Ma꞉tiu 22:46 - Panake Pi La: Ula: Buka pita: Kine Pieke Buka

⁴⁶ Mo koto Yesuma꞉ iki pa꞉ta꞉ lota꞉ pieke pina꞉ta꞉ homeke ma꞉nda꞉ a꞉nda꞉ma꞉ hombo peapeke na yeekeme. Kutupa koto pi la hayeke aneta꞉ hali ma꞉nda꞉ma꞉ ipiki la handuluekema꞉ mo lota꞉ pita꞉la꞉ pi mandane ekimanu lapeke paala꞉ma꞉ homolo hata꞉ ota꞉ na leke paekeme.

Ma꞉tiu 22:46 Referans Kwoze

Maka 12:34

Kutupa Yesuma꞉ mo halina꞉ hone wopu wia epeke tupa꞉ leekeeki opuaata꞉ ipiki pa꞉ta꞉ alota꞉ Nakana꞉ma꞉ Koda꞉na꞉ Kilu Tombuao Hala꞉eki teke pa꞉ta꞉ haleme leekeme. Koto lea꞉eki hoki naneta꞉ wanda꞉halima꞉ paala꞉ pieke handaa ma꞉nda꞉ma꞉ lota꞉ paa na piekeme.

Luku 20:40

Koto lemeke ekita꞉ ikana꞉ma꞉ lota꞉ pita꞉la꞉eki ma꞉nda꞉ lapeke ana꞉ na poloma꞉me hone witolo hata꞉ lemekeme.

Luku 14:6

Koto leekepate mo haliwekima꞉ta꞉ Yesuna꞉ pi hombo peapeketa꞉ ana꞉ na piekeme.

Aposolo 4:14

Kutupa mo hande mea tiao hayeke halita꞉ koto hali yaapo ame̱le̱ hayeke eki handolo hata꞉ pi ma꞉nda꞉ laapeke na yeekeme.

Luku 13:17

Koto hombo peayeke ekima꞉ta꞉ Yesu ipika꞉ a꞉nda꞉ tunkuliki haliwekima꞉ yaala꞉ma꞉ homolo haena꞉ta꞉ mo wanda꞉halima꞉ta꞉ mo epeke haumanu piekeeki handolo hata꞉ ta꞉na꞉ma꞉ wotu homemekeme.

Ma꞉tiu 21:27

Koto ekina꞉ ikana꞉ma꞉ Yesu pa꞉ta꞉ alota꞉ Niki na handoloma꞉me lemekeme. Koto lemeke Yesuma꞉ hombo peaaso alota꞉ Kota꞉ I̱ma꞉ make yaka pu halo hau manuna꞉ wele peao hala꞉ halina꞉ bikita꞉ iki pa꞉ta꞉ na la kulueke leekeme.

Ma꞉tiu 22:45

Deipidima꞉ ipika꞉ kone Ketiso pa꞉ta꞉ta꞉ Yaka Tekehalie la꞉la꞉ ekina꞉ta꞉ kota꞉ Ketisota꞉ pa ekipa ipika꞉ tapake weki haliepe laa leekeme.

Aposolo 7:32

I̱ta꞉ naka꞉ apa꞉mei amedana꞉ Koda꞉ halome laata꞉ Eipoloha꞉ma꞉ Aisa꞉ke Dieikope amedana꞉ Koda꞉ halome la leekeme. Mosesima꞉ pututuma꞉ homolo hata꞉ na handa꞉liaeyekeme.

Luku 14:4

Koto leekepate mo haliwekima꞉ta꞉ pi siki ma꞉nda꞉ make ota꞉ na hondomu lemekeme. Kota꞉ Yesuma꞉ta꞉ mo hande yeni hayeke hali mea epeao tapaeyekeme.