Ma꞉tiu 21:14 - Panake Pi La: Ula: Buka pita: Kine Pieke Buka

¹⁴ Ipikita꞉ koto Tembolo da tukiki pa꞉ta꞉ haena꞉ kone ipiki pa꞉ta꞉ epemeke mandane leke holupiki wanda꞉hali make dola꞉pake pieke wanda꞉hali make ipikana꞉ma꞉ iki paeyao wamo peayekeme.

Ma꞉tiu 21:14 Referans Kwoze

Aposolo 10:38

Hande Na꞉sa꞉tete da halita꞉ Yesue. Ipikita꞉ Koda꞉ma꞉ wele peaaso hata꞉ mo Holi Sipitidima꞉ make suta꞉pe wiaeyekeeki opimika꞉ta꞉me. Kutupa ipikana꞉ma꞉ Koda꞉ ame̱le̱ hata꞉ epeke hau pea꞉tiki pu hao Sadanima꞉ hoeyaeyeke wanda꞉hali mea tiatiki pu hao pomu hayekeme.

Ma꞉tiu 9:35

Yesuma꞉ta꞉ koto pa꞉ta꞉ haemeke da paeyao pa꞉ta꞉manu pomu lopeekeme. Ika꞉ teke da tieke pa꞉ta꞉ make ika꞉ da teke pa꞉ta꞉manu make pomu lopo piekeme. Kutaata꞉ ika꞉ yeni pu haemeke damanu pa꞉ta꞉ make pi walo hayekeme. Ipikana꞉ma꞉ mo Koda꞉na꞉ Kilu Tombuao Hala꞉ ekina꞉ Pi Seliapomanu walolo hata꞉ make mo ta꞉ta꞉ ta꞉ta꞉ piki yeni haemeke wanda꞉halina꞉ yeni tekemanu tonka꞉na꞉ wamo peatiki pomu hayekeme.

Ma꞉tiu 4:23

Yesuma꞉ mo Ka꞉lili kenke paeyao pa꞉ta꞉ pominolo hata꞉ ika꞉ pi hotu haemeke damanu pa꞉ta꞉ pi waleekeme. Ipikana꞉ma꞉ mo Koda꞉na꞉ Kilu Tombuao Hala꞉ ekina꞉ Pi Seliapomanu walolo hata꞉ mo wanda꞉halina꞉ ta꞉ta꞉ ta꞉ta꞉ piki yeni ki paeyao wamo peayekeme.

Ma꞉tiu 21:15

Yesuna꞉ epeke epeke haumanu piekeeki make mo wekiwandiki sunuma꞉ Tembolo da tukiki pa꞉ta꞉ hata꞉ Yesuna꞉ biki daeyaluekema꞉ mo Deipidina꞉ eiyekena꞉ biki yeiya꞉ lamana꞉e lemekeeki opu pitolo hata꞉ta꞉ mo hande yeni peao haemeke haliwekina꞉ you haliwekima꞉ make hande pi ula꞉eki wape pea walo hala꞉ haliwekima꞉ make mineke tieke kini pea pankolo hata꞉