Ma꞉tiu 21:37 - Panake Pi La: Ula: Buka pita: Kine Pieke Buka

³⁷ Paeyaaso naneta꞉ mo hande e teke halima꞉ mo hande haliweki pa꞉ta꞉ ota꞉ ipika꞉ weki iki pa꞉ta꞉ pena꞉ tapaeyekeme. Ipika꞉ honema꞉ kone alota꞉ Ya wekina꞉ pita꞉ ota꞉ opua pilimikie leekeme.

Ma꞉tiu 21:37 Referans Kwoze

Dioni 3:16

Do ekina꞉yeke loa꞉me. Koda꞉ma꞉ kenke wanda꞉hali pa꞉ta꞉ pukima꞉ wotu homolo hata꞉ ipika꞉ Weki homeke kone kiekeme. Kutupa hali epima꞉ ipika꞉ Weki pa꞉ta꞉ hone tulao haya꞉ka꞉na꞉ta꞉ kota꞉ koto hali na homeke deto hala꞉eki mina꞉yeke kiekeme.

Dioni 1:34

Dionima꞉ alota꞉ Koto ekita꞉ I̱ma꞉ handoa꞉me. Koto ekina꞉ ipikita꞉ Koda꞉na꞉ Eiyeke hala꞉eki iki pa꞉ta꞉ la kitolome leekeme.

Luku 20:13

Kotoeki ombu pimiki mo hande waini ena꞉ teke somema꞉ alota꞉ I̱ma꞉ eki pulua꞉pe hone wiaata꞉ Yaka pukima꞉ na kepeleke weki kone tapalueke hone wiekeme. Ipika꞉ honema꞉ alota꞉ Yaka wekina꞉ pita꞉ ota꞉ opua pilimikie laa leekeme.

Maka 12:6

Mo e teke hali yaapota꞉ homeketa꞉ pa hayekeme. Ipika꞉ puki piki weki homeke pa hayekeme. Paeyaaso hata꞉ mo haliweki pa꞉ta꞉ ipika꞉ eiyeke tapaaso hata꞉ alota꞉ Yaka wekina꞉ pi opua homu pea halimikie leekeme.

Ma꞉tiu 3:17

Kutaa oli ya nanema꞉ pi ho̱la̱꞉make homekema꞉ pi alo alota꞉ Dota꞉ ya pukipiki wekie. I̱ma꞉ ipiki pa꞉ta꞉ ta꞉na꞉ma꞉ wopu homolome laa pi la꞉niaeyekeme.

Dioni 1:18

Hali homeke ma꞉nda꞉ma꞉ Koda꞉ ota꞉ na handeekeme. Kutu piekepate Eiyeke homekema꞉ homeke Koda꞉ tupa꞉ hata꞉ Atekena꞉ popeke nane kikina꞉ pila꞉ halima꞉ kone ipikana꞉ma꞉ niki la ka꞉la꞉me.

Ma꞉tiu 21:36

Kutu pieketa꞉ mo hande e poko halaa peeke somema꞉ mo hande ipika꞉ amba꞉ tapaeyeke haliweki haka꞉ta꞉pake e pokaemeke mandane haliweki tapaeyekeme. Kutu piekepate mo e handeteke haemeke haliwekima꞉ iki pa꞉ta꞉ mandake hau ombu pimikime.

Ma꞉tiu 21:38

Kutu piekepate mo hande e handeteke haemeke haliwekima꞉ mo hande teke halima꞉ tapaeyeke weki epeekeeki handaata꞉ kota꞉ ikana꞉ma꞉ ika꞉ hone lombolo hata꞉ alota꞉ Hande e tekehali ipika꞉ anketeke mulu pa꞉la꞉ wekita꞉ koto ipula꞉ma꞉ ota꞉ lumana꞉e la alota꞉ Luma꞉ka꞉na꞉ta꞉ mo eta꞉ kota꞉ ota꞉ nika꞉ e wilieke lemekeme.