Ma꞉tiu 12:50 - Panake Pi La: Ula: Buka pita: Kine Pieke Buka

⁵⁰ Mo ya hepeni nane hala꞉ Apa꞉na꞉ hone pa꞉la꞉ haumanu peao haleme wanda꞉halita꞉ ikita꞉ ya ana꞉ ama꞉ kametonue leekeme.

Ma꞉tiu 12:50 Referans Kwoze

Luku 8:21

Koto leeke Yesuma꞉ mo wanda꞉hali paeyao pa꞉ta꞉ alota꞉ Koda꞉na꞉ pi opua pu haleme wanda꞉halita꞉ yaka ama꞉ kametonu halememe leekeme.

Maka 3:35

Koda꞉na꞉ hone pa꞉la꞉ hau pu haleme wanda꞉hali ikita꞉ ya kame ya ana꞉ ya ama꞉ halememe leekeme.

Dioni 15:14

Kutupa I̱ma꞉ dupa꞉pa꞉ aloeki opua pimika꞉na꞉ta꞉ ikita꞉ yaka yankeke titi halimikie.

Dioni 6:29

Yesuma꞉ ika꞉ pi hombo peaaso alota꞉ Koda꞉ma꞉ta꞉ ikana꞉ma꞉ dupa puemena꞉yeke hone pa꞉la꞉me la Koda꞉ ipikana꞉ma꞉ tapaala꞉ hali pa꞉ta꞉ hone tulaamina꞉ hone pa꞉la꞉me leekeme.

Ma꞉tiu 28:10

Yesuma꞉ ipiliki pa꞉ta꞉ alota꞉ Paala꞉ma꞉ na homeke pua mo hande ya kame tonu pa꞉ta꞉ta꞉ Oli Ka꞉lili nane puaata꞉ I̱ta꞉ koto pa꞉ta꞉ handilimikie lea꞉me laa lawapa꞉peke leekeme.

Loma꞉ 8:29

Koda꞉ma꞉ amba꞉ talopu mea haena꞉ la꞉la꞉ wanda꞉halita꞉ ipika꞉ Eiyeke leke haena꞉yeke amba꞉ handa꞉ mea ta꞉ta꞉ haena꞉ la꞉la꞉me. Koto pa꞉la꞉ ekita꞉ ipika꞉ Eiyeketa꞉ ipika꞉ kamemanu paeyao ame̱le̱ hata꞉ta꞉ ipikita꞉ titina꞉ hali haena꞉yeke pa꞉la꞉me.

Dioni 6:40

Yaka Apa꞉na꞉ hone pa꞉la꞉eki dupae. Eiyeke handaa ipiki pa꞉ta꞉ hone tulaaseme wanda꞉hali paeyaota꞉ deto hala꞉eki mina꞉yeke hone pa꞉la꞉me. Kutupa mo hande paelie dina꞉ make I̱ma꞉ mo wanda꞉hali pa mea tiawaalueke leekeme.

1 Dioni 2:17

Kutupa do kenke make do kenkena꞉ ula꞉ wanda꞉halina꞉ hone pa꞉la꞉ alemanu paeyao make koto alemanu paeyao sikita꞉ paeta꞉la꞉me. Pate ma꞉nda꞉ epima꞉ Koda꞉na꞉ hone pa꞉la꞉eki peaasa꞉ someta꞉ hoto paeyao da꞉ta hao halieke.

Ma꞉tiu 25:40

Koto lemeka꞉na꞉ta꞉ mo hande Kini Halima꞉ ika꞉ pita꞉ do tupa꞉ hombo pealieke. I̱ma꞉ iki pa꞉ta꞉ ota꞉ ota꞉ pi alome. Ikana꞉ma꞉ mo hande ya biki na wiki kame homeke ma꞉nda꞉ siki pa꞉ta꞉ pimiki epeke hau paeyaota꞉ kota꞉ ota꞉ paeyao pa I̱ pa꞉ta꞉ kone pimime laa lelieke.

1 Timodi 5:2

Koke wanda꞉weki make naka꞉ ama꞉ tupa꞉ kone handeteke hata꞉ta꞉ panake wanda꞉weki make naka꞉ ana꞉ leke tikitiki piki hauma꞉ homeke handeteke hapeke.

1 Pida 4:2

Koto ekina꞉ ame do aneta꞉ ikana꞉ma꞉ do kenkena꞉ hata꞉ ika꞉ hone tiaaseme ekima꞉ iki na handeteke haena꞉ leketa꞉ Koda꞉na꞉ hone pa꞉la꞉ ekima꞉ iki handeteke haena꞉ lo hapa꞉peke.

Ka꞉leisia 6:15

Sekemesaisi hau pita꞉ sekemesaisi na pita꞉la꞉ hau yaapota꞉ pa manda hau yaapoe. Ota꞉ hau tieketa꞉ Koda꞉ma꞉ niki panake wanda꞉hali mea haasa꞉eki homeke ota꞉ tumikiekie.

Dioni 20:17

Yesuma꞉ ipiki pa꞉ta꞉ alota꞉ I̱ na mina꞉pe. Yaka Apa꞉ pa꞉ta꞉ a̱i̱ na la꞉ka꞉la a꞉meilo ekina꞉ loa꞉me. Yaka kametiti pa꞉ta꞉ yaka pi lawaalo pua꞉peke. Yaka Apa꞉ ika꞉ Apa꞉ make yaka Koda꞉ ika꞉ Koda꞉ make ipiki pa꞉ta꞉ paa la꞉ka꞉la a꞉meinolome lapeke leekeme.

