Ma꞉tiu 22:43 - Panake Pi La: Ula: Buka pita: Kine Pieke Buka

⁴³ Koto leeke Yesuma꞉ alota꞉ Kota꞉ kotota꞉ ota꞉ ya꞉ka꞉na꞉ta꞉ pa ekipeke handaa mo Holi Sipitidima꞉ Deipidina꞉ hone u tiaaso haena꞉ Deipidima꞉ Ketisota꞉ Tekehalie laa leekepe.

Ma꞉tiu 22:43 Referans Kwoze

Peneme Yaeyekeeki 4:2

Koto kone mo Sipitidima꞉ I̱ pa꞉ta꞉ e pokea꞉me. Oli hepeni naneta꞉ mo kilu tumbao pila꞉ kini seana꞉ ma꞉nda꞉ manda pitia꞉me.

Peneme Yaeyekeeki 1:10

Mo Tekehalina꞉ natena꞉ta꞉ hande Sipitidima꞉ I̱ handeteke hata꞉ e pokea꞉me. Kutupa bu kanakena꞉ e̱ma꞉ handeke pi ho̱la̱꞉make tiekema꞉ yaka hoki nane pi lea꞉eki opua꞉me.

2 Pida 1:21

Pa ekipeke mo la꞉ wieke pi ma꞉nda꞉ta꞉ halina꞉ hone pa꞉ta꞉ na epeekepate mo haliwekita꞉ Holi Sipitidima꞉ handeteke hayekeeki oto pa꞉ta꞉ hata꞉ Koda꞉ma꞉ haleeke tupa꞉ walao haemekeme.

Hibulu 3:7

Koto pa꞉la꞉ ekina꞉ mo Holi Sipitidima꞉ kinki pitolo hata꞉ alota꞉ Ame do natena꞉ Koda꞉na꞉ pi ho̱la̱꞉make opimika꞉na꞉ta꞉

Aposolo 1:16

Kutupa ipikana꞉ma꞉ alota꞉ Yaka ana꞉ kame titio. Hande Baibolo bukana꞉ wape pa꞉la꞉ pita꞉ ota꞉ yaapeke ya꞉la꞉me. Hande Holi Sipitidima꞉ Deipidina꞉ hone u tiaaso haena꞉ta꞉ Yesu da꞉ka꞉pa꞉ minina꞉ haliweki hatuku polo pia꞉ hali Diudasima꞉ pulu piekeeki dupilieke laa Deipidima꞉ wape piekeme.

Maka 12:36

Deipidima꞉ ipika꞉ kone alota꞉ Holi Sipitidima꞉ la halolo haena꞉ alota꞉ Mo Tekehalima꞉ yaka Tekehali pa꞉ta꞉ leekeeki dupa. Naka꞉ a꞉nda꞉ tunkuliki haliweki naka꞉ anke oto pa꞉ta꞉ mea pitaanoyeke yaka popeke nane kikina꞉ pita꞉peke la꞉la꞉me.

1 Kotindi 12:3

Koto ekina꞉ ikana꞉ma꞉ hone uemena꞉yeke do alome. Hali homeke ma꞉nda꞉ a꞉nda꞉ma꞉ta꞉ Koda꞉na꞉ Holi Sipitidima꞉ handeteke haena꞉ alo hata꞉ alota꞉ Yesuta꞉ hoeyaena꞉e laa pi lapeke na ya꞉la꞉me. Kutupa ma꞉nda꞉ma꞉ make Yesuta꞉ ota꞉ Tekehalie laa loluekema꞉ mo Holi Sipitidima꞉ na handeteke haena꞉ kone kutupiki pi lapeke na ya꞉la꞉me.