Biblia Todo Logo
Bib sou entènèt

- Piblisite -




Ma꞉tiu 19:28 - Panake Pi La: Ula: Buka pita: Kine Pieke Buka

28 Yesuma꞉ hombo peaaso alota꞉ I̱ma꞉ ota꞉ pi alome. Mo paa kini pilia꞉ panake di kini pia꞉ka꞉na꞉ta꞉ kota꞉ mo wanda꞉halina꞉ Eiyekema꞉ ipika꞉ ota꞉ seliapo piki pa̱a̱ tiekema꞉ hopiliaasa꞉ you halina꞉ sea manda pitia꞉ka꞉na꞉ta꞉ kota꞉ koto toma꞉na꞉ta꞉ iki yaka 12 disaipolo haliweki make mo Isulaina꞉ 12 tapake handeteke haluekema꞉ ikana꞉ma꞉ mo iki handeteke hala꞉ sea manda pitilimikie.

Gade chapit la Kopi




Ma꞉tiu 19:28
35 Referans Kwoze  

Kutu piki onkoluma꞉ pi lo paeyaaso hata꞉ Yesuma꞉ alota꞉ Mo Kenke Wanda꞉halina꞉ Eiyeketa꞉ pa Kini Hali hata꞉ ipika꞉ enisolomanu tonka꞉na꞉ do kenkena꞉ epea꞉ka꞉na꞉ta꞉ kota꞉ ipikana꞉ma꞉ ipika꞉ pa̱a̱ tieke piki handeteke hala꞉ biki wiki sea tieke manda pitilieke.


Kutupa kini seamanu handoa꞉me. Koto seana꞉ pitimi haliwekita꞉ pi yokaalu pulu pimi wele halea꞉me. Kutupa make mo hande Yesuma꞉ peneme yaeya꞉ ota꞉eki waleme ekina꞉ make Koda꞉na꞉ pi waleme ekina꞉ limiki wanda꞉halina꞉ temokomanu handoa꞉me. Ikana꞉ma꞉ta꞉ mo hande sayale tieke hombeleke make ipiki manda꞉ meao wepimiki ale yaapo pa꞉ta꞉ panda꞉puniao yeiya꞉ laaso hata꞉ yeni na pimi make ika꞉ wenoko o popeke nane kikina꞉ mo sayalena꞉ maka na mimikime. Ikita꞉ paa da꞉ta hata꞉ 1 daoseni bapi manuna꞉ Ketiso ame̱le̱ kini pita꞉ handeteke haememe.


Kutupa I̱ pa꞉ta꞉ la kieketa꞉ Mo Koda꞉ ipika꞉ tomboma꞉ maka ula꞉ tapaketa꞉ 144 daoseni halememe lea꞉me. Koto wanda꞉halita꞉ mo hande Isulaina꞉ 12 tapakee lea꞉me.


Pate Koda꞉ma꞉ la꞉ ula꞉ tupa꞉ mo hande tikitiki hau homeke ulu pa꞉la꞉ panake kenke ya yaapo epena꞉ yu wia haloma꞉me.


Wanda꞉halina꞉ Eiyeke ipika꞉ Atekena꞉ pa̱a̱ taapuna꞉ ipika꞉ enisolo hatuku a̱i̱ kutaa kone ipilieke. Kutaata꞉ wanda꞉hali homeke homekema꞉ ika꞉ pu haeme hau manuna꞉ ana꞉ piki yenki kone iki pa꞉ta꞉ hale hale pilieke.


Kutupa mo kini seana꞉ pitia꞉ halima꞉ alota꞉ Ameta꞉ I̱ma꞉ ala꞉ta꞉ ala꞉ta꞉ paeyao panakeeki wepitolome lea꞉me. Ipikana꞉ma꞉ I̱ pa꞉ta꞉ dupa alota꞉ Do ekita꞉ laaniae. Pa ekipeke do pi manuta꞉ ota꞉eki ya꞉la꞉ ekina꞉ make ota꞉ hone tu lapeke ya꞉la꞉ pie lea꞉me.


Mo hande kini sea popei yaota꞉ mandane hali tieke homekena꞉ tonkopu kini seamanu wia꞉me. Moeki manuna꞉ta꞉ mo hali tieke homekena꞉ tonkopu you haliweki hake piki dau yamaata꞉ koloma꞉ wepiki handeteke hala꞉ haliwekina꞉ you aka꞉manu pambaememe.


Ma꞉nda꞉ epima꞉ a꞉nda꞉ pea bepolaeya꞉ka꞉na꞉ta꞉ I̱ ame̱le̱ mo yaka kini seana꞉ lopulao pitulupeke. I̱ma꞉ta꞉ bepolaota꞉ ameta꞉ yaka Apa꞉na꞉ kini seana꞉ lopulao pilupa꞉ tupa꞉ loa꞉me lea꞉me.


