Ma꞉tiu 19:20 - Panake Pi La: Ula: Buka pita: Kine Pieke Buka

²⁰ Mo panake halima꞉ hombo peaaso alota꞉ Koto ale pi ula꞉eki paeyaota꞉ telia pu halome. Handoeki ma꞉nda꞉ make peonope leekeme.

Ma꞉tiu 19:20 Referans Kwoze

Ka꞉leisia 3:24

Koto ekina꞉ mo hone tulaasa꞉ hau pa꞉ta꞉ yama꞉ Koda꞉ yaapo tikitiki yao hamono mo Lo Pi ula꞉ ekima꞉ niki handeteke hatiki puaata꞉ Ketiso ipulu kinaeyekeme.

Pilipai 3:6

Kutupa Koda꞉na꞉ hau puluekema꞉ hone wopu witolo hata꞉ I̱ma꞉ mo siosi wanda꞉hali pa꞉ta꞉ tanda hala꞉tiki pu haowa꞉me. Homekema꞉ mo hande pi ula꞉eki paeyao miniki haasa꞉ hauma꞉ tikitiki haasa꞉ hali hapeke ya꞉ka꞉na꞉ta꞉ kota꞉ I̱ma꞉ta꞉ hau ma꞉nda꞉ na pu hoeyaowa꞉me.

Loma꞉ 7:9

Hande Lo Pimanu na opiki hata꞉ I̱ta꞉ da꞉ta haowa꞉pate pa mo pi ula꞉eki opua꞉ dina꞉ta꞉ hoke hau tiaeyeke ekima꞉

Dioni 8:7

Mo haliwekima꞉ lota꞉ lota꞉ pitolo haena꞉ta꞉ Yesuma꞉ tialiao hata꞉ mo haliweki pa꞉ta꞉ alota꞉ Iki pa꞉ta꞉ hala꞉ hali ma꞉nda꞉ hoke hau na pa꞉la꞉ hali haya꞉ka꞉na꞉ta꞉ ipikana꞉ma꞉ amba꞉la toopima꞉ do wanda꞉ lina꞉e leekeme.

Luku 15:29

Kutu piekepate mo hande wekima꞉ ipika꞉ atekena꞉ pi hombo peaaso alota꞉ Opima. Bapi paeyao I̱ma꞉ta꞉ naka꞉ e pokao hala꞉ hali leke hata꞉ e poka꞉tiki pu hata꞉ naka꞉ pi hoto homeke a꞉nda꞉ na tunkulua꞉pate pa nanikosi homeke a꞉nda꞉ kone yaka yankeke titi ame̱le̱ nomono yeke ma꞉nda꞉ na lia kime.

Luku 15:7

I̱ma꞉ iki pa꞉ta꞉ ota꞉ pi alome. Koto tupa꞉ kone oli hepeni naneta꞉ pa mandane 99 hone ma꞉nda꞉ na la꞉ka꞉lapeke epeke tupa꞉ haleme wanda꞉hali pa꞉ta꞉ ta꞉na꞉ma꞉ make homelemepate pa mo hoke hali homekema꞉ hone la꞉ka꞉lea꞉ka꞉na꞉ta꞉ kota꞉ oli hepeni naneta꞉ ota꞉ ta꞉na꞉ tiekema꞉ homilimikie laa leekeme.

Ma꞉tiu 19:19

Naka꞉ ama꞉ apa꞉ yaapona꞉ pi opua꞉peke. Nakana꞉ma꞉ neke naka꞉ kone pukima꞉ homa꞉ handeteke hale tupa꞉ mo mandane mandane wanda꞉hali pa꞉ta꞉ make koto tupa꞉ kone pea꞉peke leekeme.

Ma꞉tiu 19:21

Yesuma꞉ ipiki pa꞉ta꞉ alota꞉ Naka꞉ honema꞉ I̱ta꞉ ota꞉ epeke haupiki some halueke hone wika꞉na꞉ta꞉ kota꞉ mo naka꞉ wia hale ala꞉ta꞉ ala꞉ta꞉ paeyao mandane wanda꞉halima꞉ hambena꞉ laata꞉ mo milipi manita꞉ mandane natehali wanda꞉hali pa꞉ta꞉ halehale pea꞉peke. Kutu pika꞉na꞉ta꞉ kota꞉ nakana꞉ma꞉ mo hepeni tukiki pa꞉ta꞉ta꞉ ale epeke epeke wopu mu halipikie. Koto ekina꞉ta꞉ ya hoki telia꞉peke leekeme.