Ma꞉tiu 22:29 - Panake Pi La: Ula: Buka pita: Kine Pieke Buka

²⁹ Yesuma꞉ ika꞉ pi hombo peaaso alota꞉ Ikana꞉ma꞉ pi tieke lo hoeyaasememe. Pa ekipeke. Ikana꞉ma꞉ mo Baibolo bukana꞉ wape pea ula꞉ ekimanu pita꞉ Koda꞉na꞉ wele pu hala꞉ ekimanu yaapo na handelememe.

Ma꞉tiu 22:29 Referans Kwoze

Dioni 20:9

Koto pita꞉ta꞉ mo hali yaapoma꞉ta꞉ mo Baibolo buka pa꞉ta꞉ Yesuta꞉ homaa paa tiaalo pa꞉la꞉eki wape pieke ekita꞉ hone a̱i̱ na wipikime.

Loma꞉ 15:4

Mo hande Baibolo bukana꞉ wape pa꞉la꞉ ekimanu paeyaota꞉ niki waluekema꞉ wape pea pelememe. Mo hande Baibolo bukana꞉ wape pa꞉la꞉eki manuma꞉ta꞉ niki sutia tia pitolo haena꞉ niki tiao hata꞉ mo hande la꞉ ula꞉ ekimanu yaena꞉yeke handeteke hao hamono ula꞉me.

Luku 1:37

Hau paeyao kone Koda꞉ma꞉ pea꞉peke ya꞉la꞉me leekeme.

Pilipai 3:21

Ipikana꞉ma꞉ta꞉ mo nika꞉ dete piki tande polo pa꞉la꞉ loke manuta꞉ mo ipika꞉ ota꞉ ta꞉ta꞉ piki pa̱a̱ pupapeke lokema꞉ handekeeki topo peao hawalieke. Koto hauta꞉ mo ipika꞉ ala꞉ta꞉ ala꞉ta꞉ paeyao lu tumbapeke ya꞉la꞉ welema꞉ peawalieke.

Aposolo 26:8

Koda꞉ma꞉ ota꞉ homa꞉la꞉ wanda꞉hali paa mea tiaapeke ya꞉la꞉me laa ikana꞉ma꞉ta꞉ ekipeke koto hone na witelemepe lea꞉me.

Kini Pieke 18:14

Koto mo Tekehalima꞉ na pea꞉peke ya꞉la꞉ hau ma꞉nda꞉ ula꞉pe. Amba꞉ mo loa꞉ handa꞉e. Ame do kini pea kaisepo kiki homekena꞉ mandane ekina꞉ tonkopuna꞉ta꞉ I̱ paa epoa꞉ka꞉na꞉ta꞉ Setama꞉ weki mendilieke laa loa꞉me leekeme.

Ma꞉tiu 22:28

Kutu piepate mo wanda꞉hali paa tialimi natena꞉ta꞉ mo hande wanda꞉ta꞉ ota꞉ epina꞉ wanda꞉ halia꞉pe. Pa ekipeke mo hande watake hata꞉ hali paeyaoma꞉ mo homeke wanda꞉ kone mimiki ekina꞉ alome lemekeme.

Maka 12:24

Yesuma꞉ iki pa꞉ta꞉ alota꞉ Ikana꞉ma꞉ pi lo hoeyaasememe. Pa ekipeke mo Baibolo bukana꞉ wape pea ula꞉ ekimanu na handelememe. Kutupa Koda꞉na꞉ wele pu hala꞉ ekimanu make na handelememe.

1 Kotindi 15:34

Ika꞉ hoke hau piteleme ekimanu mina꞉pa꞉lao ika꞉ hone tiki tiki yao epeke tupa꞉ paa hapa꞉peke. Iki pa꞉ta꞉ haleme mandane wanda꞉hali manuma꞉ta꞉ Koda꞉na꞉ hau na handelememe. Do alo ekina꞉ta꞉ yaala꞉ma꞉ homaamina꞉ alome.