Luku 5:35 - Panake Pi La: Ula: Buka pita: Kine Pieke Buka

³⁵ Koto pa꞉la꞉pate mo wanda꞉ panake mina꞉la꞉ halita꞉ ma꞉nda꞉ma꞉ hatuku pua꞉peke nate opolo epea꞉ka꞉na꞉ta꞉ kota꞉ koto natena꞉ta꞉ ikana꞉ma꞉ nee pi wia꞉tiki pu halimikie leekeme.

Luku 5:35 Referans Kwoze

Luku 17:22

Kutupa Yesuma꞉ ipika꞉ disaipolo haliweki pa꞉ta꞉ alota꞉ Ikana꞉ma꞉ mo Wanda꞉halina꞉ Eiyekena꞉ nate homeke a꞉nda꞉ handuluekema꞉ hone wopu ulu pelemepate ota꞉ na handilimikie.

2 Kotindi 11:27

Kutupa nate mandaneeki manuna꞉ta꞉ honkopu paena꞉ kone e wopu pokoa꞉me. Hoto eleke eleke timba꞉ naneta꞉ e pokaaluekema꞉ u na polua꞉me. Nate ma꞉nda꞉ nina꞉ta꞉ I̱ta꞉ tea꞉ma꞉ make ikali na꞉na꞉ma꞉ make homoa꞉me. I̱ta꞉ nate ma꞉nda꞉ nina꞉ta꞉ ne da dau wopu dia꞉yalo hata꞉ pa haowa꞉me.

1 Kotindi 7:5

Kutupa tooli ta꞉ma꞉ni pea hata꞉ta꞉ homekema꞉ ma꞉nda꞉ pa꞉ta꞉ ki pa꞉la꞉me lapeke na ya꞉la꞉me. Hoto ma꞉nda꞉ta꞉ ipilikana꞉ma꞉ pi la꞉ wia Koda꞉ pa꞉ta꞉ yeni puluekema꞉ pao hosiki hapa꞉na꞉e laa lepeka꞉na꞉ta꞉ kota꞉ a꞉pa꞉la꞉pate pa ipilika꞉ loke handeteke halepeeki ana꞉ na pitolo hapina꞉ Sadanima꞉ ipiliki pa꞉ta꞉ hoke hone mea wiaapa꞉na꞉ paa ta꞉ma꞉ni pea hapa꞉peke ya꞉la꞉me.

Aposolo 14:23

Polo Banabasi yaapoma꞉ mo siosi tapake handeteke haena꞉ tondiki haliweki tamba꞉ mipi peaata꞉ kutupa ne na neke yeni pitolo hata꞉ mo hande Koda꞉ pa꞉ta꞉ hone tulaasa꞉ wanda꞉hali Koda꞉ma꞉ handeteke haena꞉ lepekeme.

Aposolo 3:21

Yesuta꞉ hepeni nane pua hao hala꞉pate Koda꞉ma꞉ ala꞉ta꞉ ala꞉ta꞉ paeyao panake ekimanu wopulu pa꞉la꞉ nate handeteke hala꞉me. Amba꞉ kiaake Koda꞉ma꞉ ipika꞉ yakopiki potopede haliwekima꞉ la hale hale pieke tupa꞉ loa꞉me.

Aposolo 1:9

Kotoeki lo paeyaota꞉ mo haliwekima꞉ handa꞉ poto poto la haena꞉ kone opa꞉liao peekeme. Kutupa ya hapi homekema꞉ a꞉pa ipiki a꞉mbaeyekeme.

Dioni 16:28

I̱ta꞉ hande yaka Apa꞉ yaapo hao do kenkena꞉ a꞉pa hao ameta꞉ do kenke mina꞉pa꞉lao yaka Apa꞉ pa꞉ta꞉ polueke leekeme.

Dioni 13:33

Yaka weki wandikio. Iki ame̱le̱ halo poloma꞉pateta꞉ hosiki halueke. Kutupa ikana꞉ma꞉ I̱ weilimikipate pa amba꞉ mo Diu wanda꞉hali pa꞉ta꞉ loa꞉ ekita꞉ ameta꞉ iki pa꞉ta꞉ make alome. I̱ polue da naneta꞉ iki a꞉pa꞉peke na ya꞉la꞉me la leekeme.

Dioni 12:8

Natehali wanda꞉halita꞉ iki ame̱le̱ hao halo pelemepate I̱ta꞉ iki ame̱le̱ na hao halumeke leekeme.

Ma꞉tiu 9:15

Koto lemeke Yesuma꞉ iki pa꞉ta꞉ alota꞉ Wanda꞉ panake ta꞉ma꞉ni pita꞉la꞉ natena꞉ wanda꞉ tekehalima꞉ mo ipika꞉ wi leeke epemeke wanda꞉hali ame̱le̱ mandake hao haya꞉ka꞉na꞉ta꞉ ikana꞉ma꞉ ka꞉nda꞉ma꞉ homo halimikie hone witemepe. Dia꞉me. Koto pea꞉peke na ya꞉la꞉me. Pate ipiki mea polo pa꞉la꞉ nate ipilia꞉ natena꞉ta꞉ mo wanda꞉ teke halita꞉ iki ame̱le̱ na halieke. Koto natena꞉ta꞉ ikana꞉ma꞉ nee pi wilimikie.

Maka 2:20

Kutu pimipate nate ma꞉nda꞉na꞉ ma꞉nda꞉ma꞉ mo wanda꞉ teke hali hatuku pelieke. Koto natena꞉ta꞉ ne wahapa꞉ pea hatiki pilimikie leekeme.

Luku 5:34

Koto ekina꞉ Yesuma꞉ ika꞉ pi hombo peaaso hata꞉ alota꞉ Ika꞉ honema꞉ta꞉ hali ma꞉nda꞉ma꞉ wanda꞉ panake mea pita꞉ ne pambolo hata꞉ mo wi leeke epemeke wanda꞉halima꞉ ipiki ame̱le̱ pa mandake pitu haya꞉ka꞉na꞉ta꞉ koto wanda꞉halita꞉ ne na neke pi wipe lea꞉ka꞉na꞉ta꞉ opilimikipe. Ota꞉ dia꞉me.

Luku 5:36

Yesuma꞉ iki pa꞉ta꞉ onkoluma꞉ pi ma꞉nda꞉ dupa leekeme. Hali ma꞉nda꞉ma꞉ ipika꞉ sinkipiki amba꞉ sedi ma꞉nda꞉ epeaaluekema꞉ta꞉ ipika꞉ panake sedi tunkulu mea mo amba꞉ ekina꞉ na tombilieke. Koto hau pia꞉ka꞉na꞉ta꞉ kota꞉ ipikana꞉ma꞉ ipika꞉ panake sedi tunkulieke make mo panake aka꞉ta꞉ tunkulu mieke mo ambisanake sedi mandakena꞉ apa꞉tao tombilia꞉ka꞉na꞉ta꞉ mandake na pilieke.