Ma꞉tiu 21:27 - Panake Pi La: Ula: Buka pita: Kine Pieke Buka

²⁷ Koto ekina꞉ ikana꞉ma꞉ Yesu pa꞉ta꞉ alota꞉ Niki na handoloma꞉me lemekeme. Koto lemeke Yesuma꞉ hombo peaaso alota꞉ Kota꞉ I̱ma꞉ make yaka pu halo hau manuna꞉ wele peao hala꞉ halina꞉ bikita꞉ iki pa꞉ta꞉ na la kulueke leekeme.

Ma꞉tiu 21:27 Referans Kwoze

2 Kotindi 4:3

Nikana꞉ma꞉ peneme yao waloloma꞉ Pi Seliapota꞉ ma꞉nda꞉ pa꞉ta꞉ a꞉mbao wia꞉ka꞉na꞉ta꞉ kota꞉ mo alupa꞉la꞉ pota꞉na꞉ polo peleme wanda꞉hali pa꞉ta꞉ homeke a꞉mbao ula꞉me.

Loma꞉ 1:28

Mo haliwekima꞉ta꞉ Koda꞉ ota꞉ hala꞉eki hone ma꞉nda꞉ uluekema꞉ kiaasemeke ekina꞉ta꞉ Koda꞉ma꞉ ika꞉ kone hone u hoeyao pa haena꞉ la꞉la꞉me. Koto pa꞉la꞉ ekina꞉ mo haliwekima꞉ ana꞉ na piki haumanu pu halememe.

Dioni 9:30

Koto ekina꞉ mo halima꞉ ika꞉ pi hombo peaaso alota꞉ Ikana꞉ma꞉ koto halita꞉ hando pa꞉ta꞉ hao a꞉pa pa꞉la꞉pe alemepateta꞉ yaka leke ipikana꞉ma꞉ kilaeya꞉me.

Ma꞉tiu 16:3

Kutaa koto tupa꞉ kone da ka꞉la꞉paaso make ikana꞉ma꞉ta꞉ nate we pita꞉la꞉ ekita꞉ Lako ipuluekema꞉ taa pita꞉la꞉ handa꞉e lo halememe. Ikana꞉ma꞉ oli yana꞉ pita꞉la꞉ haumanu handolo hata꞉ dupiki nate telieke laa la꞉ u hapa꞉peke ya꞉la꞉pate pa ame do iki pa꞉ta꞉ pitolo haumanu handaa ikana꞉ma꞉ hone wia꞉pa꞉peke na ya꞉la꞉pe.

Ma꞉tiu 15:14

Pina꞉ma꞉ hone ma꞉nda꞉ na wia꞉pa꞉pe. Ikita꞉ mo leke holu piki wanda꞉halina꞉ leke holu piki you haliweki halememe. Koto ekina꞉ta꞉ leke holu piki somema꞉ mo leke holupiki some ma꞉nda꞉ hatuku mea pea꞉ka꞉na꞉ta꞉ kota꞉ ipiliki telipuna꞉ hombo pa꞉ta꞉ hopulu paleke mandake lopilipikie leekeme.

Ma꞉tiu 21:26

Kutaa make ikana꞉ma꞉ alo hata꞉ta꞉ Pa kenke wanda꞉halina꞉ ekie lolo poloma꞉eki make do wanda꞉hali paala꞉ pa꞉la꞉me. Pa ekipeke iki paeyaoma꞉ Dionita꞉ Koda꞉na꞉ pi la꞉ mea halo haya꞉ halie lo halememe lemekeme.

Ma꞉tiu 21:28

Yesuma꞉ iki pa꞉ta꞉ alota꞉ Do ekina꞉ta꞉ ikana꞉ma꞉ eki hone witemepe. Hali homekema꞉ weki yaapo mondu wiekeme. Kutupata꞉ nate ma꞉nda꞉na꞉ ipika꞉ mupeke weki pa꞉ta꞉ puaata꞉ dupa leekeme. Ya wekio. Neketa꞉ ame mo ya hande waini pu ena꞉ e pokolo poelena꞉e leekeme.