Ma꞉tiu 15:33 - Panake Pi La: Ula: Buka pita: Kine Pieke Buka

³³ Ipika꞉ disaipolo haliwekima꞉ ipiki pa꞉ta꞉ alota꞉ Do hapu hala꞉ alena꞉ hata꞉ta꞉ do wanda꞉hali pa꞉ta꞉ neta꞉ hando pate mea halomana꞉pe lemekeme.

Ma꞉tiu 15:33 Referans Kwoze

Luku 9:13

Koto lemekepate Yesuma꞉ alota꞉ Ikana꞉ma꞉ kone mo wanda꞉hali ne hala꞉pa꞉peke leekeme. Koto leeke ikana꞉ma꞉ alota꞉ Niki pa꞉ta꞉ta꞉ palaowa wala꞉ kiki homekena꞉ ta꞉peli yaapo pea homeke wia haloma꞉me. Naka꞉ honema꞉ta꞉ nikana꞉ma꞉ do wanda꞉hali paeyaona꞉ ne paeyao hambalo pomonope laa lota꞉ pimikime.

Maka 6:37

Koto lemekepate Yesuma꞉ iki pa꞉ta꞉ alota꞉ Ikana꞉ma꞉ nemanu mandaneeki mea hala꞉pa꞉peke leekeme. Ikana꞉ma꞉ ipiki pa꞉ta꞉ alota꞉ Nikana꞉ma꞉ 200 kina mea pua palaowa hambaata꞉ iki nena꞉yeke halomono alepe lemekeme.

Ma꞉tiu 14:15

Koto welealota꞉ ipika꞉ disaipolo haliwekima꞉ ipiki pa꞉ta꞉ a꞉pa alota꞉ Do aneta꞉ keneme nanee. Ameta꞉ nate paeta꞉la꞉me. Da pa꞉ta꞉manu wanda꞉halima꞉ ika꞉ ne hamba꞉tiki pena꞉ tapaa tapaa pie lemekeme.

Ma꞉tiu 15:32

Yesuma꞉ ipika꞉ hoki nane tolu haemeke haliweki ipiki pa꞉ta꞉ epena꞉ wi la꞉mipi pea iki pa꞉ta꞉ alota꞉ Do wanda꞉hali pa꞉ta꞉ ya pukima꞉ e̱ ala꞉me leekeme. Hoto tepona꞉ I̱ ame̱le̱ haememe. Kutupa ameta꞉ napeke ne ma꞉nda꞉ dia꞉me. I̱ma꞉ ika꞉ da nina꞉ tea꞉ma꞉ homa꞉ paleke tapaa tapaa pua꞉ka꞉na꞉ kota꞉ pota꞉ hopikina꞉ tea꞉ma꞉ pua homilimikie leekeme.

Ma꞉tiu 15:34

Yesuma꞉ iki pa꞉ta꞉ dupa lota꞉ pitolo alota꞉ Palaowa wala꞉ ekipu wia halemepe lota꞉ piekeme. Koto haliwekima꞉ alota꞉ Palaowa wala꞉ watake hata꞉ make ta꞉peli siki yaapo homeke pea wia haloma꞉me lemekeme.