Luku 9:44 - Panake Pi La: Ula: Buka pita: Kine Pieke Buka

⁴⁴ Ikana꞉ma꞉ I̱ma꞉ la kulu polo pi opua hone na yonka꞉lapa꞉peke. Wanda꞉halina꞉ Eiyeketa꞉ mo mandane haliwekina꞉ kiki pa꞉ta꞉ hala꞉ monealieke leekeme.

Luku 9:44 Referans Kwoze

Aposolo 2:23

Amba꞉ kone Koda꞉ma꞉ hone wiaata꞉ Yesuta꞉ ikana꞉ma꞉ milimikie laa pi la꞉ wiekeme. Kutupa ikana꞉ma꞉ta꞉ mo hoke hau pu haleme haliwekima꞉ Yesuta꞉ hande a꞉ka꞉tei wapepiki tina꞉ ikokoma꞉ tamendiaena꞉ lemeke ekima꞉ ikana꞉ma꞉ kone Yesu limikime.

Luku 9:22

Yesuma꞉ paa pi ma꞉nda꞉ alo alota꞉ Wanda꞉halina꞉ Eiyeketa꞉ tanda tieke ota꞉ wotu meaata꞉ mo Diu tondiki haliwekima꞉ make yeni peao haleme you haliwekima꞉ make wape pea ula꞉ Lo Pimanu wala꞉tiki pu haleme haliwekima꞉ make ipiki kialimikie. Ipikita꞉ homena꞉ lulu pelemepate hoto tepo wiaata꞉ paa tialieke leekeme.

Hibulu 2:1

Koto ekina꞉ta꞉ niki ipilipa lopa mo opuma꞉ ota꞉ pimanu mina꞉pa꞉lao puaama꞉na꞉ma꞉ koto pita꞉ hone ota꞉ wopu wia miniki hamana꞉ pea꞉peke alee.

Luku 2:19

Kutupa Metima꞉ta꞉ hande pi paeyao pa꞉ta꞉ hone witolo hone wopu u pitiekeme.

Dioni 19:11

Yesuma꞉ ipika꞉ pi hombo peaaso alota꞉ Nakana꞉ma꞉ I̱ pa꞉ta꞉ pea꞉peke ekita꞉ oli manda hala꞉ Koda꞉ma꞉ neke pa꞉ta꞉ na kia꞉ka꞉na꞉ yoluta꞉ I̱ pa꞉ta꞉ hau ma꞉nda꞉ pea꞉peke na yolo pime. Koto ekina꞉ neke pa꞉ta꞉ I̱ hatuku mea epea꞉ hali ipikita꞉ ketete tieke pa꞉la꞉me.

Dioni 16:4

Kutu pulu pelemepate koto haumanu pulu peleme nate epea꞉ka꞉na꞉ta꞉ hande I̱ma꞉ loa꞉ ekimanu ikana꞉ma꞉ hone uemena꞉yeke do pimanu iki pa꞉ta꞉ la kitolome. I̱ta꞉ panake pa꞉ta꞉ kone iki ame̱le̱ haowa꞉ ekima꞉ta꞉ do pimanu iki pa꞉ta꞉ na la kua꞉pate

Luku 24:44

Kutupa Yesuma꞉ iki pa꞉ta꞉ alota꞉ Do hau manuta꞉ hande I̱ ame̱le̱ haeme dina꞉ la kua꞉ ekimanue. Mo hande Mosesina꞉ Lo Pi wape pea ula꞉ ekina꞉ make hande potopede haliwekima꞉ wape pea ula꞉ ekina꞉ make hande Emeli bukana꞉ wape pea ula꞉ ekina꞉ make I̱na꞉ lao ula꞉eki manuta꞉ ota꞉ yaapeke ya꞉la꞉me leekeme.

Luku 18:31

Yesuma꞉ ipika꞉ disaipolo haliweki talo pu mea mo pateleke pulu hata꞉ alota꞉ Opua꞉pe. Nikita꞉ Diutuseleme da teke pa꞉ta꞉ puluma꞉me. Koto pa꞉ta꞉ta꞉ hande potopede haliwekima꞉ Wanda꞉halina꞉ Eiyeke pa꞉ta꞉ pulu pa꞉la꞉ ekimanu lao wilimi ekita꞉ peneme yaalimikie.

Luku 2:51

Kutupata꞉ Yesuta꞉ ipika꞉ apa꞉ ama꞉ yaapona꞉ pi opua Na꞉sa꞉tete nane mandakena꞉ pemekeme. Kutupa ipika꞉ apa꞉ ama꞉ yaapona꞉ pi nate paeyao opua homu pea hayekeme. Kutu piekepate ipika꞉ ama꞉ma꞉ta꞉ mo hande lemeke pimanu paeyaota꞉ hone na yonka꞉lake hone pa wia hayekeme.

Luku 1:66

Mo pi opimiki wanda꞉hali paeyaoma꞉ opua hone witolo alota꞉ Do wekita꞉ ekipiki hali halia꞉pe laa lota꞉ lota꞉ pimikime. Tekehalina꞉ wele pita꞉la꞉eki mo weki pa꞉ta꞉ peneme yao pitiekeeki handolo hata꞉ lemekeme.

Maka 8:31

Yesuma꞉ panake pi ma꞉nda꞉ ipika꞉ disaipolo haliweki pa꞉ta꞉ walolo hata꞉ alota꞉ Wanda꞉halina꞉ Eiyeketa꞉ tanda tanda tieke wotu milieke leekeme. Mo tondiki haliwekima꞉ make yeni peao haleme you haliwekima꞉ make wape pea wala꞉tiki pu haleme haliwekima꞉ make ipiki kiao limika꞉na꞉ta꞉ homilieke leekeme. Kutu pimika꞉na꞉ta꞉ hoto tepo wia paa tiaalieke leekeme.

Ma꞉tiu 26:2

Ika꞉ hone wilimi tupa꞉ nate homeke hao ma꞉nda꞉na꞉ta꞉ mo hande Lombei Pupa Yapeeke Nate ipilieke. Koto natena꞉ta꞉ haliwekima꞉ mo Wanda꞉halina꞉ Eiyeketa꞉ a꞉ka꞉tei wape piki tina꞉ endiao lina꞉ halimikie leekeme.

Ma꞉tiu 16:21

Koto natena꞉ kini pu meata꞉ Yesuma꞉ ipika꞉ disaipolo tonu peneme yao alo hata꞉ dupa leekeme. I̱ta꞉ ota꞉ Diutuseleme da nane polueke. Kutu pua꞉ka꞉na꞉ta꞉ koto pa꞉ta꞉ mo you haliwekima꞉ make yeni peao haleme you haliwekima꞉ make wape pea wala꞉tiki pu haleme haliwekima꞉ make I̱ tanda tieke ota꞉ wotu kilimikie leekeme. I̱ kiao limika꞉na꞉ta꞉ homuluepate hoto tepo naku pa꞉ta꞉ wia paa da꞉taa tiao halueke leekeme.

Dioni 16:31

Yesuma꞉ ika꞉ pi hombo peaaso alota꞉ Ameta꞉ hone tulaasemepe.