Ma꞉tiu 18:3 - Panake Pi La: Ula: Buka pita: Kine Pieke Buka

³ Kutaa ipikana꞉ma꞉ iki pa꞉ta꞉ alota꞉ I̱ma꞉ iki pa꞉ta꞉ ota꞉ pi alome. Ikana꞉ma꞉ ika꞉ hone topo pina꞉ lena꞉ laata꞉ mo weki siki leke na haemeka꞉na꞉ta꞉ kota꞉ ikana꞉ma꞉ hepenina꞉ Kilu Tombuao Hala꞉ pa꞉ta꞉ ota꞉ na honda꞉ pambilimikie.

Ma꞉tiu 18:3 Referans Kwoze

1 Pida 2:2

Panake mendia꞉la꞉ wekiwandikima꞉ andu na꞉na꞉ma꞉ homa꞉la꞉ tupa꞉ ikana꞉ma꞉ ika꞉ temoko tamba꞉ mulu pa꞉la꞉ yako piki andu na꞉na꞉ lo hapa꞉peke. Koto ekina꞉ mo andu no haemeka꞉na꞉ta꞉ epeke tupa꞉ daeya hata꞉ Koda꞉na꞉ pa꞉ta꞉ la꞉la꞉eki milimikie.

Ma꞉tiu 19:14

Kutu pimikipate Yesuma꞉ alota꞉ Weki wandikisunu make I̱ pa꞉ta꞉ epena꞉ma꞉ sa꞉sa꞉ na pea꞉pa꞉peke. Pa ekipeke do weki wandikima꞉ handeke wanda꞉halita꞉ mo hepenina꞉ Kilu Tombuao Hala꞉eki ana꞉na꞉ handilimikie.

1 Kotindi 14:20

Kametitio. Ikana꞉ma꞉ wekisunuma꞉ witeleme hone leke wia na hapa꞉peke. Hoke hau pita꞉la꞉ ekina꞉ta꞉ wekisunu leke hapeke ya꞉la꞉pate pa ika꞉ hone witeleme ekina꞉ta꞉ keileke wanda꞉hali hata꞉ witeleme hone leke wia꞉pa꞉peke.

Dioni 3:5

Yesuma꞉ ipika꞉ pi hombo peaaso alota꞉ I̱ma꞉ neke pa꞉ta꞉ ota꞉ pi alome. Hali homeke a꞉nda꞉ ikalima꞉ make Sipitidima꞉ make ipikita꞉ panake weki leke paa na mendia꞉ka꞉na꞉ta꞉ Koda꞉ ipika꞉ Kilu Tombuao Hala꞉eki pa꞉ta꞉ na honda꞉ pamba pelieke laa

Dioni 3:3

Koto pi leeke handa Yesuma꞉ ipika꞉ pi hombo peaaso alota꞉ I̱ma꞉ neke pa꞉ta꞉ ota꞉ pi alome. Hali epima꞉ pa panake weki leke na mendia꞉ka꞉na꞉ta꞉ kota꞉ Koda꞉ ipika꞉ Kilu Tombuao Hala꞉eki na handilieke leekeme.

Luku 13:24

Ikana꞉ma꞉ mo dekepeke pota꞉ kake pa꞉ta꞉ honda꞉ pambuluekema꞉ honkopu hapa꞉peke. Pa ekipeke. Wanda꞉hali wotuma꞉ honda꞉ pambuluekema꞉ taapolo pelemepate honda꞉ pambolo pua꞉pa꞉peke na ya꞉lieke.

Aposolo 3:19

Koto pa꞉la꞉ ekina꞉ ika꞉ hoke hau peleme ekimanu Koda꞉ma꞉ honi mea baena꞉yeke ikana꞉ma꞉ hone ma꞉nda꞉ la꞉ka꞉la꞉ mina wiaata꞉ Koda꞉ pa꞉ta꞉ la꞉ka꞉la꞉ mina pua꞉pa꞉peke.

