Ma꞉tiu 22:45 - Panake Pi La: Ula: Buka pita: Kine Pieke Buka

⁴⁵ Deipidima꞉ ipika꞉ kone Ketiso pa꞉ta꞉ta꞉ Yaka Tekehalie la꞉la꞉ ekina꞉ta꞉ kota꞉ Ketisota꞉ pa ekipa ipika꞉ tapake weki haliepe laa leekeme.

Ma꞉tiu 22:45 Referans Kwoze

Peneme Yaeyekeeki 22:16

I̱ta꞉ Yesuma꞉ do hau manuta꞉ iki siosimanu haleme wanda꞉hali pa꞉ta꞉ lawaena꞉ yaka enisolo tapaalome. Deipidita꞉ yaka apa꞉mei halie. I̱ta꞉ mo hande da ka꞉la꞉paaso opa꞉la꞉ pa̱a̱ tieke piki hombulanka꞉e laa lea꞉me.

Dioni 8:58

Yesuma꞉ ika꞉ pi hombo peaaso alota꞉ Iki pa꞉ta꞉ ota꞉ pi alome. Eipoloha꞉ma꞉ a̱i̱ na mendieke natena꞉ kone I̱ta꞉ pa halome leekeme.

Hibulu 2:14

Ipikana꞉ma꞉ Mo wekiwandikie lea꞉ wanda꞉halita꞉ kenke loke hake wanda꞉hali haemeke yeke handaata꞉ ipiki make ika꞉ loke mea kenke hali leke hayekeme. Koto loke mea ipika꞉ homeeke ekima꞉ta꞉ mo hande homa꞉la꞉ ekina꞉ wele handeteke hala꞉ hali Sadani bepolaluekema꞉ yeke piekeme.

1 Timodi 3:16

Mo nika꞉ Ketiso hauna꞉ teketa꞉ ota꞉ hau tieke dia꞉me pita꞉ ma꞉nda꞉ma꞉ lapeke na ya꞉la꞉me. Do ekina꞉ alome. Ipikita꞉ ota꞉ halina꞉ loke kone mea opolo epeekeme. Mo hande Sipitidima꞉ ipika꞉ yako pa꞉la꞉ ekita꞉ ota꞉ ekie laa peneme waleekeme. Kutupa ipikita꞉ enisoloma꞉ make handeekeme. Ipika꞉ bikita꞉ mo tutu ma꞉nda꞉ ma꞉nda꞉ paeyao pa꞉ta꞉manu make walemekeme. Kutu pieketa꞉ mo kenke paeyao pa꞉ta꞉ haemeke wanda꞉halima꞉ ipiki pa꞉ta꞉ hone tulaemekeme. Kutaa ipikita꞉ Koda꞉ma꞉ oli ya nane hatuku mea peekeme.

Loma꞉ 9:5

Ikita꞉ amba꞉ haemeke apa꞉mei tieke tieke pa꞉ta꞉ kini pu mea a꞉pa halememe. Ketiso make kenke hali au la a꞉pa hata꞉ta꞉ iki tapake kone hayekeme. Koda꞉ma꞉ ala꞉ta꞉ ala꞉ta꞉ paeyao kilu tombuao hata꞉ tumiki hala꞉ ekina꞉ta꞉ ipika꞉ pi laatiki pu haoma꞉ka꞉na꞉ta꞉ epelieke. Kutu pina꞉e.

Ma꞉tiu 22:44

Kota꞉ Deipidima꞉ta꞉ dupa leekeme. Mo Dihopama꞉ yaka Tekehali pa꞉ta꞉ dupa leekeme. Naka꞉ a꞉nda꞉ tunkuliki haliwekita꞉ naka꞉ anke oto pa꞉ta꞉ mea pitaaluekema꞉ neketa꞉ yaka popeke nane kiki nanema꞉ pita꞉peke laa la꞉la꞉me.

Ma꞉tiu 22:46

Mo koto Yesuma꞉ iki pa꞉ta꞉ lota꞉ pieke pina꞉ta꞉ homeke ma꞉nda꞉ a꞉nda꞉ma꞉ hombo peapeke na yeekeme. Kutupa koto pi la hayeke aneta꞉ hali ma꞉nda꞉ma꞉ ipiki la handuluekema꞉ mo lota꞉ pita꞉la꞉ pi mandane ekimanu lapeke paala꞉ma꞉ homolo hata꞉ ota꞉ na leke paekeme.