Luku 7:37 - Panake Pi La: Ula: Buka pita: Kine Pieke Buka

³⁷ Kutupa koto da teke pa꞉ta꞉ta꞉ hali yolo hayeke wanda꞉ ma꞉nda꞉ hayekeme. Koto wanda꞉ma꞉ Yesuta꞉ mo Pa꞉tisi halina꞉ da pa꞉ta꞉ a꞉pa ne no pila꞉me lemeeki opuaata꞉ ipikana꞉ma꞉ta꞉ a꞉la꞉ba꞉seta꞉ toopima꞉ wepiki kanakena꞉ mo totopo wotu piki oeta pambekeeki mea mina꞉ mo da pa꞉ta꞉ epeekeme.

Luku 7:37 Referans Kwoze

Luku 5:32

I̱ma꞉ta꞉ epeke hau pu haleme wanda꞉hali hone ma꞉nda꞉ la꞉ka꞉la wina꞉yeke wi loluekema꞉ na epoa꞉pate pa hoke hau pu haleme wanda꞉hali wi loluekema꞉ epoa꞉me leekeme.

Ma꞉tiu 21:31

Kutupa koto weki yaapo ma꞉nda꞉ hondoma꞉ta꞉ mo hande atekema꞉ hone piekeeki peayekepe leekeme. Ikana꞉ma꞉ hombo peaaso alota꞉ Ipika꞉ mupeke wekima꞉ homekee. Koto laata꞉ Yesuma꞉ alota꞉ I̱ma꞉ iki pa꞉ta꞉ ota꞉ pi alome. Hande dakisi mu hala꞉ haliweki pita꞉ yolo haleme tapakema꞉ iki mina꞉pa꞉lao ikana꞉ma꞉ amba꞉la oli Koda꞉na꞉ Kilu Tombuao Hala꞉ pa꞉ta꞉ pu halememe.

1 Pida 4:18

Kota꞉ mo Baiboloma꞉ alota꞉ Epeke hau pu haleme wanda꞉hali peteluekema꞉ ka꞉nda꞉ pia꞉ka꞉na꞉ta꞉ kota꞉ mo Koda꞉ hone na wiki hoke hau pu haleme wanda꞉hali pa꞉ta꞉ta꞉ eki hau pealia꞉pe.

1 Timodi 1:9

pa dupiki hone make witoloma꞉me. Mo lo pi manuta꞉ mo epeke wanda꞉hali tikitiki yaaluekema꞉ na ula꞉pate pa mo ika꞉ you hali pa꞉ta꞉ homu na piki pa pi yambolo haleme wanda꞉hali pa꞉ta꞉ ula꞉me. Dupae. Koda꞉ hoki walaa hoke hau pu haleme wanda꞉hali pa꞉ta꞉ make Koda꞉ hone ma꞉nda꞉ na wiki kenke alemanu pa꞉ta꞉ homeke hone u haleme wanda꞉hali pa꞉ta꞉ make inkiki ateke kone lu make mandane wanda꞉hali lu homao haleme wanda꞉hali pa꞉ta꞉ make kutupa mo

Luku 18:13

Koto leekepate mo dakisi mu hayeke halima꞉ta꞉ ipika꞉ siki mo pate leke hata꞉ta꞉ oli ya nane kone na handa꞉liake panda꞉ puniao hata꞉ ipika꞉ hakokona꞉ litolo hata꞉ alota꞉ Koda꞉o. I̱ta꞉ hoke hau polo somema꞉ I̱ a꞉ta꞉ma꞉ homa꞉e leekeme.

Luku 5:30

Kutupa mandane Pa꞉tisi haliweki manuma꞉ make iki ame̱le̱ apa꞉taemeke mandane Lo Pi wala꞉la꞉ haliwekima꞉ make Yesuna꞉ disaipolo haliweki pa꞉ta꞉ ka꞉nda꞉ piki pimanu lota꞉ pitolo hata꞉ alota꞉ Mo dakisi mani mu haleme haliweki make mo hoke hauma꞉ ha̱i̱ pieke handaa mina꞉pa꞉laemeke wanda꞉hali ame̱le̱ mandake pa꞉ta꞉ pita꞉ ne ikalimanu ekipeke nalemepe laa lota꞉ pimikime.

Loma꞉ 5:8

Kutu pulu pa꞉la꞉pate Koda꞉ma꞉ niki pa꞉ta꞉ ipika꞉ pukima꞉ wopu homa꞉la꞉ ekita꞉ peneme yao yaala꞉ ekita꞉ dupa. Nikita꞉ hoke hau pu haloma꞉ wanda꞉hali hamono kone Ketisota꞉ nika꞉eki peaaso hata꞉ homeekeme.

Dioni 11:2

Mo Metima꞉ta꞉ hande Tekehalina꞉ ankena꞉ totopo wotupiki senisi holaota꞉ ipika꞉ itikima꞉ kone honiaeyekeme. Koto wanda꞉na꞉ beliki La꞉satesi yeni hayekeme.

1 Timodi 1:15

Ota꞉ opua hone tulaapeke ya꞉la꞉ ota꞉ pi ma꞉nda꞉ta꞉ dupa. Ketiso Yesuma꞉ hoke hau pu haloma꞉ wanda꞉hali da꞉taaluekema꞉ yeke do kenkena꞉ epeekeme. Koto ekina꞉ mo hoke hau wopu pita꞉la꞉ halita꞉ I̱ ya꞉pate

Dioni 9:31

Nikana꞉ma꞉ Koda꞉ma꞉ hoke wanda꞉halina꞉ pi na opita꞉la꞉ ekita꞉ handoloma꞉pate pa Koda꞉ma꞉ta꞉ ipiki pa꞉ta꞉ homu pea hata꞉ ipika꞉ hone pa꞉la꞉ hau peaaseme wanda꞉halina꞉ pita꞉ opu hala꞉me.

Dioni 9:24

Kutupa hoto yaapo peao hande mendieke pa꞉ta꞉ kone leke holupiki halita꞉ mo haliwekima꞉ wi la ipiki pa꞉ta꞉ alota꞉ Koda꞉ pa꞉ta꞉ pi la꞉ witolo hata꞉ ota꞉eki lapeke laa nikana꞉ma꞉ hone uluma꞉me. Koto hande halita꞉ hoke hau pita꞉la꞉ halie la lemekeme.

Luku 19:7

Wanda꞉hali paeyaoma꞉ Kutu piekeeki hando haota꞉ hambilikima꞉ hambilikima꞉ pitolo alota꞉ Do halita꞉ mo hande hoke hau pa꞉la꞉ halina꞉ da pa꞉ta꞉ kimisu pula꞉me lemekeme.

Luku 7:34

Koto lemepate mo Wanda꞉halina꞉ Eiyeke ipiki a꞉paata꞉ ne make ikali a꞉pa na꞉tiki pieke handaata꞉ ikana꞉ma꞉ alota꞉ Do hali handa꞉pa꞉ ikali ne wopu no hake some ya꞉ka꞉ta꞉me. Kutupa ipikita꞉ mo dakisi mani mu haleme haliweki make mo wanda꞉halima꞉ ta꞉na꞉ma꞉ na homeleme tapekena꞉ yankeke hala꞉me laa lememe

Luku 7:36

Kutupa nate ma꞉nda꞉na꞉ mo Pa꞉tisi hali ma꞉nda꞉ma꞉ ipika꞉ da pa꞉ta꞉ Yesu ne nolo epena꞉ yeke wi leeke handaa Yesuta꞉ ne nolueke alo pua pitiekeme.