Ma꞉tiu 22:33 - Panake Pi La: Ula: Buka pita: Kine Pieke Buka

³³ Mo mombelemeke wanda꞉halima꞉ koto leeke pi opitolota꞉ mo pina꞉ paala꞉ pieke penkili polo hata꞉ leke opo handa꞉ hake wimikime.

Ma꞉tiu 22:33 Referans Kwoze

Dioni 7:46

Mo tembolo da handeteke haemeke haliwekima꞉ ika꞉ pi hombo peaaso alota꞉ Amba꞉ hata꞉ make do halima꞉ ala꞉ tupa꞉ ma꞉nda꞉ma꞉ dupiki pi na leekeme.

Luku 4:22

Ipika꞉ leeke pi manuma꞉ tende pieke handaa iki paeyao siki leke opa penkiliputia pominolo hata꞉ make haleke lomba mo ikana꞉ma꞉ ipikina꞉ do pi lemekeme. Ipikita꞉ Diosepena꞉ eiyeke dia꞉yekea laa ika꞉ ika꞉ kone lota꞉ pu alu alu pimikime.

Luku 2:47

Yesuma꞉ta꞉ tandapiki hombo peatiki pieke ekina꞉ mo ipika꞉ pi opimiki wanda꞉hali paeyaota꞉ penkilipa꞉tia pomimikime.

Maka 12:17

Yesuma꞉ iki pa꞉ta꞉ alota꞉ Sisana꞉ ale manuta꞉ Sisa pa꞉ta꞉ pa mea hala꞉pa꞉peke. Kutupa Koda꞉na꞉ ale manuta꞉ kota꞉ Koda꞉ pa꞉ta꞉ pa hala꞉pa꞉peke leekeme. Mo haliwekima꞉ koto pi opuaata꞉ penkili pimikime.

Maka 6:2

Kutupa mo Hoto Pila꞉ Natena꞉ Diu haliwekina꞉ pi hotu haemeke da tukiki pa꞉ta꞉ honda꞉ pamba puaata꞉ pi waleekeme. Mo yeni pu haemeke da pa꞉ta꞉ pitimiki wanda꞉hali wopuma꞉ opua penkilipa꞉tia pominolo hata꞉ alota꞉ Do wala꞉la꞉eki paeyaota꞉ ipikana꞉ma꞉ hando pa꞉ta꞉ opua pa꞉la꞉pe. Do halima꞉ ipikana꞉ma꞉ epeke honemanu ekipa handa꞉ wia mea pa꞉la꞉pe laa ipikana꞉ma꞉ wele pita꞉la꞉ ekimanu do aleke welema꞉ pita꞉la꞉pe.

Ma꞉tiu 22:22

Mo haliwekima꞉ koto pi opuaata꞉ penkili polo hata꞉ Yesu haena꞉ mina꞉pa꞉lao pemekeme.