Luku 8:2 - Panake Pi La: Ula: Buka pita: Kine Pieke Buka

² Kutupa amba꞉ titina꞉ mo hande hoke temokomanu tolu lia make yenimanu pea mea epeaeyeke wanda꞉weki make Yesu telia꞉ mea pomimikime. Metita꞉ mo ipika꞉ puki pa꞉ta꞉ta꞉ temoko watake hata꞉ pitiekeeki tolu lieke wanda꞉e. Ipika꞉ biki ma꞉nda꞉ta꞉ Ma꞉kadalawanda꞉e.

Luku 8:2 Referans Kwoze

Maka 16:9

[Yesuma꞉ta꞉ Sande da panake ka꞉la꞉polo haena꞉ tiaota꞉ titina꞉ amba꞉la mo Ma꞉kadala wanda꞉ Metima꞉ handena꞉yeke peneme yaeyekeme. Mo wanda꞉ta꞉ Yesuma꞉ amba꞉ kone ipika꞉ hoke temoko watake hata꞉ tolu lieke wanda꞉e.

Dioni 19:25

Mo Yesu ipika꞉ a꞉ka꞉tei wapepiki ti teke pa꞉ta꞉ta꞉ ipika꞉ inkiki make inkikina꞉ hakepiki make Keliopasina꞉ wanda꞉ Meti kutupa mo Ma꞉kadala wanda꞉ Meti make paeyao koto pambo haemekeme.

Aposolo 1:14

Koto haliweki paeyao mo wanda꞉weki tonka꞉na꞉ Yesuna꞉ ama꞉ Meti make ipika꞉ hameketiti make mandake pa꞉ta꞉ momba꞉la pita꞉ yeni pu pitimikime.

Luku 23:55

Kutupa mo hande Ka꞉lili kini pea Yesu telia꞉ mea epemeke wanda꞉ sunuma꞉ta꞉ Diosepe ame̱le̱ pua mo Yesu lapa꞉ piekeeki handemekeme.

Luku 23:49

Yesu ota꞉ handaa hone wimiki wanda꞉hali make ipiki Ka꞉lili nane kini pea telia꞉ mea epemeke wanda꞉ sunuma꞉ make mo pate leke hata꞉ do hau paeyao handemekeme.

Luku 23:27

Wanda꞉hali tiekema꞉ Yesu telia꞉ mea pemekeme. Koto wanda꞉hali ame̱le̱ta꞉ mandane wanda꞉ sunuta꞉ puki yoka hata꞉ Yesuna꞉ e̱ wopu lemekeme.

Luku 8:30

Yesuma꞉ mo hali pa꞉ta꞉ alota꞉ Naka꞉ bikita꞉ epi ya꞉ka꞉ta꞉pe laa lota꞉ pieke handaa ipikana꞉ma꞉ alota꞉ Yaka bikita꞉ Eleke elekee leekeme. Koto leeke ekita꞉ temoko eleke eleke wotu ipiki pa꞉ta꞉ pitieke ekina꞉ leekeme.

Maka 16:1

Kutupa Diu wanda꞉halina꞉ Hoto Pila꞉ Nate welealo nane paeyeketa꞉ Ma꞉kadala wanda꞉ Metima꞉ make Dia꞉mesina꞉ inkiki Metima꞉ Salomema꞉ make Yesuna꞉ tonka꞉na꞉ yankaalo poluekema꞉ senisi alemanu hambemekeme.

Ma꞉tiu 4:24

Koto ipika꞉ pieke hau manuna꞉ta꞉ Sitia kenke paeyao pa꞉ta꞉ kende tupa꞉ wiekeme. Koto pi opuaata꞉ wanda꞉halima꞉ yeni ta꞉ta꞉ ta꞉ta꞉ hake tanda mu haemeke wanda꞉hali make hoke temokomanu pitu make lu keaaso hata꞉ lopo haemeke wanda꞉hali make kiki anke lupa wiki wanda꞉hali make ota꞉ paeyao ipiki pa꞉ta꞉ mea epemekeme.