Ma꞉tiu 12:46 - Panake Pi La: Ula: Buka pita: Kine Pieke Buka

⁴⁶ Yesuma꞉ koto wanda꞉hali pa꞉ta꞉ pimanu panake alo haena꞉ta꞉ ipika꞉ inkiki hameketonu opolo epemekeme. Ikana꞉ma꞉ da hama꞉ nane a꞉pa hata꞉ Yesu pa꞉ta꞉ pi lomono epena꞉e laa honke lemekeme.

Ma꞉tiu 12:46 Referans Kwoze

Ma꞉tiu 13:55

Ipikita꞉ mo hande da a꞉eta꞉la꞉ halina꞉ eiyeke kutupa ipika꞉ inkikita꞉ Meti dia꞉yeke yekea. Ipikita꞉ mo hande Dia꞉mesi Diosepe Saimono Diudasi do hama̱la̱꞉ hama̱la̱꞉na꞉ hameke dia꞉yeke yekea.

Dioni 2:12

Kutu pieke hoki naneta꞉ Yesu make ipika꞉ inkiki make ipika꞉ hameketiti make ipika꞉ disaipolo haliweki tonka꞉na꞉ paeyao Kapeneami da pa꞉ta꞉ pua hoto mandane ekimanu koto pa꞉ta꞉ haemekeme.

Dioni 7:5

Kota꞉ ipika꞉ hameke titima꞉ kone Yesu pa꞉ta꞉ hone na tulaemekeme.

Dioni 7:3

Koto ekina꞉ Yesuna꞉ hameke titima꞉ ipiki pa꞉ta꞉ alota꞉ Naka꞉ disaipolo haliwekima꞉ naka꞉ pitele ekimanu handena꞉yeke do pa꞉ta꞉ mina꞉pa꞉lao Diudia nane pua꞉peke.

Aposolo 1:14

Koto haliweki paeyao mo wanda꞉weki tonka꞉na꞉ Yesuna꞉ ama꞉ Meti make ipika꞉ hameketiti make mandake pa꞉ta꞉ momba꞉la pita꞉ yeni pu pitimikime.

Maka 6:3

Do halita꞉ kapenda hali dia꞉ya꞉ka꞉ta꞉pe laa Metina꞉ eiyeke dia꞉ya꞉ka꞉ta꞉pe. Dia꞉mesi Diosepe Diudasi make Saimono make ipika꞉ hameke titi dia꞉ya꞉ka꞉ta꞉pe laa Ipika꞉ beliki titi do pa꞉ta꞉ niki ame̱le̱ na halemepe lemekeme. Kutupa ipiki pa꞉ta꞉ honditi pitolo hata꞉ lemekeme.

Ka꞉leisia 1:19

Koto hata꞉ta꞉ I̱ma꞉ aposolo hali ma꞉nda꞉ na handoa꞉pate pa mo Tekehalina꞉ hameke Dia꞉mesi homeke handoa꞉me.

1 Kotindi 9:5

Mo mandane aposolo haliwekima꞉ make mo Tekehalina꞉ hameke titima꞉ make Pidama꞉ make koto haliwekima꞉ piteleme tupa꞉ I̱ make Ketiso wanda꞉ mea hatuku pomua꞉peke ana꞉ na pa꞉la꞉pe.

Dioni 7:10

Ipika꞉ hameke titi hande ne pambolo pimikieki pa꞉ta꞉ pemeke hoki naneta꞉ Yesu make peneme yao na peke a꞉mbao peekeme.

Luku 2:48

Ipika꞉ apa꞉ ama꞉ yaapoma꞉ta꞉ Yesu hando haota꞉ penkilipa꞉tia pomipikime. Kutupa Yesuna꞉ ama꞉ma꞉ alota꞉ Ya wekio. Ekipeke nakana꞉ma꞉ diki pa꞉ta꞉ dupiki hau pea pelepe. Neke weitolo hata꞉ naka꞉ apa꞉ dikana꞉ma꞉ pomoma꞉ wotu homopa꞉me leekeme.

Luku 8:10

Ipikana꞉ma꞉ ika꞉ pi hombo peaaso hata꞉ alota꞉ Koda꞉na꞉ Kilu Tombuao Hala꞉ ekina꞉ a꞉mbaala꞉eki manuta꞉ iki pa꞉ta꞉ amba꞉ wala꞉la꞉me. Pate mo mandane wanda꞉hali pa꞉ta꞉ta꞉ onkoluma꞉ pi homekema꞉ la halolome. Pa ekipeke. Ikana꞉ma꞉ handolo pelemepate na handena꞉ opulu pelemepate hone na wina꞉e leekeme.

