Ma꞉tiu 18:20 - Panake Pi La: Ula: Buka pita: Kine Pieke Buka

²⁰ Pa ekipeke wanda꞉hali yaapo o tepoma꞉ ale ma꞉nda꞉ pa꞉ta꞉ yaka bikina꞉ mombelemeka꞉na꞉ta꞉ kota꞉ I̱ma꞉ koto pa꞉ta꞉ iki ame̱le̱ mandake halueke leekeme.

Ma꞉tiu 18:20 Referans Kwoze

1 Kotindi 5:4

Iki mombela hamina꞉ I̱ make ya temoko kone iki ame̱le̱ hamina꞉ laata꞉ mo Tekehali Yesuna꞉ wele pita꞉la꞉eki niki paeyao pa꞉ta꞉ ta̱lolo haena꞉ta꞉ nikana꞉ma꞉

Peneme Yaeyekeeki 21:3

Oli kini sea nanema꞉ pi ho̱la̱꞉make tiekema꞉ dupa lea꞉eki opua꞉me. Ameta꞉ Koda꞉na꞉ data꞉ wanda꞉hali ame̱le̱ hala꞉me. Ipikita꞉ iki ame̱le̱ hata꞉ mo wanda꞉halita꞉ ipika꞉ wanda꞉hali au lalieke. Koda꞉ ipikita꞉ mo wanda꞉hali ame̱le̱ halieke. Ipikita꞉ ika꞉ Koda꞉ halieke.

Ma꞉tiu 28:20

Kutaa make hande I̱ma꞉ iki pa꞉ta꞉ la kua꞉ pimanu paeyaota꞉ mo wanda꞉halima꞉ miniki hata꞉ tolu haena꞉ iki pa꞉ta꞉ wala꞉tiki pu hapa꞉peke. I̱ta꞉ mo paelo pa꞉la꞉ nate epea꞉ka꞉na꞉ kia꞉ naluekema꞉ iki ame̱le̱ nate paeyao mandake hao halumeke leekeme.

Dioni 20:26

Kutupa pula homeke paeyeketa꞉ hande disaipolo haliweki Tomasi ame̱le̱ mo da tukiki pa꞉ta꞉ pa momba꞉la haemekeme. Mo pota꞉manu loka꞉ hao haemekepate Yesu a꞉paata꞉ iki tukiki pa꞉ta꞉ a꞉pa hata꞉ alota꞉ Ika꞉ puki lopao pita꞉pe laata꞉

Dioni 20:19

Koto Sande timbaata꞉ mo hande disaipolo ame̱le̱ pomu haemeke haliwekima꞉ mo Diu haliweki pa꞉ta꞉ paala꞉ma꞉ homolo hata꞉ da pota꞉manu poka loka꞉ hao da tukiki pa꞉ta꞉ momba꞉la pitimikipate Yesuma꞉ iki tukiki pa꞉ta꞉ a꞉pa hata꞉ alota꞉ Ika꞉ puki lopa꞉niaape leekeme.

Peneme Yaeyekeeki 2:1

Mo Epesese siosina꞉ enisolo pa꞉ta꞉ dupa lae. Do pita꞉ mo hande watake hata꞉ hombulanka꞉manu ipika꞉ popeke nane kikina꞉ miniki hata꞉ mo watake hata꞉ koloma꞉ wepiki ola꞉pake keo panka꞉la꞉ ale anka꞉lopuna꞉ pomina꞉la꞉ somema꞉ tapaasa꞉me.

Kini Pieke 49:10

Diudama꞉ta꞉ mo kinina꞉ minu hala꞉ dolo miniki halieke. Kutupa ipika꞉ monduma꞉ monduma꞉ pilia꞉ wekiwandikina꞉ wekiwandiki pa꞉ta꞉ yama꞉ kini halimanu hoto paeyao handeteke hao hatiki pilimikie. Tutu manuma꞉ta꞉ ipika꞉ dakisi hambuluekema꞉ ala꞉ta꞉ ala꞉ta꞉ mea a꞉palimikie. Kutupa ipiki pa꞉ta꞉ homu pitolo hata꞉ panda꞉punialimikie.

Pailimono 1:2

Kutupa mo naka꞉ da pa꞉ta꞉ mombolo haleme siosi wanda꞉hali make nika꞉ ana꞉ Apia make nika꞉ ame̱le̱ Ketisona꞉ a꞉nda꞉ peawaasoma꞉ hali Akipasi make iki pa꞉ta꞉ do wape epena꞉ alopa꞉me.

1 Desalonaika 1:1

Polo Sailasi Timodi niki tepoma꞉ta꞉ mo Desalonaika siosi wanda꞉halita꞉ nika꞉ Apa꞉ Koda꞉na꞉eki make Tekehali Yesu Ketisona꞉eki make haleme ekina꞉ iki pa꞉ta꞉ tapaasoma꞉me. Koda꞉ma꞉ta꞉ ipika꞉ pa a꞉ta꞉ma꞉ homa꞉la꞉eki make puki lopa꞉niaasa꞉eki make iki pa꞉ta꞉ pitaeya꞉ka꞉na꞉ta꞉ epelieke.

Dioni 8:58

Yesuma꞉ ika꞉ pi hombo peaaso alota꞉ Iki pa꞉ta꞉ ota꞉ pi alome. Eipoloha꞉ma꞉ a̱i̱ na mendieke natena꞉ kone I̱ta꞉ pa halome leekeme.

Ma꞉tiu 18:21

Koto toma꞉na꞉ta꞉ Pidama꞉ Yesu pa꞉ta꞉ a꞉pa lota꞉ pitolo alota꞉ Tekehalio. Yaka kamema꞉ I̱ pa꞉ta꞉ hoke hau pea꞉tiki pu haya꞉ka꞉na꞉ta꞉ kota꞉ I̱ma꞉ tana꞉ ekipu paeyaaluepe. Tana꞉ wataake hata꞉ ana꞉ pa꞉la꞉pe laa lota꞉ piekepate