Ma꞉tiu 15:27 - Panake Pi La: Ula: Buka pita: Kine Pieke Buka27 Mo wanda꞉ma꞉ alota꞉ Tekehalio. Koto pita꞉ ota꞉ alepate wanda꞉halima꞉ ne naa pelimi hoki nanema꞉ta꞉ popumanu mina꞉pelete pilimi ekimanu kika manuma꞉ talopu nemeka꞉na꞉ta꞉ a꞉pa꞉la꞉me leekeme. Gade chapit la |
Koto wape pa꞉la꞉ ekita꞉ wanda꞉hali paeyao pa꞉ta꞉ la꞉la꞉me. Diu wanda꞉hali make Diendaili wanda꞉hali make paeyaota꞉ homeke tupa꞉ da꞉ta hapa꞉peke ekina꞉ loa꞉me. Wanda꞉hali paeya tapaona꞉ Tekehali homeke kone hala꞉me. Kutupa make epi ameda paeyaoma꞉ ipika꞉ biki laa honke lemeka꞉na꞉ta꞉ kota꞉ ipikana꞉ma꞉ iki wotu epeaalieke.
Kutu pimika꞉na꞉ta꞉ kota꞉ ikita꞉ ika꞉ hepeni hala꞉ Apa꞉na꞉ eiyeke tonu halimikie. Pa ekipeke. Ipikana꞉ma꞉ ipika꞉ natena꞉ pa̱a̱ta꞉ mo hoke wanda꞉hali epeke wanda꞉hali paeyao pa꞉ta꞉ mandake piki nate pa̱a̱ kone peaasa꞉me. Koto tupa꞉ kone mo epeke hau pu haleme wanda꞉hali hoke hau pu haleme wanda꞉hali pa꞉ta꞉ ipikana꞉ma꞉ lako iki paeyao mandake tupa꞉ kone ana꞉na꞉ halo hala꞉me.
Ota꞉ dia꞉me. Wanda꞉hali paeyaoma꞉ yayapiki pi alo hamina꞉ kone Koda꞉ma꞉ta꞉ ota꞉ pi homeke lo halieke. Hande Baibolo bukana꞉ wape pa꞉la꞉ tupa꞉ Nakana꞉ma꞉ ale pita꞉ paeyaoma꞉ opuaata꞉ ota꞉ tikitiki piki pi aleme laa hone wilimikie. Neke pa꞉ta꞉ pi yokaalu pitiki pimika꞉na꞉ta꞉ hoto paeyao wini pea꞉tiki pilipikie wape pa꞉la꞉me.
I̱ta꞉ naka꞉ e pokaaso hali hata꞉ nakana꞉ma꞉ I̱ pa꞉ta꞉ a꞉ta꞉ma꞉ homa tamba꞉ mina꞉la꞉eki make kima꞉ na homa꞉la꞉eki make ki ekita꞉ I̱ta꞉ ana꞉ na pa꞉la꞉me. I̱ma꞉ta꞉ mone yopuluta꞉ mo hande Diodani ikalita꞉ ala꞉ta꞉ ma꞉nda꞉ na miniki pa tumapu piti homeke yumua꞉pate pa ame ipuluta꞉ do tapake yaapo ame̱le̱ ipulume.