Luku 8:38 - Panake Pi La: Ula: Buka pita: Kine Pieke Buka

³⁸ Kutu pitolo haena꞉ mo hoke temokomanu tolu lieke halima꞉ Yesu pa꞉ta꞉ honke alo alota꞉ I̱ta꞉ neke yaapo pana꞉e leekeme. Koto leeke Yesuma꞉ mo hali paa tapaaso hata꞉ alota꞉

Luku 8:38 Referans Kwoze

Pilipai 1:23

Ale yaapoma꞉ yola꞉ alu pita꞉la꞉me. Do kenkena꞉ haloeki mina꞉pa꞉lao Ketiso yaapo pua hapeketa꞉ hone wotu pa꞉la꞉me. Kutupa make do polueke alo ekita꞉ I̱ pa꞉ta꞉ta꞉ ota꞉ epekeeki ya꞉la꞉pate

Luku 8:37

Kutupa mo Kedasa kenke wanda꞉hali paeyaoma꞉ paala꞉ma꞉ homolo hata꞉ Yesu pa꞉ta꞉ alota꞉ Nakana꞉ma꞉ niki mina꞉pa꞉lao pue lemekeme. Koto lemeke Yesuma꞉ mo kawasona꞉ pitulu pua peekeme.

Luku 8:28

Ipikana꞉ma꞉ Yesu handaata꞉ wi tieke alo hata꞉ Yesuna꞉ anke pa꞉ta꞉ handa꞉niao kenkena꞉ tu lopaata꞉ wi anekema꞉ pa alo alota꞉ Yesuo. Neketa꞉ Koda꞉ Manda Hala꞉ Tiekena꞉ Eiyekee. Nakana꞉ma꞉ I̱ yaapo eki hau puluekema꞉ pitelepe. Nakana꞉ma꞉ I̱ pa꞉ta꞉ tanda na kia꞉pee laa honke leekeme.

Ma꞉tiu 4:24

Koto ipika꞉ pieke hau manuna꞉ta꞉ Sitia kenke paeyao pa꞉ta꞉ kende tupa꞉ wiekeme. Koto pi opuaata꞉ wanda꞉halima꞉ yeni ta꞉ta꞉ ta꞉ta꞉ hake tanda mu haemeke wanda꞉hali make hoke temokomanu pitu make lu keaaso hata꞉ lopo haemeke wanda꞉hali make kiki anke lupa wiki wanda꞉hali make ota꞉ paeyao ipiki pa꞉ta꞉ mea epemekeme.

Luku 8:39

Neke naka꞉ da nane paa la꞉ka꞉la pua Koda꞉ma꞉ neke pa꞉ta꞉ pia꞉ hande ekimanu paeyao wanda꞉hali paeyao pa꞉ta꞉ pua la hala꞉tiki pu hapeke leekeme. Koto ekina꞉ta꞉ mo halima꞉ ipika꞉ teke da nane puaata꞉ Yesuma꞉ ipiki tamba꞉ miekeeki paeyaosiki wanda꞉hali pa꞉ta꞉ pua la hale hale piekeme.