Ma꞉tiu 18:35 - Panake Pi La: Ula: Buka pita: Kine Pieke Buka

³⁵ Yesuma꞉ do onkoluma꞉ pi lo a꞉mbolo hata꞉ alota꞉ Ikana꞉ma꞉ ika꞉ yankekena꞉ hoke hau pimiki ekimanu ika꞉ pukima꞉ ota꞉ hone na yonka꞉laemeka꞉na꞉ta꞉ kota꞉ yaka hepeni hala꞉ Apa꞉ma꞉ mo hande Kini halima꞉ pieke tupa꞉ kone iki paeyao pa꞉ta꞉ make koto mandake tupa꞉ kone pilieke leekeme.

Ma꞉tiu 18:35 Referans Kwoze

Dia꞉mesi 2:13

Hali ma꞉nda꞉ma꞉ wanda꞉hali pa꞉ta꞉ a꞉ta꞉ma꞉ homa꞉la꞉eki na pu haya꞉ka꞉na꞉ta꞉ wetepe mo hande pi yokaalu pulu pa꞉la꞉ teke halima꞉ mo hau pilie hali pa꞉ta꞉ make a꞉ta꞉ma꞉ na homilieke. Kutu piliepate mo a꞉ta꞉ma꞉ homa꞉la꞉ ekima꞉ta꞉ ipikana꞉ma꞉ panisi pealo pa꞉la꞉ ekita꞉ bepolalieke.

Maka 11:25

Kutupa make Koda꞉ pa꞉ta꞉ tiao hata꞉ yeni pimika꞉na꞉ta꞉ ma꞉nda꞉ma꞉ iki pa꞉ta꞉ hoke hau pa꞉la꞉eki pa꞉ta꞉ hone pa upaleke hata꞉ pimika꞉na꞉ta꞉ kota꞉ ipika꞉ hoke hau tombuao pa paeyaapa꞉peke leekeme. Ika꞉ hepeni nane hala꞉ Apa꞉ma꞉ ika꞉ hoke hau paeyaena꞉yeke ma꞉nda꞉ma꞉ iki pa꞉ta꞉ hoke hau pa꞉la꞉eki paeyaapa꞉peke leekeme.

Ma꞉tiu 6:12

Mandane wanda꞉halima꞉ niki pa꞉ta꞉ hoke hau pimi ekimanu nikana꞉ma꞉ pa paeyaaso hamono nika꞉ hoke hau puma꞉ ekimanu make nakana꞉ma꞉ koto tupa꞉ pa paeyawapeke.

Luku 16:15

Koto ekina꞉ Yesuma꞉ iki pa꞉ta꞉ alo hata꞉ alota꞉ Ikita꞉ kenke wanda꞉halina꞉ leke popelekena꞉ ota꞉ epeke tupa꞉ haleme tapakema꞉ handolo pelemepate Koda꞉ma꞉ta꞉ ika꞉ puki hone paeyaota꞉ hone ula꞉me. Do kenke wanda꞉halima꞉ Ota꞉ hau tieke ale manue laa hone witeleme ale manuta꞉ Koda꞉na꞉ leke popelekena꞉ta꞉ pa pa alee hone ula꞉me leekeme.

Peneme Yaeyekeeki 2:23

Kutupa ipika꞉ hoki nane tolu haleme tapake make lu homaalueke. Kutu pua꞉ka꞉na꞉ta꞉ mo siosi paeyaoma꞉ I̱ta꞉ wanda꞉hali paeyaona꞉ honemanu make hone u halemeeki manuna꞉ hone ulu somee hone wilimikie. I̱ma꞉ta꞉ iki paeyao ika꞉ peleme ekina꞉ homeke homeke lo ana꞉na꞉ kone yenki kulueke.

Dia꞉mesi 3:14

Kutu piliepate honditi wotu pita꞉la꞉eki make pasa꞉tei hau puluekema꞉ taapa꞉la꞉eki make ika꞉ puki pa꞉ta꞉ pitaemeka꞉na꞉ta꞉ kota꞉ ika꞉ pi ika꞉ kone na laake yayapiki hau na pea꞉pa꞉peke.

Dia꞉mesi 4:8

Ikana꞉ma꞉ Koda꞉ teke pa꞉ta꞉ a꞉pa haemeka꞉na꞉ta꞉ ipiki make iki teke pa꞉ta꞉ a꞉pa halieke. Hoke hau peleme wanda꞉halio ika꞉ kiki tanda꞉pa꞉pa꞉peke. Hone yaapo wilimi wanda꞉halio hone hokeeki ma꞉nda꞉ yoka꞉ mea bao hapa꞉peke.

Ma꞉tiu 18:34

mo Kini halima꞉ mineke tieke pankolo hata꞉ mo hande somema꞉ ipika꞉ mieke tondiki ota꞉ paeyao ana꞉na꞉ kone epeao paeyaena꞉ handeteke hata꞉ panisi pina꞉ dipula mea lopaeyekeme.

Maka 11:26

[Ikana꞉ma꞉ ma꞉nda꞉ma꞉ pa꞉la꞉eki na paeyaemeka꞉na꞉ta꞉ ika꞉ hepeni nane hala꞉ Apa꞉ma꞉ ika꞉eki make na paeyaalieke leekeme.]