Ma꞉tiu 23:24 - Panake Pi La: Ula: Buka pita: Kine Pieke Buka

²⁴ Ikita꞉ leke holupa pota꞉ na handeke hata꞉ kone do pota꞉na꞉ ipupe laa lo haleme haliwekie. Ika꞉ supumanu pa꞉ta꞉ pila꞉ amumu sikita꞉ epeke tupa꞉ siki talopu mea bao halemepate kone mo kemolo ma꞉na꞉ tieke aneke kone ika꞉ supu tapu pa mea yola꞉niao halememe.

Ma꞉tiu 23:24 Referans Kwoze

Ma꞉tiu 19:24

Iki pa꞉ta꞉ paa taa alo handa꞉e. Mo kemolo ma꞉na꞉ma꞉ mo no̱i̱ ka꞉ka꞉na꞉ pa꞉ta꞉ ana꞉na꞉ honda꞉ pamba yopua꞉peke ekina꞉ ka꞉nda꞉ta꞉ pa mo hamoko halima꞉ Koda꞉na꞉ Kilu Tombuao Hala꞉ tukiki pa꞉ta꞉ pua꞉peke ekina꞉ mia꞉peke ka꞉nda꞉ tupa꞉ na milieke alome leekeme.

Ma꞉tiu 23:16

Iki pa꞉ta꞉ hoke yenki tieke ipuleke handolo ekina꞉ I̱ paala꞉e. Ikita꞉ leke holupa pota꞉ na handeke hata꞉ kone Do pota꞉na꞉ ipupe laa lo haleme haliwekie. Ika꞉ waleme pi manuta꞉ dupa Mandali epima꞉ mo tembolo dana꞉ biki la alo hata꞉ hali keke pi la꞉ wia kone paa topo pia꞉ka꞉na꞉ta꞉ pa aleta꞉ ma꞉nda꞉ dia꞉ ya꞉la꞉pate pa mo somema꞉ tembolo da tukiki pa꞉ta꞉ ula꞉ kolona꞉ biki la alo hata꞉ hali keke pi wia꞉ka꞉na꞉ta꞉ kota꞉ koto pita꞉ ota꞉ topo pia꞉peke na ya꞉la꞉me laa walo halememe.

Ma꞉tiu 7:4

Mo ti taka꞉la꞉pake tieke naka꞉ leke pa꞉ta꞉ pa wina꞉ alo hata꞉ta꞉ ekipa naka꞉ kame pa꞉ta꞉ Naka꞉ leke ula꞉ dokolo siki meanoe lelipikipe.

Dioni 18:40

Mo haliwekima꞉ ipika꞉ pi hombo peaaso wi la alualu pea alota꞉ Dia꞉me. Ipikita꞉ dia꞉me. Nika꞉ hone pa꞉la꞉ ekita꞉ Batabasie lemekeme. Mokoto Batabasita꞉ hali lu ta꞉ta꞉na꞉ ala꞉ta꞉ ala꞉ta꞉ pa yola꞉tiki pomu hayeke halie.

Dioni 18:28

Kaiya꞉pasi hayeke alena꞉ mina꞉pa꞉lao mo Kapomani You halina꞉ da pa꞉ta꞉ Yesu hatuku mea pemekeme. Da panake ka꞉la꞉polo haena꞉ mea pemekeme. Diu haliwekima꞉ta꞉ mo Lombei Pupa Yapeeke ekina꞉ ne pambemekeeki noluekema꞉ iki hoeyaama꞉na꞉ ika꞉ nindi pelemeeki hone witolo hata꞉ mo da tukiki pa꞉ta꞉ na peke hama꞉ nane pa haemekeme.

Ma꞉tiu 15:14

Pina꞉ma꞉ hone ma꞉nda꞉ na wia꞉pa꞉pe. Ikita꞉ mo leke holu piki wanda꞉halina꞉ leke holu piki you haliweki halememe. Koto ekina꞉ta꞉ leke holu piki somema꞉ mo leke holupiki some ma꞉nda꞉ hatuku mea pea꞉ka꞉na꞉ta꞉ kota꞉ ipiliki telipuna꞉ hombo pa꞉ta꞉ hopulu paleke mandake lopilipikie leekeme.

Peneme Yaeyekeeki 12:16

Kutu pia꞉pate kenkema꞉ mo wanda꞉ tamba꞉ minolo hata꞉ ipika꞉ kake a̱a̱ laa mo popake itiki hake sina꞉ kake pa꞉ta꞉ epea꞉ ikali mea neliaya꞉me.