Maka 2:21

Ma꞉nda꞉ma꞉ amba꞉ dauna꞉ panake dau sinkipiki mea talao na tumbulu hala꞉me leekeme. Kutu pia꞉ka꞉na꞉ta꞉ panake dau sinkipiki talaasa꞉ ekima꞉ amba꞉ dau sinkipa ka꞉ka꞉na꞉ tieke wilieke leekeme. Amba꞉ titina꞉ sinkipi ekita꞉ ota꞉ hoelieke leekeme.

Dioni 2:5

Pate ipika꞉ ama꞉ma꞉ta꞉ mo e pokaemeke haliweki pa꞉ta꞉ alota꞉ Ipikana꞉ma꞉ la꞉lie pi opua pea꞉pa꞉peke leekeme.

Luku 2:33

Koto pita꞉ta꞉ mo Simionima꞉ mo weki pa꞉ta꞉ leeke pi opuaata꞉ mo ateke inkiki yaapoma꞉ penkilipa꞉tia pomipikime.

Dioni 2:1

Nate yaapo paeyeketa꞉ mo Ka꞉lili nane hayeke da Keina da pa꞉ta꞉ta꞉ hali homekema꞉ wanda꞉ miekeme. Kutupa Yesuna꞉ inkiki make koto pa꞉ta꞉ hayekeme.

Luku 2:51

Kutupata꞉ Yesuta꞉ ipika꞉ apa꞉ ama꞉ yaapona꞉ pi opua Na꞉sa꞉tete nane mandakena꞉ pemekeme. Kutupa ipika꞉ apa꞉ ama꞉ yaapona꞉ pi nate paeyao opua homu pea hayekeme. Kutu piekepate ipika꞉ ama꞉ma꞉ta꞉ mo hande lemeke pimanu paeyaota꞉ hone na yonka꞉lake hone pa wia hayekeme.

Ma꞉tiu 2:20

Mo hande weki luluekema꞉ taapeme haliwekita꞉ homememe. Koto ekina꞉ neketa꞉ tiao mo weki ankula꞉ hatuku Idiepi mina꞉pa꞉lao Isulai kenke nane paa pua꞉pa꞉peke leekeme.

Ma꞉tiu 2:11

Kutu pieke handa ikana꞉ma꞉ mo da tukiki pa꞉ta꞉ honda꞉ pamba pua mo wekita꞉ ipika꞉ inkiki Metima꞉ wia pitiekeeki handaata꞉ ika꞉ tumiki yotuao panda꞉ puniao pita꞉ ipika꞉ biki yeiya꞉ laemekeme. Kutu polo hata꞉ta꞉ ika꞉ nu pa꞉ta꞉ mendimiki yenki tieke alemanu kolo make mo lanka꞉ yankea꞉ka꞉na꞉ totopopiki lumu opa꞉la꞉ lanka꞉ siki make mo totopo yolepiki ti pankeke ale make toku mea ipiki pa꞉ta꞉ halemekeme.

Ma꞉tiu 1:18

Yesu Ketisona꞉ ma꞉nda꞉la꞉ ekita꞉ dupa. Ipika꞉ ama꞉ Metita꞉ Diosepena꞉ tome wandiki hayekepate ipika꞉ da a̱i̱ na peke hata꞉ mo Holi Sipitidima꞉ pitayeke weki mendia꞉peke yekeeki hando wiekeme.

Dioni 19:25

Mo Yesu ipika꞉ a꞉ka꞉tei wapepiki ti teke pa꞉ta꞉ta꞉ ipika꞉ inkiki make inkikina꞉ hakepiki make Keliopasina꞉ wanda꞉ Meti kutupa mo Ma꞉kadala wanda꞉ Meti make paeyao koto pambo haemekeme.

Luku 1:43

Yaka Tekehalina꞉ ama꞉ma꞉ I̱ handolo epele ekita꞉ do hau tiekena꞉ pa ekipeke epelepe leekeme.

Ma꞉tiu 12:47

Kotoeki opuaata꞉ hali ma꞉nda꞉ma꞉ Yesu pa꞉ta꞉ alota꞉ Yesuo. Naka꞉ ama꞉ kame tonuma꞉ neke ame̱le̱ pi loluekema꞉ hama꞉ nane a꞉pa yu wia halememe leekeme.

Luku 2:34

Simionima꞉ iki epeaota꞉ mo wekina꞉ inkiki Meti pa꞉ta꞉ alota꞉ Isulai wanda꞉hali wopu mea da꞉taaluekema꞉ make hoeyaaluekema꞉ make Koda꞉ma꞉ do weki mea haena꞉ laa pa꞉la꞉me. Ipikita꞉ Koda꞉ma꞉ tombo leke haya꞉ka꞉na꞉ta꞉ wanda꞉hali wopuma꞉ ipiki pa꞉ta꞉ pi la la pitolo hata꞉ make