Ma꞉tiu 2:11 - Panake Pi La: Ula: Buka pita: Kine Pieke Buka11 Kutu pieke handa ikana꞉ma꞉ mo da tukiki pa꞉ta꞉ honda꞉ pamba pua mo wekita꞉ ipika꞉ inkiki Metima꞉ wia pitiekeeki handaata꞉ ika꞉ tumiki yotuao panda꞉ puniao pita꞉ ipika꞉ biki yeiya꞉ laemekeme. Kutu polo hata꞉ta꞉ ika꞉ nu pa꞉ta꞉ mendimiki yenki tieke alemanu kolo make mo lanka꞉ yankea꞉ka꞉na꞉ totopopiki lumu opa꞉la꞉ lanka꞉ siki make mo totopo yolepiki ti pankeke ale make toku mea ipiki pa꞉ta꞉ halemekeme. Gade chapit la |
I̱ta꞉ ipiki yeiya꞉ lao yeni puluku alo ipika꞉ anke teke pa꞉ta꞉ panda꞉puniao lopoa꞉ pa꞉ta꞉ ipikana꞉ma꞉ I̱ pa꞉ta꞉ alota꞉ Ei I̱ pa꞉ta꞉ kotoeki na pia꞉pema. I̱ta꞉ e pokaaso naka꞉ yankekee. Kutupa make naka꞉ kamemanu mo Yesuma꞉ peneme yaeya꞉ ota꞉ pimanu miniki haleme wanda꞉halina꞉ yankeke halome. Koda꞉ pa꞉ta꞉ homeke yeiya꞉ laaso hata꞉ yeni pu hapeke laa lea꞉me. Pa ekipeke mo Yesuma꞉ peneme yaeya꞉ ota꞉ ekita꞉ mo potopede haliwekima꞉ alemeeki hone u tiaasa꞉ekie.
Dupitolo haena꞉ta꞉ mo deto hala꞉ tonkopu ale manuma꞉ make mo hali tieke homekena꞉ tonkopu you haliweki paeyaoma꞉ mo Sipisipi Ma꞉na꞉ Ikikina꞉ puki tikitikina꞉ panda꞉puniao lopememe. Homeke homekema꞉ta꞉ mo kidama꞉ handeke ale make mo koloma꞉ wepiki ulu pa꞉ta꞉ta꞉ totopo piki alema꞉ tumbikieki wimime. Kotota꞉ mo hande Koda꞉na꞉ wanda꞉halina꞉ yeni pita꞉la꞉eki yekeme.
Ika꞉ apa꞉ma꞉ iki pa꞉ta꞉ alota꞉ Kota꞉ kutu pulu pia꞉ka꞉na꞉ta꞉ kota꞉ do kenkena꞉ opa꞉la꞉ epeke nemanu ika꞉ nu pa꞉ta꞉manu mendiao mo kapomani handeteke hala꞉ you halina꞉ pa hameke hala꞉la꞉ ale mea puapee. Mo ale manuta꞉ pa totopo piki ti yonkeleke sikima꞉ make hosiki boi hapeke make mo ne totopo peaasa꞉ alemanu make mo (pei kilikima꞉ handeke) pisidasio kiliki make (mo sa꞉tikima꞉ handeke) amono kiliki make mea puapee.