Ma꞉tiu 14:29 - Panake Pi La: Ula: Buka pita: Kine Pieke Buka

²⁹ Yesuma꞉ alota꞉ A꞉pa꞉la꞉me. Epoe leeketa꞉ Pidama꞉ tiao mo ikali manda kini pu mea Yesu pa꞉ta꞉ peekepate

Ma꞉tiu 14:29 Referans Kwoze

Pilipai 4:13

Do hau paeyaota꞉ Ketisoma꞉ ka꞉la꞉ welema꞉ bepolatia a꞉pa polome.

Maka 9:23

Koto leeke Yesuma꞉ ipiki pa꞉ta꞉ alota꞉ Aowe. Naka꞉ hone tulaasa꞉ ekita꞉ ana꞉ pia꞉ka꞉na꞉ kota꞉ I̱ma꞉ epeaalueke. Wanda꞉hali epi amedama꞉ hone tulaeka꞉na꞉ta꞉ hau paeyao pea꞉peke ya꞉la꞉me leekeme.

Aposolo 3:16

Mo hande ipika꞉ bikina꞉ wele pita꞉la꞉ ekima꞉ mo pota꞉ pomua꞉peke na yeke hali honkopu haena꞉ lopa꞉me. Ame do handeleme ekita꞉ mo hande ipika꞉ hone tulaasa꞉ ekima꞉ pita꞉la꞉me. Ame do handeleme ekita꞉ Yesu pa꞉ta꞉ hone tulaasa꞉ ekima꞉ ipiki epeaala꞉me leekeme.

Luku 17:6

Tekehalima꞉ ika꞉ pi hombo peaaso alota꞉ Ika꞉ hone tulaalemeeki a꞉nda꞉ mo (ki̱mi̱le̱ma꞉ handeke ale) masidadi kiliki sikima꞉ handena꞉ yeke ikana꞉ma꞉ daena꞉ lemeka꞉na꞉ta꞉ kota꞉ do kiliki nala꞉ ti hombeleke biki molobeti pa꞉ta꞉ alota꞉ Naka꞉ kone naka꞉ piki yokaata꞉ oni dawalana꞉ pua noka꞉pee lemeka꞉na꞉ta꞉ ika꞉ pi ota꞉ opua pilieke leekeme.

Loma꞉ 4:19

Ipikana꞉ma꞉ta꞉ ipika꞉ bapimanu 100 tupa꞉ hata꞉ta꞉ Setama꞉ weki mendia꞉peke na yeekeeki make ipika꞉ loke ankolopa꞉ pamba꞉ pamba꞉ piekeeki make hone witolo hata꞉ kone ipika꞉ hone tulaeyeke ekita꞉ na kiti yokaeyekeme.

Ma꞉tiu 21:21

Yesuma꞉ hombo peaaso alota꞉ I̱ma꞉ iki pa꞉ta꞉ ota꞉ ota꞉ pi alome. Ikana꞉ma꞉ hone tulaaso hata꞉ hone ma꞉nda꞉ na wimika꞉na꞉ta꞉ kota꞉ I̱ma꞉ mo nose ti pa꞉ta꞉ pua꞉ tupa꞉ kone ikana꞉ma꞉ make ana꞉na꞉ pea꞉peke yelieke. Kota꞉ koto hau homeke dia꞉ ya꞉la꞉pate ikana꞉ma꞉ ika꞉ kone do pote pa꞉ta꞉ alo hata꞉ Oni ikali pa꞉ta꞉ pua lopee lemeka꞉na꞉ta꞉ kota꞉ mo potema꞉ ota꞉ pilieke.

Ma꞉tiu 17:20

Yesuma꞉ hombo peaaso alota꞉ Ika꞉ hone tulaleme ekita꞉ aneke hapu na tulaemeke handa pia꞉me. I̱ma꞉ iki pa꞉ta꞉ ota꞉ ota꞉ pi alome. Ika꞉ hone tulaleme ekita꞉ mo ki̱mi̱le̱ma꞉ handeke ale masidadi waema꞉ handekeeki wimika꞉na꞉ta꞉ kota꞉ ikana꞉ma꞉ do pote pa꞉ta꞉ alo hata꞉ Mo pate leke pue laa la halemeka꞉na꞉ta꞉ kota꞉ koto pa꞉ta꞉ yola꞉ monealieke. Kutu piki hone tulalimi ekima꞉ta꞉ hau paeyao pea꞉pa꞉peke yelimikie.

Ma꞉tiu 14:28

Koto leeke Pidama꞉ Yesu pa꞉ta꞉ alota꞉ Tekehalio. Neketa꞉ ota꞉ neke ya꞉ka꞉na꞉ta꞉ kota꞉ I̱ tiao do ikali manda a꞉pa neke pa꞉ta꞉ a꞉pono nakana꞉ma꞉ I̱ epo laa lae leekeme.

Ma꞉tiu 14:30

ipikana꞉ma꞉ mo hande po tilipuma꞉ piekeeki handolo hata꞉ paala꞉ma꞉ homeekeme. Kutupa mo ikali pa꞉ta꞉ ipiki kini pea honki alo hata꞉ alota꞉ Tekehalio. I̱ tamba꞉ minie laa wi leekeme.