Ma꞉tiu 15:36 - Panake Pi La: Ula: Buka pita: Kine Pieke Buka

³⁶ Kutupa Yesuma꞉ mo palaowa wala꞉ watake hata꞉ make mo ta꞉peli siki mu peata꞉ Koda꞉ pa꞉ta꞉ keiyae pi amba꞉la laata꞉ pindi pindi peaata꞉ ipika꞉ disaipolo haliwekima꞉ wanda꞉hali pa꞉ta꞉ hale hale pina꞉ yeke ipikana꞉ma꞉ iki pa꞉ta꞉ haleekeme.

Ma꞉tiu 15:36 Referans Kwoze

Loma꞉ 14:6

Hali epima꞉ ipika꞉ hone wia nate ma꞉nda꞉ta꞉ tiekee laa hone wia꞉ka꞉na꞉ta꞉ kota꞉ Tekehalina꞉ pi laaso hata꞉ hone wita꞉la꞉me. Hali epima꞉ nemanu paeyao no haya꞉ka꞉na꞉ta꞉ kota꞉ Tekehalina꞉ pi laaso hata꞉ no hala꞉me. Mo nemanu meata꞉ Koda꞉ pa꞉ta꞉ keiyae pi laa nala꞉ ekina꞉ loa꞉me. Hali epima꞉ mandane nemanu napeke kiaeya꞉ka꞉na꞉ta꞉ kota꞉ Koda꞉ pa꞉ta꞉ keiyae pi laa Tekehalina꞉ pi laaso hata꞉ pita꞉la꞉me.

Luku 22:19

Kutupa ipikana꞉ma꞉ mo betedi mea Koda꞉ pa꞉ta꞉ keiyae laa pindi pindi pea iki pa꞉ta꞉ halolo hata꞉ alota꞉ Dota꞉ yaka lokee laata꞉ iki pa꞉ta꞉ ka꞉la꞉ ekie. Dupiki hauta꞉ I̱ hone niminaaso hata꞉ pea꞉tiki pu hapa꞉peke leekeme.

Aposolo 27:35

Koto laaka꞉na꞉ Poloma꞉ palaowa mea haliweki paeyao ame̱le̱ hata꞉ Koda꞉ pa꞉ta꞉ keiyae pi laata꞉ mo palaowa pindipa nea꞉me.

Dioni 6:11

Yesuma꞉ hande palaowa meata꞉ Koda꞉ pa꞉ta꞉ keiyae pi laata꞉ mo pitimiki wanda꞉hali pa꞉ta꞉ teli teli peaeyekeme. Mo hande ta꞉peli yaapo make koto tupa꞉ teli teli peaeyekeme. Kutupa mo wanda꞉hali paeyao ika꞉ hone pieke tupa꞉ kone mea nemekeme.

1 Kotindi 10:31

Pate ikana꞉ma꞉ ika꞉ hau paeyao piteleme ekima꞉ make mo ne ikali naleme ekima꞉ make mo Koda꞉na꞉ biki daeyaena꞉ loluekema꞉ hau paeyao pea꞉pa꞉peke.

Dioni 6:23

Mandane kawaso manuta꞉ Taibitiasi nane hao a꞉paata꞉ hande Tekehalima꞉ keiyae pi laa mo wanda꞉hali paeyao pa꞉ta꞉ palaowa teli teli peaeyeke ikali tea꞉na꞉ kone opolo epemekeme.

Luku 24:30

Kutupa mo hali yaapo ame̱le̱ ne nolueke alo pitiniaota꞉ Yesuma꞉ mo betedi mea keiyae laata꞉ pindipa mo hali yaapo haleekeme.

Luku 22:17

Kutupa Yesuma꞉ mo kapo mea Koda꞉ pa꞉ta꞉ keiyae alo hata꞉ iki pa꞉ta꞉ alota꞉ Ika꞉ ika꞉ kone telipa nape laata꞉

Ma꞉tiu 14:19

mo wanda꞉hali paeyao ambuna꞉ pitina꞉ lape leekeme. Kutaata꞉ ipikana꞉ma꞉ hande palaowa wala꞉ yunki hata꞉ make hande ta꞉peli yaapo make miniki hata꞉ oli ya nane handa꞉liao Koda꞉ pa꞉ta꞉ keiyae laata꞉ palaowa wala꞉ pindi pindi pea ipika꞉ disaipolo haliwekima꞉ mea wanda꞉hali mina꞉yeke hale hale piekeme.

Ma꞉tiu 15:35

Koto ekina꞉ Yesuma꞉ mo wanda꞉hali wopu pa꞉ta꞉ alota꞉ Kenkena꞉ pita꞉pe leekeme.

1 Kotindi 14:16

Neketa꞉ pa naka꞉ temoko homekema꞉ da ta꞉ta꞉ piki pima꞉ Koda꞉ pa꞉ta꞉ keiyae pi laa yeni pika꞉na꞉ta꞉ kota꞉ mo iki ame̱le̱ pila꞉ hali ma꞉nda꞉ma꞉ hande da ta꞉ta꞉ piki pi ale ekita꞉ na opiki hata꞉ta꞉ Koda꞉ pa꞉ta꞉ Aowe. Kutu pina꞉e laa ekipa opua lena꞉pe.