Luku 7:16 - Panake Pi La: Ula: Buka pita: Kine Pieke Buka

¹⁶ Koto ekina꞉ta꞉ wanda꞉hali paeyaoma꞉ dupiki hau hando hao pututuma꞉ homolo hata꞉ Koda꞉na꞉ biki mea miniliaaso hata꞉ alota꞉ Ota꞉ aneke potopede ma꞉nda꞉ niki tukiki pa꞉ta꞉ a꞉pa꞉la꞉me. Koda꞉ma꞉ ipika꞉ wanda꞉hali tamba꞉ muluekema꞉ yeke a꞉pa꞉la꞉me lemekeme.

Luku 7:16 Referans Kwoze

Luku 7:39

Mo hande Pa꞉tisi halima꞉ kotoeki handaata꞉ ipika꞉ honema꞉ kone alota꞉ Do halita꞉ Koda꞉na꞉ potopede hali ya꞉ka꞉na꞉ yoluta꞉ ipikana꞉ma꞉ ipikita꞉ do wanda꞉ma꞉ wataasa꞉me laa peneme handolo pia꞉me. Ipikana꞉ma꞉ koto wanda꞉na꞉ pa꞉la꞉ hoke hauta꞉ hone ulu pia꞉me laa hone wiekeme.

Ma꞉tiu 9:8

Wanda꞉halima꞉ koto hau handolota꞉ paala꞉ma꞉ homemekeme. Do epeaasa꞉ weleta꞉ Koda꞉ma꞉ haliweki pa꞉ta꞉ halaa pia꞉ka꞉ta꞉me laa ipika꞉ biki yeiya꞉ laemekeme.

Luku 1:68

Tekehalima꞉ ipika꞉ wanda꞉hali tamba꞉ mulu a꞉paata꞉ iki tonkaala꞉ alemanu ka꞉la꞉pa wala꞉ ekina꞉ Isulai wanda꞉halina꞉ Koda꞉ ipika꞉ pi laamana꞉e.

Luku 5:26

Kutupa koto piekeeki handaata꞉ mo hande wanda꞉hali manuta꞉ penkilipa꞉tia pomua ikita꞉ pututuma꞉ homolo hata꞉ Koda꞉na꞉ biki mea miniliaaso alota꞉ Ameta꞉ nikana꞉ma꞉ na handeke epeke haumanu wotu handoma꞉me lemekeme.

Luku 2:20

Kutupata꞉ mo hande ma꞉na꞉ handeteke haemeke haliwekima꞉ pa la꞉ka꞉la pulu hata꞉ta꞉ mo enisoloma꞉ leeke tupa꞉ kone hande hau paeyao handaata꞉ Koda꞉na꞉ biki mina꞉liaaso hata꞉ pi laatia pemekeme.

Luku 1:65

Koto ekina꞉ta꞉ koto pa꞉ta꞉ haemeke wanda꞉halima꞉ paala꞉ma꞉ homemekeme. Kutupa mo pieke ekimanu mo Diudia nane peiyene pa꞉ta꞉ hayeke da sunu paeyao pa꞉ta꞉manu la꞉tia pomimikime.

Ma꞉tiu 21:11

Kutu pieketa꞉ mo ipiki hatuku epemeke wanda꞉halima꞉ iki pa꞉ta꞉ alota꞉ Do halita꞉ mo Ka꞉lili kenke nane hala꞉ da Na꞉sa꞉tetena꞉ potopede hali Yesue lemekeme.

Ma꞉tiu 15:31

Kutupa mo wanda꞉halima꞉ mo pi na leke wanda꞉halima꞉ pi lemekeeki hando make kiki anke lupa wiki wanda꞉halima꞉ paa epeke tupa꞉ haemekeeki hando make dola꞉pake piki wanda꞉halima꞉ paa epea pomimikieki hando make leke holu piki wanda꞉halina꞉ leke ki la epeke tupa꞉ hando pu pimiki eki paeyao handolo hata꞉ ikana꞉ma꞉ leke opo handa꞉ hake wiata꞉ Isulai wanda꞉halina꞉ Koda꞉na꞉ biki yeiya꞉ laemekeme.

Ka꞉leisia 1:24

kota꞉ koto ekina꞉ta꞉ ikana꞉ma꞉ Koda꞉na꞉ biki yeiya꞉ laemekeme.

Aposolo 5:5

Do leeke ekimanu opuaata꞉ A꞉na꞉naisi kenkena꞉ honda꞉pa lopa homeekeme. Kutupa koto hao yapeeke haliwekima꞉ doeki opimiki haliwekima꞉ make paala꞉ma꞉ homolo hata꞉ leke opo handa꞉hake wimikime.

Dioni 9:17

Kutupa mo Pa꞉tisi haliwekima꞉ hande hali pa꞉ta꞉ hoto ma꞉nda꞉ paa lota꞉ pitolo alota꞉ Nakana꞉ma꞉ alota꞉ Yaka leke kilaeya꞉me alepateta꞉ ipiki pa꞉ta꞉ eki hone witelepe lemekeme. Mo halima꞉ hombo peaaso alota꞉ Ipikita꞉ Koda꞉na꞉ potopede halie la leekepate

Dioni 6:14

Mo wanda꞉halima꞉ta꞉ Yesuma꞉ koto pa꞉ta꞉ wele wopu piekeeki hando hao alota꞉ Do halita꞉ hande kenkena꞉ epolo pa꞉la꞉ ota꞉ Potopede hali ya꞉ka꞉ta꞉me lemekeme.

