ma꞉tiu 28:18

Yesuma꞉ teke pa꞉ta꞉ opolo ipulu iki pa꞉ta꞉ alota꞉ Mo hepeni handeteke hapeke wele make do kenke handeteke hapeke wele make Koda꞉ma꞉ I̱ pa꞉ta꞉ ka꞉la꞉me.

Ma꞉tiu 24:22

Koto natena꞉ wanda꞉hali paeyao homolo poloma꞉pate Koda꞉ma꞉ koto nate mandane ekimanu tunkulina꞉ la꞉la꞉me. Pa ekipeke ipika꞉ talopu ma꞉la꞉ wanda꞉hali pa꞉ta꞉ hone wiaata꞉ koto natemanu tunkulina꞉ la꞉la꞉me.

Peneme Yaeyekeeki 11:15

Kutupa mo watake hata꞉ enisoloma꞉ ipika꞉ bu kanake lia꞉ dina꞉ta꞉ oli hepeni nane pi ho̱la̱꞉make tieke tieke manuma꞉ alota꞉ Mo kenke handeteke halo pa꞉la꞉ honkoputa꞉ ameta꞉ nika꞉ Tekehali pita꞉ ipika꞉ ma̱leke lila꞉ hali Ketiso pa꞉ta꞉ ula꞉me. Kutupa hoto paeyao handeteke hao halieke lememe.

Luku 24:47

ipika꞉ bikina꞉ mo hoke hauna꞉ hone la꞉ka꞉la꞉la꞉eki make pa paeyaasa꞉eki make mo Diutuseleme da pa꞉ta꞉ kini pea pua mo kenke honiki paeyao pa꞉ta꞉ haleme wanda꞉hali pa꞉ta꞉ ota꞉ walotia pua꞉pa꞉peke ya꞉la꞉me.

Peneme Yaeyekeeki 1:20

Do yaka popeke nane miniki halo watake hata꞉ hombulanka꞉ manuna꞉ make do watake hata꞉ koloma꞉ wepiki ola꞉pake keo panka꞉la꞉ alemanu yaapona꞉ a꞉mbao ula꞉ teketa꞉ dupae. Do watake hata꞉ hombulanka꞉ manuta꞉ mo hande watake hata꞉ siosi manuna꞉ enisolomanue. Kutupa do watake hata꞉ ola꞉pake keo panka꞉la꞉ ale manuta꞉ mo hande watake hata꞉ siosimanue lea꞉me.

Ma꞉tiu 24:24

Yayapiki Ketisomanu make yayapiki pi la꞉ mea halo hala꞉ haliweki make a꞉pa mo hande Koda꞉na꞉ ma̱leke lila꞉ wanda꞉hali pa nane hatuku mea puluekema꞉ yeke iki makeaapeke ya꞉la꞉o laa makea handuluekema꞉ na handeke hau tieke tiekemanu make wele pita꞉la꞉ ekimanu make walimikie.

Ma꞉tiu 24:32

Nose tima꞉ pu hala꞉eki hone wia꞉pa꞉peke leekeme. Ipika꞉ paleke ada꞉ pea katake tindiki lia kelepea꞉ka꞉na꞉ta꞉ kota꞉ bapi ipuluekema꞉ pita꞉la꞉me hone u halememe.

Hibulu 12:19

bu kanake lita꞉la꞉eki make pi ho̱la̱꞉make tieke make koto hau paeyao pa꞉la꞉ pote pa꞉ta꞉ta꞉ iki na opolo epelememe.