Luku 7:6 - Panake Pi La: Ula: Buka pita: Kine Pieke Buka

⁶ Kotoeki opuaata꞉ Yesuta꞉ mo haliweki ame̱le̱ mandakena꞉ pua mo da teke pa꞉ta꞉ polueke alo pulu haena꞉ mo ami you halima꞉ ipika꞉ yankeke tonuma꞉ Yesu pa꞉ta꞉ dupiki pimanu lena꞉yeke tapaeyekeme. Tekehalio. Pina꞉ pae.

Luku 7:6 Referans Kwoze

Dia꞉mesi 4:6

Kutu piliepate Koda꞉ma꞉ ipika꞉ a꞉ta꞉ma꞉ homolo hata꞉ pa kita꞉la꞉ ekita꞉ wopue. Kutu pita꞉la꞉ ekima꞉ mo Baibolo bukana꞉ wape pa꞉la꞉eki doe. Hakoko liteleme haliweki pa꞉ta꞉ta꞉ Koda꞉ma꞉ a꞉nda꞉ lia hala꞉pate homupiki haliweki pa꞉ta꞉ ipika꞉ a꞉ta꞉ma꞉ homa꞉la꞉eki pa halo hala꞉me wape pa꞉la꞉me.

Maka 5:24

Kutupa Yesu Diaitusi yaapo pepekeme. Wanda꞉hali wopu Yesu ame̱le̱ pulu hata꞉ pendila pendila putia pemekeme.

Luku 8:49

Yesuma꞉ do pi alo haena꞉ta꞉ hali ma꞉nda꞉ma꞉ mo you halina꞉ da nane hao a꞉pa Diaitusi pa꞉ta꞉ alota꞉ Naka꞉ wandikita꞉ ota꞉ homea꞉me. Mo Disa pa꞉ta꞉ pina꞉ pa paena꞉ lae leekeme.

Dia꞉mesi 4:10

Tekehali pa꞉ta꞉ homu pea haemeka꞉na꞉ta꞉ ipikana꞉ma꞉ iki mea a꞉meiyalieke.

Aposolo 10:38

Hande Na꞉sa꞉tete da halita꞉ Yesue. Ipikita꞉ Koda꞉ma꞉ wele peaaso hata꞉ mo Holi Sipitidima꞉ make suta꞉pe wiaeyekeeki opimika꞉ta꞉me. Kutupa ipikana꞉ma꞉ Koda꞉ ame̱le̱ hata꞉ epeke hau pea꞉tiki pu hao Sadanima꞉ hoeyaeyeke wanda꞉hali mea tiatiki pu hao pomu hayekeme.

Luku 5:8

Kutu piekeeki handaata꞉ Saimono Pidama꞉ Yesu teke pa꞉ta꞉ tumiki yotuao alota꞉ Tekehalio. I̱ta꞉ hoke hau polo somema꞉ I̱ kiao pue leekeme.

Ma꞉tiu 20:28

Pa ekipeke Wanda꞉halina꞉ Eiyeketa꞉ mo wanda꞉halima꞉ ipika꞉ e pokaena꞉ loluekema꞉ yeke na epeeke yekepate ipikana꞉ma꞉ pa ika꞉ e pokaaluekema꞉ make ipika꞉ da꞉ta꞉la꞉ ekima꞉ta꞉ iki wopuna꞉ hoke hauna꞉ yenki haluekema꞉ yeke epea꞉me leekeme.

Ma꞉tiu 3:11

I̱ma꞉ta꞉ ika꞉ hoke haumanu mina꞉pa꞉laemekeeki peneme yaaluekema꞉ ikalima꞉ bapitaisi peaowalopate mo ya hoki nane ipilia꞉ halima꞉ta꞉ mo Holi Sipitidi pita꞉ ti tala꞉eki yaapoma꞉ iki bapitaisi pealieke. Mo someta꞉ I̱ ota꞉ lombeipiki some halekena꞉ ipika꞉ anke dake kone I̱ma꞉ mea tiaapeke ana꞉ na pa꞉la꞉me.

Luku 7:4

Koto tondiki haliwekima꞉ Yesu pa꞉ta꞉ a꞉pa ota꞉ meme piki honke alo hata꞉ alota꞉ Do halita꞉ nakana꞉ma꞉ epeke tamba꞉ mia꞉peke ya꞉la꞉ halie. Pa ekipeke.

Kini Pieke 32:10

I̱ta꞉ naka꞉ e pokaaso hali hata꞉ nakana꞉ma꞉ I̱ pa꞉ta꞉ a꞉ta꞉ma꞉ homa tamba꞉ mina꞉la꞉eki make kima꞉ na homa꞉la꞉eki make ki ekita꞉ I̱ta꞉ ana꞉ na pa꞉la꞉me. I̱ma꞉ta꞉ mone yopuluta꞉ mo hande Diodani ikalita꞉ ala꞉ta꞉ ma꞉nda꞉ na miniki pa tumapu piti homeke yumua꞉pate pa ame ipuluta꞉ do tapake yaapo ame̱le̱ ipulume.

Luku 7:5

Ipikana꞉ma꞉ nika꞉ wanda꞉hali teke pa꞉ta꞉ pukima꞉ wotu homo hala꞉ make ipikana꞉ma꞉ ipika꞉ siki kone nika꞉ pi hotu haloma꞉ da ma꞉nda꞉ a꞉eyaeya꞉me leekeme.

Luku 7:7

Neke ya da pa꞉ta꞉ epoelena꞉ loluekema꞉ta꞉ I̱ta꞉ epeke hali dia꞉ya꞉la꞉ ekina꞉ na ipilipikie laa Neke hale alena꞉ a꞉pa꞉peke make ota꞉ ana꞉ na pa꞉la꞉me. Nakana꞉ma꞉ta꞉ ipika꞉ yeni pa paena꞉e pi homeke leka꞉na꞉ta꞉ kota꞉ ya e pokaasa꞉ someta꞉ tialieke.