Dioni 4:19

Mo wanda꞉ma꞉ ipiki pa꞉ta꞉ alota꞉ Aneke halio. Ameta꞉ neke handolome laa Koda꞉na꞉ pi la꞉ mea halo hale hali ya꞉ka꞉ta꞉me leekeme.

Dioni 1:25

Mo haliwekima꞉ Dioni lota꞉ pitolo alota꞉ Neketa꞉ Ketiso make Elaidia make mo hande Potopede hali make na hata꞉ kone ekipeke wanda꞉hali bapitaisi peao halepe lemekeme.

Dioni 1:21

Koto leeke mo haliwekima꞉ ipiki lota꞉ pitolo alota꞉ Kota꞉ neketa꞉ epi ya꞉ka꞉ta꞉pe. Neketa꞉ Elaidiape lemekeme. Dionima꞉ ika꞉ pi hombo peaaso alota꞉ I̱ta꞉ koto hali dia꞉me leekeme. Mo haliwekima꞉ paa lota꞉ pitolo alota꞉ Neketa꞉ mo hande Potopede halipe lemekeme. Dionima꞉ ika꞉ pi hombo peaaso alota꞉ Dia꞉me. I̱ta꞉ koto hali dia꞉me leekeme.

Luku 24:19

Yesuma꞉ alota꞉ Eki hau manupe leekeme. Kutupa mo hali yaapoma꞉ alota꞉ Mo hande Na꞉sa꞉tete hali Yesu pa꞉ta꞉ pia꞉ hau manuna꞉ lopa꞉me. Do halita꞉ potopede yaalo hata꞉ Koda꞉ma꞉ make wanda꞉hali paeyaoma꞉ make ipika꞉ pia꞉ hau manuma꞉ make leeke pimanu make honkopu wele pa꞉la꞉ halie lememe.

Luku 9:19

Ipika꞉ disaipolo haliwekima꞉ ipika꞉ pi hombo peaaso alota꞉ Mandane wanda꞉halima꞉ta꞉ neketa꞉ mo bapitaisi peao haya꞉ hali Dioni lo halememe. Mandane wanda꞉halima꞉ta꞉ Elaidia lo halememe. Mandane wanda꞉halima꞉ta꞉ potopede hali ma꞉nda꞉ amba꞉ hande homea꞉pate ame dosiki paa tiao hala꞉ halie lo halememe lemekeme.

Luku 8:37

Kutupa mo Kedasa kenke wanda꞉hali paeyaoma꞉ paala꞉ma꞉ homolo hata꞉ Yesu pa꞉ta꞉ alota꞉ Nakana꞉ma꞉ niki mina꞉pa꞉lao pue lemekeme. Koto lemeke Yesuma꞉ mo kawasona꞉ pitulu pua peekeme.

Luku 5:8

Kutu piekeeki handaata꞉ Saimono Pidama꞉ Yesu teke pa꞉ta꞉ tumiki yotuao alota꞉ Tekehalio. I̱ta꞉ hoke hau polo somema꞉ I̱ kiao pue leekeme.

Ma꞉tiu 28:8

Koto pi lo paeyeke opuaata꞉ mo wanda꞉ yaapoma꞉ pututuma꞉ homa꞉peke pateta꞉ ta꞉na꞉ tieke make homa꞉ paleke a̱i̱ koto kone mo lapa꞉ mina꞉pa꞉lao mo disaipolo tonu pa꞉ta꞉ la haluekema꞉ a̱i̱ a̱i̱ya pepekeme.

Aposolo 7:37

Ipikana꞉ma꞉ mo Isulai wanda꞉hali pa꞉ta꞉ hali ma꞉nda꞉na꞉ dupa leekeme. Koda꞉ma꞉ I̱ tapaeya꞉ tupa꞉ iki pa꞉ta꞉ potopede hali ma꞉nda꞉ make tapaalieke. Koto someta꞉ ika꞉ tapake hali kone tapaalieke laa leekeme.

Luku 19:44

Ikana꞉ma꞉ neke make naka꞉ pape tukiki pa꞉ta꞉ haleme wanda꞉hali paeyaota꞉ ota꞉ lia paeyaalimikie. Kutupa naka꞉ toopi ma꞉nda꞉ ipika꞉ ula꞉ alena꞉ ota꞉ na wina꞉ lelimikie. Pa ekipeketa꞉ nakana꞉ma꞉ Koda꞉ma꞉ neke peteluekema꞉ peneme yao epena꞉ lea꞉ nate leketa꞉ na handa꞉ wima꞉e leekeme.

Luku 7:15

Mo hande homeeke wekita꞉ paa tiao pita꞉ta꞉ pimanu lombo leekeme. Kutu pieke Yesuma꞉ mo hande wekita꞉ inkiki pa꞉ta꞉ hala꞉ moneayekeme.