Ma꞉tiu 20:17 - Panake Pi La: Ula: Buka pita: Kine Pieke Buka

¹⁷ Yesuma꞉ Diutuseleme pota꞉na꞉ ipika꞉ disaipolo haliweki homeke talo pu mea pulu hata꞉ alota꞉

Ma꞉tiu 20:17 Referans Kwoze

Aposolo 10:41

Wanda꞉hali paeyaoma꞉ handena꞉ na leke pa Koda꞉ma꞉ amba꞉la talopu mieke wanda꞉halima꞉ homeke handena꞉ lea꞉me. Nikita꞉ ipika꞉ la haloloma꞉ haliweki haloma꞉me. Ipika꞉ homa paa tiao a꞉paata꞉ nikana꞉ma꞉ ipiki ame̱le̱ ne noma꞉me.

Dioni 15:15

Pa e pokaasa꞉ halima꞉ta꞉ ipika꞉ teke halima꞉ hone wita꞉la꞉ ekita꞉ handa꞉peke na ya꞉la꞉ ekina꞉ ameta꞉ iki pa꞉ta꞉ pa e pokaaseme haliwekio pi na lolueke. Pa ekipeke yaka Apa꞉ma꞉ I̱ pa꞉ta꞉ la kita꞉la꞉ pi paeyao iki pa꞉ta꞉ la kitolo ekina꞉ iki pa꞉ta꞉ yaka yankeke titio alome laa leekeme.

Dioni 12:12

Da ka꞉la꞉peeketa꞉ hande Lombei Pupa Yapeeke dina꞉ ne pambuluekema꞉ momba꞉la haemeke wanda꞉hali paeyaoma꞉ta꞉ Yesuta꞉ Diutuseleme da nane ipula꞉me lemekeeki opimikime.

Ma꞉tiu 16:13

Kutupa Yesuma꞉ ipika꞉ hoki nane tolu haemeke haliweki ame̱le̱ mo Sesatia Pilipai da kenke nane pemekeme. Koto pa꞉ta꞉ta꞉ ipika꞉ disaipolo haliweki pa꞉ta꞉ dupa lota꞉ piekeme. Wanda꞉halima꞉ mo Wanda꞉halina꞉ Eiyeketa꞉ epi alemepe leekeme.

Ma꞉tiu 13:11

Yesuma꞉ ika꞉ pi hombo peaaso alota꞉ Mo hepenina꞉ Kilu Tombuao Hala꞉ ekina꞉ a꞉mbao ula꞉ hone manuta꞉ ikita꞉ opua hone wilimipate mo wanda꞉halita꞉ hone na wina꞉yeke onkoluma꞉ pi alome.

Kini Pieke 18:17

Kutupa mo Tekehalima꞉ ipika꞉ onina꞉ toluma꞉ alota꞉ I̱ma꞉ pulu polo ekita꞉ Eipoloha꞉ma꞉ pa꞉ta꞉ na a꞉mbalueke.