Ma꞉tiu 14:27 - Panake Pi La: Ula: Buka pita: Kine Pieke Buka

²⁷ Kutu pimikipate koto kone Yesuma꞉ iki pa꞉ta꞉ pi alo hata꞉ alota꞉ Honkopu hapee. Dota꞉ I̱e. Paala꞉ma꞉ na homa꞉pepee leekeme.

Ma꞉tiu 14:27 Referans Kwoze

Dioni 16:33

Do la kitolo pita꞉ ikana꞉ma꞉ I̱ yaapo ta꞉ma꞉ni pea hata꞉ puki lopa꞉niao hamina꞉yeke la loa꞉me. Kenke wanda꞉halima꞉ iki pa꞉ta꞉ tanda kulu pelemepate honkopu hao hapa꞉peke. Do kenkena꞉ pita꞉la꞉ hau manuta꞉ I̱ma꞉ amba꞉ bepolao ulume leekeme.

Aposolo 23:11

Kutupa nate ma꞉nda꞉na꞉ timba Tekehalima꞉ Polo teke pa꞉ta꞉ a꞉pa hata꞉ alota꞉ Honkopu hapeke. Do Diutuseleme da pa꞉ta꞉ yaka pi la halawaeye tupa꞉ mo Loma꞉ da pa꞉ta꞉ make pi la halawaalena꞉e leekeme.

Dioni 6:20

Yesuma꞉ iki pa꞉ta꞉ alota꞉ Paala꞉ma꞉ na homa꞉pa꞉peke dota꞉ I̱e leekeme.

Ma꞉tiu 17:7

Yesuma꞉ iki pa꞉ta꞉ a꞉pa iki wataaso hata꞉ alota꞉ Paala꞉ma꞉ na homeke tiaapee leekeme.

Ma꞉tiu 9:2

Kutu pieketa꞉ mandane wanda꞉halima꞉ dola꞉pake piki hali homeke ipiki pa꞉ta꞉ tilina꞉ mea tia epemekeme. Yesuma꞉ ika꞉ hone tulaemekeeki handaa mo dola꞉pake piki hali handolo alota꞉ Apa꞉ma꞉ta꞉ epolo pila꞉taa. Naka꞉ hoke hauta꞉ pa paeyaasome leekeme.

Luku 1:30

Mo hande enisoloma꞉ ipiki pa꞉ta꞉ alota꞉ Metio. Koda꞉ma꞉ neke pa꞉ta꞉ hone wotu wita꞉la꞉ma꞉ paala꞉ma꞉ na homa꞉peke laata꞉

Luku 1:13

Kutu piekepate mo enisoloma꞉ ipiki pa꞉ta꞉ alota꞉ Sekataiyao. Paala꞉ma꞉ na homa꞉peke laata꞉ Koda꞉ma꞉ naka꞉ yeni pieki opu haota꞉ naka꞉ wanda꞉ Elisa꞉bedima꞉ naka꞉ weki mendiaena꞉ lelieke. Kutupa nakana꞉ma꞉ mo wekina꞉ bikita꞉ Dioni lapeke laata꞉

Ma꞉tiu 28:10

Yesuma꞉ ipiliki pa꞉ta꞉ alota꞉ Paala꞉ma꞉ na homeke pua mo hande ya kame tonu pa꞉ta꞉ta꞉ Oli Ka꞉lili nane puaata꞉ I̱ta꞉ koto pa꞉ta꞉ handilimikie lea꞉me laa lawapa꞉peke leekeme.

Luku 2:10

mo enisoloma꞉ iki pa꞉ta꞉ alota꞉ Paala꞉ma꞉ na homa꞉pepee. Iki pa꞉ta꞉ epeke pi seliapo loluekema꞉ epolome. Koto ekima꞉ta꞉ wanda꞉hali paeyao ta꞉na꞉ma꞉ homaalieke.

Ma꞉tiu 14:28

Koto leeke Pidama꞉ Yesu pa꞉ta꞉ alota꞉ Tekehalio. Neketa꞉ ota꞉ neke ya꞉ka꞉na꞉ta꞉ kota꞉ I̱ tiao do ikali manda a꞉pa neke pa꞉ta꞉ a꞉pono nakana꞉ma꞉ I̱ epo laa lae leekeme.

Ma꞉tiu 28:5

Kutupa mo hande enisoloma꞉ hande wanda꞉ yaapo pa꞉ta꞉ alota꞉ Ipilikana꞉ma꞉ paala꞉ma꞉ na homa꞉pepee. Mo hande tamendiao lia꞉ hali Yesu handuluekema꞉ ipilipime hone witolome.

Maka 6:50

Paeyaoma꞉ ipiki handolo hata꞉ paala꞉ma꞉ wotu homemekeme. Kutu pimikipate koto kone Yesuma꞉ iki pa꞉ta꞉ pi alo hata꞉ alota꞉ Honkopu hape. Dota꞉ I̱e. Paala꞉ma꞉ na homa꞉pepee leekeme.

Luku 5:10

Saimono ipika꞉ ta꞉ma꞉ni pieke hama̱la̱꞉ Sepedina꞉ eiyeke yaapo Dia꞉mesi Dioni yaapoma꞉ make penkilipa꞉tia pomipikime. Yesuma꞉ Saimono pa꞉ta꞉ alota꞉ Nakana꞉ma꞉ paala꞉ma꞉ na homa꞉peke laata꞉ Ekipeke ame do kini peaata꞉ nakana꞉ma꞉ pa haliweki mealipikie leekeme.

Luku 12:32

Yaka sipisipi ma꞉na꞉ tapake sikio. Paala꞉ma꞉ na homa꞉pa꞉peke. Pa ekipeke ika꞉ Apa꞉ma꞉ta꞉ oli hande Kilu Tombuao Hala꞉ ekita꞉ iki pa꞉ta꞉ kuluekema꞉ta꞉ ta꞉na꞉ma꞉ homo hala꞉me.