Ma꞉tiu 20:21 - Panake Pi La: Ula: Buka pita: Kine Pieke Buka

²¹ Yesuma꞉ alota꞉ Neketa꞉ aleke hone peleke pitelepe leekeme. Koto leeke mo wanda꞉ma꞉ hombo peaaso alota꞉ Nakana꞉ma꞉ Kini hali pitilipi natena꞉ do ya weki yaapo naka꞉ popeke nanema꞉ weki ma꞉nda꞉ pitu make hoeya꞉ nanema꞉ weki ma꞉nda꞉ pitu pina꞉ pi la꞉ witolo I̱ pa꞉ta꞉ la꞉ wie leekeme.

Ma꞉tiu 20:21 Referans Kwoze

Ma꞉tiu 19:28

Yesuma꞉ hombo peaaso alota꞉ I̱ma꞉ ota꞉ pi alome. Mo paa kini pilia꞉ panake di kini pia꞉ka꞉na꞉ta꞉ kota꞉ mo wanda꞉halina꞉ Eiyekema꞉ ipika꞉ ota꞉ seliapo piki pa̱a̱ tiekema꞉ hopiliaasa꞉ you halina꞉ sea manda pitia꞉ka꞉na꞉ta꞉ kota꞉ koto toma꞉na꞉ta꞉ iki yaka 12 disaipolo haliweki make mo Isulaina꞉ 12 tapake handeteke haluekema꞉ ikana꞉ma꞉ mo iki handeteke hala꞉ sea manda pitilimikie.

Ma꞉tiu 18:1

Koto toma꞉na꞉ta꞉ mo disaipolo haliwekima꞉ Yesu pa꞉ta꞉ a꞉pa lota꞉ pitolo alota꞉ Mo hepenina꞉ Kilu Tombuao Hala꞉eki pa꞉ta꞉ epita꞉ ota꞉ tieke hala꞉pe lemekeme.

Aposolo 1:6

Yesu make mo haliweki ame̱le̱ mandake pa꞉ta꞉ momba꞉la haemeke dina꞉ ikana꞉ma꞉ Yesu pa꞉ta꞉ alota꞉ Tekehalio. Ame do natena꞉ta꞉ nakana꞉ma꞉ Isulai paa kilu tombuao haluekema꞉ alepe lemekeme.

Maka 6:22

Hetodiasina꞉ wanekema꞉ a꞉paata꞉ keliapo pambolo hata꞉ Hetodi make epemeke haliweki make ta꞉na꞉ma꞉ homaeyeke handaa kini halima꞉ mo wandiki pa꞉ta꞉ alota꞉ Naka꞉ hone pa꞉la꞉ ale I̱ pa꞉ta꞉ honke leka꞉na꞉ta꞉ ota꞉ kulueke leekeme.

Ma꞉tiu 20:32

Kutupa Yesuma꞉ pota꞉na꞉ hando hata꞉ wi laa alota꞉ I̱ma꞉ ipiliki pa꞉ta꞉ eki peaano alepepe leekeme.

Kolosi 3:1

Ikita꞉ Ketiso yaapo paa mea tiaala꞉ ekina꞉ta꞉ oli hepeni ula꞉ ale manuna꞉ ika꞉ hone wopu ti la꞉ pelia haena꞉ lapa꞉peke. Ketiso ipika꞉ handeteke hala꞉ seana꞉ Koda꞉na꞉ popeke nane kikina꞉ pila꞉ alena꞉ loa꞉me.

Loma꞉ 12:10

Ikana꞉ma꞉ ika꞉ Ketiso kametiti ame̱le̱ ika꞉ kone pukima꞉ homa alualu pea hapa꞉peke. Kutupa ika꞉ ika꞉ kone lu mina꞉nia alualu puluekema꞉ taapo hapa꞉peke.

Dioni 15:7

Ikita꞉ I̱ pa꞉ta꞉ hata꞉ta꞉ yaka pi lolo ekimanu miniki hata꞉ta꞉ ika꞉ hone pa꞉la꞉ tupa꞉ honke lemeka꞉na꞉ta꞉ ota꞉ milimikie.

Luku 22:24

Yesuna꞉ disaipolo haliwekima꞉ iki ma꞉nda꞉ epita꞉ ota꞉ tiekee hone wina꞉ta꞉ epi ka꞉ta꞉pe laa ape lemekeme.

Luku 19:11

Wanda꞉halima꞉ pi opitolo haena꞉ Yesuma꞉ iki pa꞉ta꞉ onkoluma꞉ pi ma꞉nda꞉ la haleekeme. Koto wanda꞉halima꞉ Yesuta꞉ Diutuseleme nane teke pa꞉ta꞉ polukuma꞉ peeke handaa ikana꞉ma꞉ ekima꞉ Koda꞉na꞉ Kilu Tombuao Hala꞉ ekita꞉ koto kone ipula꞉me hone wimikime.

Luku 18:41

I̱ma꞉ neke pa꞉ta꞉ eki peaano hone pa꞉la꞉pe leeke handaa mo halima꞉ alota꞉ Tekehalio. Yaka hone pa꞉la꞉ ekita꞉ ota꞉ paa handuluekema꞉ loa꞉me leekeme.

Maka 10:51

Yesuma꞉ ipiki pa꞉ta꞉ alota꞉ Eki peaano hone pa꞉la꞉pe leekeme. Mo leke holupiki halima꞉ ipiki pa꞉ta꞉ alota꞉ Tekehalio. Ya leke yaapo ki laae leekeme.

Loma꞉ 8:34

Hali epima꞉ iki pa꞉ta꞉ alota꞉ Hoke yenki milimikie laa lapeke ya꞉la꞉pe. Dia꞉me. Ma꞉nda꞉ma꞉ koto pi lapeke na ya꞉la꞉me. Yesu Ketisota꞉ homeekepate Koda꞉ma꞉ ipiki paa mea tiao ipika꞉ popeke kikina꞉ pitina꞉ leekeme. Yesu Ketisoma꞉ta꞉ Koda꞉ pa꞉ta꞉ nika꞉ pi la꞉ mea halao hala꞉me.

Maka 16:19

Koto ekina꞉ Tekehali Yesuma꞉ mo wanda꞉hali pi la halo paeyaota꞉ Koda꞉ma꞉ Yesu mea oli ya nane hatuku miekeme. Kutupa Yesuta꞉ Koda꞉na꞉ popeke nane kiki nane pitiniaeyekeme.

Ma꞉tiu 20:22

Koto leekepate Yesuma꞉ mo wanda꞉na꞉ eiyeke yaapo pa꞉ta꞉ alota꞉ Ipilika꞉ honke alepe ekita꞉ hone wotu na wiki hata꞉ alepeme. I̱ma꞉ mo ka꞉nda꞉ pa꞉la꞉ ekina꞉ kapona꞉ nolua꞉ ekita꞉ ipilikana꞉ma꞉ make napa꞉peke yelepe leekeme. Ipilikana꞉ma꞉ ipika꞉ pi hombo peaaso alota꞉ Diki ana꞉ pa꞉la꞉me lepekeme.