Ma꞉tiu 21:40 - Panake Pi La: Ula: Buka pita: Kine Pieke Buka

⁴⁰ Koto pimanu la paeyeketa꞉ Yesuma꞉ iki lota꞉ pitolo alota꞉ Do ena꞉ tekehali opolo epea꞉ka꞉na꞉ta꞉ kota꞉ mo e handeteke haleme haliweki iki pa꞉ta꞉ta꞉ ipikana꞉ma꞉ eki haumanu pealia꞉pe leekeme.

Ma꞉tiu 21:40 Referans Kwoze

Hibulu 10:29

Kutu piekeeki hone witolo hata꞉ nikana꞉ma꞉ mo hali homeke ma꞉nda꞉ma꞉ mo a꞉ta꞉ma꞉ homa tamba꞉ mina꞉la꞉ Sipitidi laasa꞉ pi alo make mo ipika꞉ hoke hau paeyaeyeke pi la꞉ ula꞉ weta꞉ pa ekie hone witolo hata꞉ make mo Koda꞉na꞉ Eiyeke hoki walaa paa pa alema꞉ handa ya꞉ka꞉na꞉ta꞉ kota꞉ koto hali pa꞉ta꞉ta꞉ eki hau opolo ipiliekee hone witemepe. Kutu pilie someta꞉ kota꞉ mo lita꞉la꞉eki ota꞉ lombei piki hoke yenki milieke hone wia꞉pa꞉peke.

Maka 12:9

Yesuma꞉ alota꞉ Mo e teke halima꞉ eki pilia꞉pe laa Ipikana꞉ma꞉ a꞉paata꞉ mo e pokao haemeke haliweki ota꞉ lia paeyaota꞉ mandane haliwekima꞉ta꞉ ipika꞉ e pokao haena꞉ lelieke laata꞉

Ma꞉tiu 21:34

Wetepena꞉ mo waini kiliki talemeke nate opolo epeeketa꞉ mo hande haliwekima꞉ wialimi ipika꞉ putu piliki meaena꞉ta꞉ ipika꞉ e pokaemeke haliweki iki pa꞉ta꞉ tapaeyekeme.

Ma꞉tiu 21:39

Koto laata꞉ ikana꞉ma꞉ mo some da꞉ka꞉pa꞉ minimikime. Ta꞉nka꞉pa꞉ minaata꞉ mo e tikene yola꞉ mea miniki puaata꞉ lia homaemekeme leekeme.

Ma꞉tiu 21:41

Ikana꞉ma꞉ ipika꞉ pi hombo peaaso alota꞉ Ipikana꞉ma꞉ mo hoke haliweki homena꞉ liaata꞉ mo waini kiliki talimi natena꞉ ika꞉ eki minolo hata꞉ putu piliki ipiki pa꞉ta꞉ epeke tupa꞉ hala꞉tiki pulu pa꞉la꞉ mandane haliwekima꞉ handeteke haena꞉ haliekee lemekeme.