Peneme Yaeyekeeki 22:14

Epi amedama꞉ ika꞉ aka꞉manu tanda꞉pa hake peaemeka꞉na꞉ta꞉ ta꞉na꞉ma꞉ homena꞉e. Ikita꞉ mo hande da꞉ta꞉la꞉eki hala꞉la꞉ tina꞉ kiliki nena꞉ make mo daonina꞉ pota꞉ kake pa꞉ta꞉ yama꞉ pena꞉ make waleke halieke.

Kolosi 3:11

Kotoeki tekena꞉ta꞉ mo Diendaili pita꞉ Diu yaapota꞉ ameta꞉ tukikina꞉ tekili pea꞉peke na ya꞉la꞉me. Sekemesaisi na pa꞉la꞉ wanda꞉hali make sekemesaisi pa꞉la꞉ wanda꞉hali make mo Kitiki pi na opimiki wanda꞉hali make mo yeti sayalema꞉ handeke wanda꞉hali make ka꞉la꞉pa꞉ tapao haleme wanda꞉hali make pa hameke e pokaaseme wanda꞉hali make iki paeyao pa na tekili pea꞉peke ya꞉la꞉me. Pate Ketisota꞉ do hauna꞉ teke make ipikita꞉ paeyao pa꞉ta꞉ hala꞉me.

Ka꞉leisia 5:6

Niki Yesu Ketiso pa꞉ta꞉ tunao haoma꞉ka꞉na꞉ta꞉ sekemesaisi hau pita꞉la꞉eki make sekemesaisi hau na pita꞉la꞉eki make koto hau telipina꞉ta꞉ pa pa alema꞉ handa꞉la꞉me. Pate hone tulaaso hata꞉ pukima꞉ homa꞉ alualu pu haemeka꞉na꞉ta꞉ kota꞉ koto hauta꞉ ota꞉ekie.

Aposolo 17:30

Hone wopu na wimiki pita꞉ta꞉ Koda꞉ma꞉ pa pina꞉ leekepate ameta꞉ kenke wanda꞉hali paeyao pa꞉ta꞉ta꞉ Ika꞉ hoke hau mina꞉pa꞉lao hone ma꞉nda꞉ la꞉ka꞉la wina꞉ lapa꞉peke ala꞉me.

Ma꞉tiu 17:5

Kutu piki pi alo haena꞉ta꞉ mo pa̱a̱ piki koa ma꞉nda꞉ma꞉ iki a꞉pa tu peaaso haena꞉ mo koa tukiki pa꞉ta꞉ pi ho̱la̱꞉makema꞉ alota꞉ I̱ma꞉ koto yaka puki piki weki pa꞉ta꞉ ta꞉na꞉ wopu homolome. Ipika꞉ pi opua꞉pa꞉pekee la꞉niaeyekeme.

Hibulu 5:9

Ipikita꞉ koto hau paeyaona꞉ ota꞉ ana꞉ pieketa꞉ mo ipika꞉ kakena꞉ homaa pi opu haleme wanda꞉halina꞉ da꞉ta꞉la꞉ ekina꞉ tekehali hayekeme.

2 Kotindi 11:2

Koda꞉ma꞉ iki pa꞉ta꞉ hone wopu witolo leke wia hala꞉ tupa꞉ I̱ma꞉ make iki pa꞉ta꞉ homeke hone wopu witolo hata꞉ leke wia halome. Ikita꞉ mo hande ma꞉nda꞉ma꞉ hakopu na tunkuliki pa hala꞉ moputali wandikima꞉ handelememe. Kutupa I̱ma꞉ koto wandikita꞉ ota꞉ hali homeke Ketisoma꞉ kone mina꞉ laa amba꞉ la꞉ ua꞉me.

Aposolo 26:20

Mo Damasikasi da wanda꞉hali pa꞉ta꞉ amba꞉la wala kutupa Diutuseleme da pa꞉ta꞉ make mo Diudia nane paeyao make kutupa Diendaili wanda꞉hali pa꞉ta꞉ make iki paeyaoma꞉ Koda꞉ pa꞉ta꞉ la꞉ka꞉lolo hata꞉ hone ma꞉nda꞉ la꞉ka꞉la witolo epeke haumanu pina꞉yeke pi waloendi pu haowa꞉me.

Ma꞉tiu 25:45

kota꞉ ika꞉ pita꞉ mo Kini Halima꞉ do tupa꞉ hombo pealieke. I̱ma꞉ iki pa꞉ta꞉ ota꞉ ota꞉ pi alome. Ikana꞉ma꞉ do biki na wiki kame homeke ma꞉nda꞉ siki tamba꞉ muluekema꞉ kiaemeketa꞉ kota꞉ I̱ kone tamba꞉ na miki kiaememe laa lelieke.

1 Kotindi 9:5

Mo mandane aposolo haliwekima꞉ make mo Tekehalina꞉ hameke titima꞉ make Pidama꞉ make koto haliwekima꞉ piteleme tupa꞉ I̱ make Ketiso wanda꞉ mea hatuku pomua꞉peke ana꞉ na pa꞉la꞉pe.

Ma꞉tiu 12:49

Koto pi alo hata꞉ta꞉ ipikana꞉ma꞉ ipika꞉ hoki nane telimiki wanda꞉hali ma̱leke litolo hata꞉ alota꞉ Ya ama꞉ kame tonuta꞉ do handa꞉pe.

Ma꞉tiu 13:1

Koto natena꞉ kone Yesuma꞉ mo da mina꞉pa꞉lao mo hande ikali leke mone tea꞉na꞉ pua wanda꞉hali pa꞉ta꞉ pi walo pitiekeme.