Ma꞉tiu 14:36 - Panake Pi La: Ula: Buka pita: Kine Pieke Buka

³⁶ Kutupa mo pa haemeke wanda꞉halima꞉ Yesu pa꞉ta꞉ ika꞉ yeni haemeke wanda꞉halina꞉eki honke laaso alota꞉ Ikana꞉ma꞉ naka꞉ dau honiki wataena꞉ lapeke lemekeme. Koto leeke handaa mo wataemeke wanda꞉halina꞉ yeni manuta꞉ tande lemekeme.

Ma꞉tiu 14:36 Referans Kwoze

Luku 6:19

Mo wanda꞉halina꞉ yenimanu mea epeapeke honkopu tieke Yesu pa꞉ta꞉ hao yapeeke handaa mo wanda꞉hali paeyaoma꞉ ipiki wataluekema꞉ taapemekeme.

Maka 3:10

Pa ekipeke Yesuma꞉ wanda꞉hali wopu epeaeyeke handaata꞉ mo yeni pambemeke wanda꞉hali paeyaoma꞉ Yesu wataaluekema꞉ pasa꞉tei pimikime.

Aposolo 3:16

Mo hande ipika꞉ bikina꞉ wele pita꞉la꞉ ekima꞉ mo pota꞉ pomua꞉peke na yeke hali honkopu haena꞉ lopa꞉me. Ame do handeleme ekita꞉ mo hande ipika꞉ hone tulaasa꞉ ekima꞉ pita꞉la꞉me. Ame do handeleme ekita꞉ Yesu pa꞉ta꞉ hone tulaasa꞉ ekima꞉ ipiki epeaala꞉me leekeme.

Dioni 7:23

Mosesima꞉ waleeke Lo Pimanu yamba꞉laama꞉na꞉ Hoto Pila꞉ Natena꞉ kone weki ma꞉nda꞉ pa꞉ta꞉ sekemesaisi hau pimika꞉na꞉ta꞉ kota꞉ I̱ma꞉ make Hoto Pila꞉ Natena꞉ hali homeke epeaowa꞉ ekina꞉ ekipeke I̱ pa꞉ta꞉ mineke pankelemepe.

Dioni 6:37

Yaka Apa꞉ma꞉ I̱ pa꞉ta꞉ kita꞉la꞉ wanda꞉hali paeyao I̱ pa꞉ta꞉ ipilieke. Koto ekina꞉ hali epima꞉ I̱ pa꞉ta꞉ epea꞉ka꞉na꞉ta꞉ I̱ma꞉ ota꞉ na tolu lueke.

Ma꞉tiu 23:5

Ika꞉ pu haleme hau paeyaota꞉ pa wanda꞉halima꞉ handaena꞉ pu halememe. Ika꞉ you taado manda pokede nu dake petipekemanu wepu make kutupa mo kiki maketopa꞉ yaapona꞉ make homeke tupa꞉ kone pokede nu dakemanu wepiaata꞉ Koda꞉na꞉ pi tunkula ula꞉ ekimanu wape pea panko hopa꞉liao yamaata꞉ ta pomua꞉tiki piteme handa꞉e. Kutupa make ika꞉ dau tumiki kake nina꞉ta꞉ ota꞉ haka꞉ta꞉pao au laaseme pu honiki honiki make taa piteme handa꞉e.

Ma꞉tiu 14:35

Mo pa꞉ta꞉ haemeke wanda꞉halima꞉ ipika꞉ leke popeleke handolo hata꞉ hone wimiki ekina꞉ta꞉ mo da teke nepoko nepoko haemeke da pa꞉ta꞉manu haemeke yeni hapa wimiki wanda꞉hali paeyao Yesu pa꞉ta꞉ mea ipupa꞉e laa pi tapaa tapaa pimikime.

Maka 6:56

Yesu peeke alena꞉ paeyao pa꞉ta꞉ da nane make daonimanu make topu topu da nina꞉ make opolo peeke dina꞉ da nane yeni hapa wimiki wanda꞉hali mea tia pua makedi yalao tu uma꞉ uma꞉ pimikime. Kutupa mo wanda꞉halima꞉ Yesuna꞉ dau honiki wataaluekema꞉ honke lemekeme. Wataemeke wanda꞉halina꞉ yeni tandelemekeme.

Maka 8:22

Ikana꞉ma꞉ Betesaida da opolo pemekeme. Mandane wanda꞉halima꞉ leke holupiki hali ma꞉nda꞉ Yesu pa꞉ta꞉ hatuku a꞉paata꞉ koto hali wataena꞉yeke Yesu pa꞉ta꞉ honke lemekeme.