Aposolo 28:27

Pa ekipeke. Do wanda꞉halina꞉ hone manuta꞉ timba꞉ lo make ika꞉ katakemanu poko make ika꞉ lekemanu handupu pa꞉la꞉me. Koda꞉ma꞉ alota꞉ Kutu piki haumanu na pia꞉ka꞉na꞉ yoluta꞉ ika꞉ lekema꞉ epeke hando make ika꞉ katakema꞉ epeke opu make ika꞉ honema꞉ epeke hone wia hata꞉ ikana꞉ma꞉ I̱ pa꞉ta꞉ la꞉ka꞉la epolo pimika꞉na꞉ yoluta꞉ kota꞉ I̱ma꞉ iki wamo pulu pua꞉me laa la꞉la꞉me leekeme lea꞉me.

Dioni 1:51

Yesuma꞉ iki pa꞉ta꞉ alota꞉ I̱ma꞉ iki pa꞉ta꞉ ota꞉ pi alome. Ikita꞉ hepeni nane lomba꞉pa ula꞉ alena꞉ Koda꞉ ipika꞉ enisolo haliweki mo Wanda꞉halina꞉ Eiyeke pa꞉ta꞉ a꞉pa hata꞉ hola꞉pa꞉niatiki a꞉meiyatiki pilimieki handilimikie leekeme.

Ma꞉tiu 5:20

I̱ma꞉ iki pa꞉ta꞉ ota꞉ pi alome. Ika꞉ hauna꞉ tikitiki pa꞉la꞉ ekima꞉ta꞉ mo hande Pa꞉tisi haliwekina꞉ hau pita꞉ mo Lo Pi Ula꞉eki wala꞉la꞉ haliwekina꞉eki make ota꞉ lombei na pia꞉ka꞉na꞉ta꞉ kota꞉ ikita꞉ mo hepenina꞉ Kilu Tombuao Hala꞉eki pa꞉ta꞉ ota꞉ pua꞉peke na yelimikie.

Luku 22:32

Koto pa꞉la꞉pate I̱ma꞉ Saimono neke pa꞉ta꞉ yeni pealo ekita꞉ naka꞉ hone tulale ekita꞉ na lopena꞉yeke polome. Kutupa nakana꞉ma꞉ I̱ pa꞉ta꞉ paa la꞉ka꞉la epeka꞉na꞉ta꞉ kota꞉ naka꞉ kametonu wele pu tiaapeke leekeme.

Maka 4:12

Handena꞉yeke onkoluma꞉manu la꞉la꞉pate handa꞉ wina꞉yeke na la꞉la꞉me. Opina꞉yeke onkoluma꞉ pimanu la꞉la꞉pate ota꞉ hone wina꞉yeke na la꞉la꞉me. Opimika꞉na꞉ yoluta꞉ hone ma꞉nda꞉ la꞉ka꞉la꞉ mina wimika꞉na꞉ta꞉ ika꞉ hoke hau paeyaalo pia꞉me leekeme.

2 Pida 1:11

Dupimika꞉na꞉ta꞉ ikita꞉ mo nika꞉ Pa꞉ta꞉la꞉la꞉ Tekehali Yesu Ketisona꞉ na paelo pa꞉la꞉ Kilu Tombuao hala꞉eki pa꞉ta꞉ honda꞉ pamboemena꞉ waleke tieke kilieke.

Aposolo 14:22

Ketiso wanda꞉hali honkopu haena꞉ alo hata꞉ pi walolo alota꞉ Pi wotu miniki hao hapa꞉pekealeo laata꞉ Nikita꞉ ka꞉nda꞉ma꞉ homa꞉la꞉eki wotu meata꞉ Koda꞉ ipika꞉ Kilu Tombuao Hala꞉ ekina꞉ honda꞉ pambulumeke lepekeme.

Ma꞉tiu 19:23

Kutu pieke Yesuma꞉ ipika꞉ disaipolo haliweki pa꞉ta꞉ alota꞉ I̱ma꞉ iki pa꞉ta꞉ ota꞉ pi alome. Hamoko wanda꞉halima꞉ mo hepenina꞉ Kilu Tombuao Hala꞉ pa꞉ta꞉ pua꞉peketa꞉ ota꞉ ana꞉ siki na pilieke.