Kutupa nikana꞉ma꞉ mo ka꞉nda꞉manu epena꞉ kone aela꞉ bao haoma꞉ka꞉na꞉ta꞉ kota꞉ ipiki ame̱le̱ mandake piki you wanda꞉hali kone halumeke. Nikana꞉ma꞉ ipiki a꞉nda꞉ kiaoma꞉ka꞉na꞉ta꞉ kota꞉ ipikana꞉ma꞉ niki make kiaalieke.


Yesuta꞉ hepeni nane pua hao hala꞉pate Koda꞉ma꞉ ala꞉ta꞉ ala꞉ta꞉ paeyao panake ekimanu wopulu pa꞉la꞉ nate handeteke hala꞉me. Amba꞉ kiaake Koda꞉ma꞉ ipika꞉ yakopiki potopede haliwekima꞉ la hale hale pieke tupa꞉ loa꞉me.


Yesuma꞉ alota꞉ Neketa꞉ aleke hone peleke pitelepe leekeme. Koto leeke mo wanda꞉ma꞉ hombo peaaso alota꞉ Nakana꞉ma꞉ Kini hali pitilipi natena꞉ do ya weki yaapo naka꞉ popeke nanema꞉ weki ma꞉nda꞉ pitu make hoeya꞉ nanema꞉ weki ma꞉nda꞉ pitu pina꞉ pi la꞉ witolo I̱ pa꞉ta꞉ la꞉ wie leekeme.


Kutupa mo ikalita꞉ mo daonina꞉ pota꞉ tukikina꞉ yapea꞉me. Mo ikali tea꞉ yaapona꞉ta꞉ hande da꞉ta꞉la꞉eki kita꞉la꞉ ti opo hala꞉me. Mo tima꞉ta꞉ bapi homekena꞉ta꞉ sumba꞉ homeke homeke yalao kiliki a꞉eya꞉tiki pu hala꞉me. Kutupa ipika꞉ katake manuta꞉ mo tapake ta꞉ta꞉ ta꞉ta꞉ paeyaona꞉ epeaasa꞉ekie.


Kutupa ta꞉ta꞉ ma꞉nda꞉ pea hone mateke hau tieke oli yana꞉ opolo epea꞉me. Wanda꞉ homeke koto pa꞉ta꞉ pitia꞉me. Ipika꞉ dauta꞉ mo nate yamea꞉me. Kutupa mo kaisepota꞉ ipika꞉ anke oto pa꞉ta꞉ wia kutupa ipika꞉ you aka꞉ta꞉ kiki yaapona꞉ ankena꞉ yaapo hombulanka꞉ pambaeya꞉me.


Koto pa꞉la꞉ ekina꞉ta꞉ ikana꞉ma꞉ mo Koda꞉na꞉ Kilu Tombuao Hala꞉eki make ipika꞉ tikitiki piki hau make epena꞉ loluekema꞉ yeke titina꞉ amba꞉la weiyu haemeka꞉na꞉ta꞉ kota꞉ Koda꞉ma꞉ mo koto ika꞉ hone peleme ale manuta꞉ iki ana꞉lao ku halieke.


Yesuma꞉ ipika꞉ pi hombo peaaso alota꞉ Keao hala꞉ kika manuma꞉ kone ika꞉ polu peleme ale ula꞉me. Kutaa ba manuma꞉ make ika꞉ pelia꞉pa꞉peke dakemanu hao hala꞉me. Pate mo Wanda꞉halina꞉ Eiyekema꞉ ipika꞉ you wia pelia꞉peke da panda꞉ ma꞉nda꞉ na ula꞉me.


Pidama꞉ Yesu pa꞉ta꞉ pi alo alota꞉ Opi. Nikana꞉ma꞉ ala꞉ta꞉ ala꞉ta꞉ paeyao mina꞉pa꞉lao naka꞉ hoki nane telioloma꞉me. Koto ekina꞉ta꞉ nikana꞉ma꞉ta꞉ aleke muluma꞉pe leekeme.


Ipilikana꞉ma꞉ alota꞉ Naka꞉ biki tieke mea pitika꞉na꞉ dikita꞉ homeke naka꞉ popeke nane pa꞉ta꞉liki nanema꞉ mea pitao ma꞉nda꞉ naka꞉ hoeya꞉ nane pa꞉ta꞉liki nanema꞉ mea pitaalena꞉e lepekeme.


Kutupa mo Koda꞉na꞉ puki tikitikina꞉ ika꞉ kini seana꞉ pitimi hande halitieke homekena꞉ tonkopu you haliwekita꞉ panda꞉puniao yeiya꞉ laaso hata꞉ Koda꞉ pa꞉ta꞉ yeni pitolo alota꞉


Koto pa꞉ta꞉ta꞉ timba꞉ ala꞉eki ota꞉ dia꞉yalo hata꞉ ola꞉pake make natena꞉ pa̱a̱ make na weilimikie. Pa ekipeke mo Tekehali Koda꞉ta꞉ ika꞉ pa̱a̱ halieke. Kutupa ikana꞉ma꞉ta꞉ kinimanu pita꞉ hoto paeyao handeteke hao halimikie.


Swiv nou:

Piblisite


Piblisite