Ma꞉tiu 12:36 - Panake Pi La: Ula: Buka pita: Kine Pieke Buka

³⁶ I̱ma꞉ iki pa꞉ta꞉ ota꞉ pi alome. Mo pi yokaalu pulu pa꞉la꞉ nate tieke opolo epea꞉ka꞉na꞉ta꞉ mo wanda꞉hali ika꞉ leme handiki na piki pimanu paeyao Koda꞉ma꞉ ana꞉ piki tupa꞉ kone telipalieke.

Ma꞉tiu 12:36 Referans Kwoze

Loma꞉ 2:16

Koto ekina꞉ Koda꞉ma꞉ta꞉ hande Natena꞉ pi yokaalu pia꞉ka꞉na꞉ta꞉ I̱ma꞉ hande Pi Seliapo loa꞉ tupa꞉ pilieke. Ipikana꞉ma꞉ta꞉ Yesu Ketisoma꞉ wanda꞉halima꞉ a꞉mbao u haeme hone manuna꞉ pi yokaalu pina꞉ lelieke.

Peneme Yaeyekeeki 20:12

Kutupa mo homemeke wanda꞉hali aneke make natehali make paeyao mandakena꞉ mo kini seana꞉ puki tikitiki haemeeki handoa꞉me. Buka manuta꞉ lumbia꞉me. Kutupa buka ma꞉nda꞉ta꞉ mo da꞉ta꞉la꞉ wanda꞉halina꞉ buka lumbia꞉me. Mo homemeke wanda꞉hali paeyaota꞉ mo buka manuna꞉ lao wieke tupa꞉ ika꞉ pimiki tupa꞉ siki kone ma̱leke lia telipia꞉me.

Ma꞉tiu 10:15

I̱ma꞉ iki pa꞉ta꞉ ota꞉ ota꞉ pi alome. Mo Koda꞉na꞉ pi yokaalu pulu pa꞉la꞉ nate tieke ipilia꞉ dina꞉ta꞉ mo hande Sodomo da pita꞉ Komoto da yaapo pa꞉ta꞉ halo pa꞉la꞉ hoke yenkita꞉ ota꞉ tieke mulu pelepepate pa koto ikana꞉ma꞉ walimi pi kiaalimi wanda꞉hali ikana꞉ma꞉ mulu peleme yenkita꞉ Koda꞉ma꞉ ota꞉ haka꞉ta꞉pao halieke alome leekeme.

Ma꞉tiu 11:22

I̱ma꞉ ipiliki pa꞉ta꞉ta꞉ ota꞉ ota꞉ pi alome. Mo pi yokaalu pulu pa꞉la꞉ nate opolo epea꞉ka꞉na꞉ta꞉ kota꞉ Koda꞉ma꞉ mo Taiya Saidoni yaapo pa꞉ta꞉ halo pa꞉la꞉ a꞉ta꞉ma꞉ homa꞉la꞉ ekita꞉ mo ipiliki Kotaasini Betesaida yaapo pa꞉ta꞉ kulu pa꞉la꞉eki ota꞉ haka꞉ta꞉ pao halieke.

Ma꞉tiu 12:37

Neketa꞉ hoke halie o epeke halie pita꞉ ika꞉ leme pi kone Koda꞉ma꞉ mea telipeao la kilieke.

Loma꞉ 14:12

Koto pa꞉la꞉ ekina꞉ niki paeyao niki homeke homekema꞉ nika꞉ poloma꞉ ekimanu Koda꞉ pa꞉ta꞉ ka꞉la꞉pa la halumeke.

Dia꞉mesi 3:6

Kutupa kekeke make ti tala꞉ ekima꞉ handa꞉la꞉me. Nika꞉ loke pa꞉ta꞉ witolo hata꞉ hoke hau pita꞉la꞉ honemanu u tiaapeke ya꞉la꞉me. Kutupa loke paeyao hoeyao hala꞉me. Kutupa loke pa꞉ta꞉ ti tala꞉ ekima꞉ hando hala꞉me. Kutupa nika꞉ pota꞉ pominoloma꞉eki make yanko hala꞉me. Dupiki ti tala꞉ ekita꞉ ti to hala꞉ alena꞉ ipu hala꞉me.