Ma꞉tiu 12:23 - Panake Pi La: Ula: Buka pita: Kine Pieke Buka

²³ Kutupa mo hande mombelemeke wanda꞉halima꞉ kutu pia꞉eki handolo ikana꞉ma꞉ tola꞉tia pominolo alota꞉ Do someta꞉ Deipidina꞉ eiyeke yaalo pa꞉la꞉me laa lota꞉ lota꞉ pimikime.

Ma꞉tiu 12:23 Referans Kwoze

Ma꞉tiu 9:27

Yesuma꞉ koto pa꞉ta꞉ mina꞉pa꞉lao pulu haena꞉ leke holu piki hali yaapoma꞉ ipika꞉ hoki nane wi tieke la꞉ paleke teli mea pulu alota꞉ Deipidina꞉ eiyekeo. Diki pa꞉ta꞉ a꞉ta꞉ma꞉ homa꞉peke la꞉tia pepekeme.

Dioni 4:29

Hali ma꞉nda꞉ handoemena꞉ ipupe laata꞉ I̱ma꞉ amba꞉ pua꞉ ekimanu paeyaota꞉ ipikana꞉ma꞉ la kia꞉me laata꞉ Ipikita꞉ hande Ketisope leekeme.

Ma꞉tiu 21:9

Kutupa mo Yesu hatuku pulu hata꞉ titina꞉ hao wetepe hao pimiki wanda꞉hali paeyaoma꞉ wi aneke hapu kini pea la꞉ alu alu pitolo hata꞉ alota꞉ Hosa꞉na꞉e. Deipidina꞉ eiyeke pa꞉ta꞉ ta꞉na꞉e laata꞉ Mo Tekehalina꞉ bikina꞉ ipula꞉ halita꞉ Koda꞉ma꞉ ta꞉na꞉ma꞉ homena꞉e. Koda꞉na꞉ biki mea a꞉meiyamana꞉e laa la꞉tia pemekeme.

Ma꞉tiu 9:33

Yesuma꞉ mo hande hoke temoko tolu lieketa꞉ koto kone mo hande pi na leke halima꞉ pi paa leekeme. Koto piekeeki wanda꞉hali paeyaoma꞉ handolo tola꞉tia pominolo alota꞉ Dupiki hau homeke ma꞉nda꞉ Isulai kenke pa꞉ta꞉ ota꞉ na handoma꞉me lemekeme.

Ma꞉tiu 15:22

Koto kenke nane hayeke Keinani wanda꞉ homeke Yesu pa꞉ta꞉ e̱ wi laa a꞉pa alota꞉ Deipidina꞉ eiyekeo. Ya wandiki pa꞉ta꞉ hoke temoko pila꞉ ekima꞉ ipiki ota꞉ epeke tupa꞉ na ula꞉me. Koto ekina꞉ I̱ pa꞉ta꞉ a꞉ta꞉ma꞉ homa꞉peke leekeme.

Ma꞉tiu 7:28

Yesuma꞉ do koto pimanu walo paeyaeyeketa꞉ mo hande mombelemeke wanda꞉hali paeyaoma꞉ta꞉ leke opo handaake wimikime.