Luku 9:1 - Panake Pi La: Ula: Buka pita: Kine Pieke Buka

¹ Yesuma꞉ mo 12 disaipolo haliweki pa꞉ta꞉ Ipupa꞉e laa homeke pa꞉ta꞉ mea momba꞉laota꞉ ikana꞉ma꞉ yenimanu mea epeaena꞉ make hoke temokomanu paeyaosiki tolu lina꞉yeke Yesuma꞉ iki pa꞉ta꞉ wele pita꞉la꞉ biki pita꞉ honkopu yaapo hale hale piekeme.

Luku 9:1 Referans Kwoze

Dioni 14:12

I̱ma꞉ta꞉ iki pa꞉ta꞉ ota꞉ pi alome laa I̱ pa꞉ta꞉ hone tulao hala꞉ halima꞉ta꞉ I̱ma꞉ pitoloeki manuta꞉ ipikana꞉ma꞉ make pilieke. Kutupa yaka Apa꞉ pa꞉ta꞉ I̱ polue ekina꞉ta꞉ I̱ma꞉ pitolo ekimanu kone mo halima꞉ ankulao hau tiekemanu pilieke leekeme.

Luku 10:19

Opua꞉pe. Ikana꞉ma꞉ mo ketomanu make tei halimanu make da꞉ka꞉pa꞉ tombuamena꞉ make mo a꞉nda꞉ tunkuliki hoke temokona꞉ honkopu paeyao lu tombuao bepolamina꞉ta꞉ ya bikina꞉ welema꞉ iki handeteke halieke. Koto ekina꞉ta꞉ ikita꞉ ala꞉ta꞉ ma꞉nda꞉ma꞉ na hoeyaalieke.

Aposolo 4:30

Wanda꞉halina꞉ yenimanu tande laluekema꞉ naka꞉ kiki tindipao hata꞉ka꞉na꞉ wele pita꞉la꞉ ekimanu make na hando haloma꞉ ekimanu make naka꞉ yakopiki E Pokaasa꞉ Hali Yesu ipika꞉ bikina꞉ pina꞉ lapeke laa lemekeme.

Ma꞉tiu 16:19

I̱ma꞉ neke pa꞉ta꞉ mo hepenina꞉ Kilu Tombuao Hala꞉ ekina꞉ pota꞉ kakena꞉ kimanu kulueke. Koto ekina꞉ do kenke nane hata꞉ nakana꞉ma꞉ hau ma꞉nda꞉ a꞉nda꞉ pa꞉ta꞉ pi wika꞉na꞉ta꞉ kota꞉ koto hauna꞉ pi wita꞉la꞉eki kone oli hepeni nane make pi wilieke. Kutupa do kenke nane hata꞉ nakana꞉ma꞉ mandane haumanu pa mone pina꞉ paeka꞉na꞉ta꞉ kota꞉ koto pina꞉ pasa꞉ hau kone oli hepeni nane make pa pina꞉ palieke leekeme.

Aposolo 1:8

Koto pa꞉la꞉pate ikita꞉ wele pita꞉la꞉eki milimikie leekeme. Mo Holi Sipitidi epea꞉ka꞉na꞉ta꞉ ikita꞉ yaka wekitisi haliweki Diutuseleme pa꞉ta꞉ make Sametia pa꞉ta꞉ make Diudia paeyao pa꞉ta꞉ make hama hama pea kenke honiki honiki paeyao pa꞉ta꞉manu make la halimikie leekeme.

Aposolo 9:34

Pidama꞉ ipiki pa꞉ta꞉ alota꞉ Iniasio. Yesu Ketisoma꞉ neke epeaasa꞉me. Naka꞉ yapa꞉ta꞉ oko pea mina tiae laa leekeme. Koto leeke pita꞉ kone Iniasita꞉ tiaeyekeme.

Aposolo 3:16

Mo hande ipika꞉ bikina꞉ wele pita꞉la꞉ ekima꞉ mo pota꞉ pomua꞉peke na yeke hali honkopu haena꞉ lopa꞉me. Ame do handeleme ekita꞉ mo hande ipika꞉ hone tulaasa꞉ ekima꞉ pita꞉la꞉me. Ame do handeleme ekita꞉ Yesu pa꞉ta꞉ hone tulaasa꞉ ekima꞉ ipiki epeaala꞉me leekeme.

Ma꞉tiu 4:24

Koto ipika꞉ pieke hau manuna꞉ta꞉ Sitia kenke paeyao pa꞉ta꞉ kende tupa꞉ wiekeme. Koto pi opuaata꞉ wanda꞉halima꞉ yeni ta꞉ta꞉ ta꞉ta꞉ hake tanda mu haemeke wanda꞉hali make hoke temokomanu pitu make lu keaaso hata꞉ lopo haemeke wanda꞉hali make kiki anke lupa wiki wanda꞉hali make ota꞉ paeyao ipiki pa꞉ta꞉ mea epemekeme.

Ma꞉tiu 8:9

Pa ekipeke. I̱ta꞉ mandane ami you haliweki oto pa꞉ta꞉ halome. Kutaa I̱ oto pa꞉ta꞉ make mandane ami haliweki halememe. Kutupa I̱ma꞉ ma꞉nda꞉ pa꞉ta꞉ Pue loa꞉ka꞉na꞉ta꞉ pelieke. Ma꞉nda꞉ pa꞉ta꞉ make Epoe loa꞉ka꞉na꞉ta꞉ ipilieke. Kutupa ya pa hameke e pokaasa꞉ some pa꞉ta꞉ Do e pokae loa꞉ka꞉na꞉ta꞉ kota꞉ ota꞉ pealieke leekeme.

Luku 10:1

Do hande haumanu peaata꞉ Tekehalima꞉ 72 haliweki mea yaapo yaapo pu mo ipiki polo pieke da pa꞉ta꞉manu tapa tapa piekeme.