Ma꞉tiu 13:37 - Panake Pi La: Ula: Buka pita: Kine Pieke Buka

³⁷ Yesuma꞉ kota꞉ pi hombo peaaso alota꞉ Mo hande epeke wae alemanu tande leeke hali tupa꞉ta꞉ mo Wanda꞉halina꞉ Eiyekee.

Ma꞉tiu 13:37 Referans Kwoze

Aposolo 1:8

Koto pa꞉la꞉pate ikita꞉ wele pita꞉la꞉eki milimikie leekeme. Mo Holi Sipitidi epea꞉ka꞉na꞉ta꞉ ikita꞉ yaka wekitisi haliweki Diutuseleme pa꞉ta꞉ make Sametia pa꞉ta꞉ make Diudia paeyao pa꞉ta꞉ make hama hama pea kenke honiki honiki paeyao pa꞉ta꞉manu make la halimikie leekeme.

Luku 10:16

Yesuma꞉ ipika꞉ disaipolo haliweki pa꞉ta꞉ alota꞉ Ma꞉nda꞉ epima꞉ ika꞉ pi opia꞉ka꞉na꞉ta꞉ kota꞉ yaka pi kone opita꞉la꞉me. Ma꞉nda꞉ epima꞉ iki kiaeya꞉ka꞉na꞉ta꞉ ota꞉ I̱ kone kiaasa꞉me. Kutupa make hali epima꞉ I̱ kiaeya꞉ka꞉na꞉ta꞉ mo I̱ tapaeya꞉ hali kone kiaasa꞉me leekeme.

Ma꞉tiu 13:41

Koto dina꞉ta꞉ mo Wanda꞉halina꞉ Eiyekema꞉ ipika꞉ enisolomanu tapaalieke. Ikana꞉ma꞉ ipika꞉ Kilu Tombuao Hala꞉ ekina꞉ tukiki pa꞉ta꞉ hala꞉ hoke hau pu haleme wanda꞉hali pita꞉ mo hoke haumanu pu tiaasa꞉ wanda꞉halimanu paeyao tonka꞉na꞉ paeyao yokilimikie.

Loma꞉ 15:18

I̱ma꞉ na kita꞉ yokake hata꞉ dupa lolo polopate Ketisoma꞉ I̱ pa꞉ta꞉ peaala꞉eki homeke lolueke. Diendaili wanda꞉halima꞉ Koda꞉na꞉ pi opua pina꞉yeke pua꞉me. Do pimiki ekina꞉ teketa꞉ dupae. I̱ma꞉ loa꞉ pimanu make pua꞉ haumanu make

Dioni 20:21

Kutupa Yesuma꞉ iki pa꞉ta꞉ paa alota꞉ Ika꞉ puki lopa꞉niao hape laa Hande Apa꞉ma꞉ I̱ epono tapaala꞉ tupa꞉ iki make pomina꞉ koto tupa꞉ tapaasome leekeme.

Dioni 13:20

Iki pa꞉ta꞉ ota꞉ pi alome. Hali epima꞉ I̱ma꞉ tapaaso hali handa꞉ mia꞉ka꞉na꞉ta꞉ I̱ make handa꞉ minolo pita꞉la꞉me. Kutupata꞉ I̱ handa꞉ mina꞉la꞉ halima꞉ I̱ tapaeya꞉ hali kone handa꞉ mina꞉la꞉me leekeme.

Ma꞉tiu 13:27

Koto ekina꞉ mo hande e teke halina꞉ e pokaeyeke haliwekima꞉ ipiki pa꞉ta꞉ a꞉pa alota꞉ Tekehalio. Naka꞉ ena꞉ epeke kiliki homeke tande lepate do hoke ambu manuta꞉ ekipa a꞉pa hao pa꞉la꞉pe lemekeme.

Ma꞉tiu 13:24

Koto la paeyeketa꞉ Yesuma꞉ iki pa꞉ta꞉ onkoluma꞉ pi ma꞉nda꞉ta꞉ dupa leekeme. Mo hepenina꞉ Kilu Tombuao Hala꞉ ekita꞉ dupiki hone wia꞉pa꞉peke. Hali homekema꞉ ipika꞉ e pa꞉ta꞉ epeke waemanu tande laa peekeme.

Ma꞉tiu 10:40

Wanda꞉hali epima꞉ ta꞉na꞉ma꞉ homolo hata꞉ iki ya disaipolo haliweki handa꞉ mimika꞉na꞉ta꞉ kota꞉ kotota꞉ I̱ kone handa꞉ minelememe. Koto tupa꞉ kone epima꞉ I̱ pa꞉ta꞉ ta꞉na꞉ma꞉ homolo hata꞉ handa꞉ mimika꞉na꞉ta꞉ kota꞉ kotota꞉ mo I̱ tapaala꞉ Apa꞉ pa꞉ta꞉ kone pitememe.

Ma꞉tiu 8:20

Yesuma꞉ ipika꞉ pi hombo peaaso alota꞉ Keao hala꞉ kika manuma꞉ kone ika꞉ polu peleme ale ula꞉me. Kutaa ba manuma꞉ make ika꞉ pelia꞉pa꞉peke dakemanu hao hala꞉me. Pate mo Wanda꞉halina꞉ Eiyekema꞉ ipika꞉ you wia pelia꞉peke da panda꞉ ma꞉nda꞉ na ula꞉me.

Hibulu 2:3

Kutu pimiki ekina꞉ta꞉ pa niki make mo Koda꞉ma꞉ niki pa꞉ta꞉ lolo ka꞉la꞉ da꞉ta꞉la꞉eki tiekena꞉ hone wopu na uma꞉ka꞉na꞉ta꞉ kota꞉ ekipa mo niki pa꞉ta꞉ kulu pa꞉la꞉ hoke yenki wenduluma꞉pe. Tekehalima꞉ kone do ka꞉la꞉ da꞉ta꞉la꞉eki peneme yaeyekeme. Koto ekita꞉ mo amba꞉ ipikana꞉ma꞉ leeke pi opimiki wanda꞉halima꞉ do pita꞉ ota꞉ la꞉la꞉ pie laa niki pa꞉ta꞉ wopu la kimime.

Hibulu 1:1

Mo hande ambi sanake sanake aneketa꞉ Koda꞉ma꞉ hoto eleke elekema꞉ make mandane hau manuma꞉ make ipika꞉ pita꞉ mo potopede haliweki pa꞉ta꞉ yama꞉ nika꞉ apa꞉na꞉ atekena꞉ ateketonu pa꞉ta꞉ la hala꞉tiki pu hayekeme.

Ma꞉tiu 13:4

Kutupa ipikana꞉ma꞉ tande lea꞉tiki pulu haena꞉ mandane wae manuta꞉ pota꞉na꞉ lopa꞉ lopa꞉ pieke ekita꞉ ba titima꞉ a꞉pa talopu nemekeme.