Ma꞉tiu 18:24 - Panake Pi La: Ula: Buka pita: Kine Pieke Buka

²⁴ Kotoeki kini pu mea pokuluekema꞉ haena꞉ ipika꞉ e pokaeyeke hali homeke hatuku epemekeme. Koto halima꞉ta꞉ mo Kini halina꞉ 10 milioni kina tondiki mea hayekeme.

Ma꞉tiu 18:24 Referans Kwoze

Luku 16:5

Koto ekina꞉ta꞉ ipikana꞉ma꞉ mo ipika꞉ teke hali teke pa꞉ta꞉ tondiki wimiki wanda꞉hali paeyaota꞉ wi la꞉ mepi piekeme. Kutupa mo titina꞉ hali pa꞉ta꞉ alota꞉ Nakana꞉ma꞉ yaka teke hali pa꞉ta꞉ta꞉ tondiki ekipu melepe laa lota꞉ piekeme.

Luku 13:4

Kutupa make mo hande Sailoa꞉me da pa꞉ta꞉ haliao a꞉emeke da hokulu tieke lombolo hata꞉ lu sesape pieke 18 wanda꞉hali pa꞉ta꞉ta꞉ eki hone witelemepe. Mo hande dama꞉ lieke ekina꞉ta꞉ ika꞉ hoke hauta꞉ mo Diutuseleme haleme wanda꞉hali paeyaona꞉ pimiki hoke hau ota꞉ lombei peake tupa꞉ pimikieki peneme yaasa꞉pe.

Luku 16:7

Kutupa hali ma꞉nda꞉ pa꞉ta꞉ alota꞉ Naka꞉ tondikita꞉ ekipu melepe leeke handa mo halima꞉ alota꞉ Palaowa nu 100 molome laa leekeme. Koto leeke handa mo hande e handeteke hayeke halima꞉ alota꞉ Naka꞉ tondiki meleke wape pea ula꞉ tameiya꞉ta꞉ doma꞉ pao honia pa 80 homeke wape lao wie leekeme.

Ma꞉tiu 18:23

Pa ekipeke. Mo hepenina꞉ Kilu Tombuao Hala꞉ ekita꞉ do tupa꞉ ya꞉la꞉me. Kini hali homekema꞉ ipika꞉ e poka꞉la꞉ haliwekina꞉ tondiki manuta꞉ tikitiki yaalueke hone wiekeme.

Ma꞉tiu 18:25

Kutupa koto ipika꞉ tondiki paeyaapeke mani na wieke handaata꞉ mo Kini halima꞉ iki pa꞉ta꞉ alota꞉ Do hali ipika꞉ wekiwanda꞉ make ipika꞉ wia hayeke alemanu paeyao make mo tondiki paeyaena꞉yeke mani muluekema꞉ iki paeyao ma꞉nda꞉na꞉ pahameke e pokaasa꞉ tapake haena꞉ hambena꞉ tapaapa꞉peke leekeme.

Ma꞉tiu 25:15

Ikana꞉ma꞉ peaapeke ane pieke tupa꞉ kone teli peaaso hata꞉ homeke hali pa꞉ta꞉ 5 daoseni kina꞉ halo. Hali ma꞉nda꞉ pa꞉ta꞉ta꞉ 2 daoseni kina꞉ halo. Kutupa hali ma꞉nda꞉ pa꞉ta꞉ta꞉ 1 daoseni kina꞉ halo piekeme. Kutaata꞉ ipikana꞉ma꞉ iki mina꞉pa꞉lao peekeme.

Ma꞉tiu 25:16

Mo 5 daoseni kina mieke e pokaasa꞉ halima꞉ kuta kone mo manima꞉ e honkopu hao pokaata꞉ 5 daoseni ma꞉nda꞉ apa꞉tao wiekeme.

Ma꞉tiu 25:20

Kutu pieke toma꞉na꞉ta꞉ mo hande 5 daoseni kina mieke halima꞉ a꞉pa koto 5 daosenima꞉ e poka meayeke 5 daoseni ma꞉nda꞉ halolo hata꞉ alota꞉ You halio. Nakana꞉ma꞉ I̱ pa꞉ta꞉ 5 daoseni kipateta꞉ pa I̱ma꞉ e pokaaso hata꞉ mealo 5 daoseni ma꞉nda꞉ doma꞉ mie leekeme.

Ma꞉tiu 25:22

Koto somena꞉ hoki naneta꞉ mo hande 2 daoseni kina mieke halima꞉ a꞉pa koto 2 daosenima꞉ e poka meayeke 2 daoseni ma꞉nda꞉ halolo hata꞉ alota꞉ You halio. Nakana꞉ma꞉ I̱ pa꞉ta꞉ 2 daoseni kipateta꞉ pa I̱ma꞉ e pokaaso hata꞉ mealo 2 daoseni ma꞉nda꞉ doma꞉ mie leekeme.

Ma꞉tiu 25:24

Kutupa koto somena꞉ hoki naneta꞉ mo hande 1 daoseni kina mieke hali a꞉pa make ipika꞉ you hali pa꞉ta꞉ alota꞉ You halio. Neketa꞉ na nokopele ale napeke no make na tande ale alena꞉ kilikimanu talopu hale somee. Koto hauma꞉ta꞉ neketa꞉ taka꞉la papeke hali haleme hone witolo

Kini Pieke 44:10

Mo halima꞉ alota꞉ A꞉pa꞉la꞉pate pa mo kapo ma꞉la꞉ some homeketa꞉ yaka pa hameke e pokaasa꞉ hali haena꞉ iki paeyaota꞉ pao pomena꞉e leekeme.