Ma꞉tiu 13:15

Pa ekipeke. Ika꞉ hone manuta꞉ timba꞉ lo make ika꞉ katakemanu poko make ika꞉ lekemanu handupu pelememe. Koda꞉ma꞉ alota꞉ Kutu piki haumanu na pia꞉ka꞉na꞉ yoluta꞉ ika꞉ lekema꞉ epeke hando make ika꞉ katakema꞉ epeke opu make ika꞉ honema꞉ epeke hone wia hata꞉ ikana꞉ma꞉ I̱ pa꞉ta꞉ la꞉ka꞉la epolo pimika꞉na꞉ yoluta꞉ kota꞉ I̱ma꞉ iki wamo pulu pua꞉me la꞉la꞉me leekeme.

Ma꞉tiu 6:16

Ikana꞉ma꞉ nee pi a꞉nda꞉ wimika꞉na꞉ta꞉ kota꞉ mo ika꞉ puki pa꞉ta꞉ ula꞉ haumanu a꞉mbaaso hata꞉ mo makeaaso hau piteme haliweki ika꞉ hoke wenoko haseme tupa꞉ na hapa꞉peke. Mo haliwekima꞉ta꞉ wanda꞉halima꞉ handolo hata꞉ ikita꞉ nee pi ula꞉ some ya꞉ka꞉ta꞉me hone wina꞉ ika꞉ loke handeteke hala꞉ hau mina꞉pa꞉latiki pu halememe. I̱ma꞉ iki pa꞉ta꞉ ota꞉ pi alome. Koto haliwekima꞉ ika꞉ mulumeke hone wilimi aleta꞉ ame do hata꞉ mu paeyaasememe.

Ma꞉tiu 6:5

Yeni pimika꞉na꞉ta꞉ mo hande yayapiki hau pu haleme haliwekina꞉ hau na honda꞉pa꞉peke. Wanda꞉halima꞉ iki handena꞉ hone hone witolo hata꞉ mandane pota꞉ hopiki nina꞉ make yeni da pa꞉ta꞉manu make tialiao hata꞉ Koda꞉ pa꞉ta꞉ yeni pu halememe. I̱ma꞉ iki pa꞉ta꞉ ota꞉ pi alome. Ikana꞉ma꞉ ika꞉ pimi hauna꞉ yenki manuta꞉ ame do hata꞉ mu paeyaasememe.

Ma꞉tiu 6:2

Koto ekina꞉ta꞉ mo hande natehali wanda꞉hali tamba꞉ muluekema꞉ ala꞉ta꞉ ma꞉nda꞉ halemeka꞉na꞉ta꞉ kota꞉ wala꞉ wala꞉ pea na hala꞉pa꞉peke. Mo hande yayapiki hau pu haleme haliwekima꞉ oni hande pota꞉ hopiki nina꞉ make yeni da pa꞉ta꞉manu make kutu piki wala꞉ wala꞉ piki haumanu pu halememe. Koto hau pimiki ekita꞉ mo wanda꞉halima꞉ ika꞉ biki daeyaena꞉ yeke pu halememe. I̱ma꞉ iki pa꞉ta꞉ ota꞉ pi alome. Koto tapakema꞉ ika꞉ pimi hauna꞉ yenki manuta꞉ ame do hata꞉ mu paeyaasememe.

Ma꞉tiu 5:18

Ota꞉ pi alome. Oli hepeni do kenke yaapo a̱i̱ na paeke pa ula꞉ tomona꞉ta꞉ mo Mosesima꞉ la꞉ wieke pi ula꞉eki wape pea ula꞉ pi homeke siki make o tombo hodikali siki make ma꞉nda꞉ amba꞉la ota꞉ na alu pilieke. Kotoeki na pikita꞉ do kenke ya yaapo paelia꞉ natena꞉ mandake paeyaena꞉ pa wilieke.

Ma꞉tiu 18:2

Koto lemeketa꞉ Yesuma꞉ weki siki homeke wila꞉ meaata꞉ ika꞉ puki nanema꞉ mea haena꞉ leekeme.

Ma꞉tiu 18:4

Epima꞉ ipika꞉ kone panda꞉ puniaaso hata꞉ homu pea do weki siki leke hala꞉ halita꞉ mo hepenina꞉ Kilu Tombuao Hala꞉ ekina꞉ tumiki hali hala꞉me.