Luku 5:33 - Panake Pi La: Ula: Buka pita: Kine Pieke Buka

³³ Kota꞉ mandane wanda꞉halima꞉ Yesu pa꞉ta꞉ dupa lemekeme. Dionina꞉ disaipolo haliweki make mo Pa꞉tisi haliwekina꞉ disaipolo haliweki make nate paeyao nee pi u moneaaso hata꞉ Koda꞉ pa꞉ta꞉ yeni pea꞉tiki pu halemepate pa naka꞉ disaipolo haliwekima꞉ta꞉ ikali ne manuta꞉ pa no halememe lemekeme.

Luku 5:33 Referans Kwoze

Luku 20:47

Kutupa kosa꞉piki wanda꞉wekina꞉ damanu makea makea pea minolota꞉ handaena꞉ hau pea yeni pu hokulu peao halememe. Koto ekina꞉ta꞉ mo haliwekima꞉ ika꞉ mulu peleme hoke yenkita꞉ ota꞉ haka꞉ta꞉pao tieke milimikie leekeme.

Luku 18:12

I̱ta꞉ pula homeke homeke tukiki pa꞉ta꞉ hoto yaapoma꞉ nee pi wiaata꞉ kutupa I̱ma꞉ yaka mu halo ala꞉ta꞉manu paeyao putupa kiki yaapona꞉ homeketa꞉ neke ku halome.

Aposolo 9:11

Kutupa Tekehalima꞉ alota꞉ Tiao. Oni pota꞉ bikita꞉ Tikitikipiki pota꞉ yola꞉ mea pua Diudasina꞉ da pa꞉ta꞉ pua Tasa꞉si hali Solota꞉ hando pa꞉ta꞉ pila꞉pe laa lota꞉ pia꞉pekee. Ipikita꞉ yeni koto pitolo pila꞉ handa꞉e leekeme.

Dioni 3:25

Kutupa Dionina꞉ disaipolo mandane haliwekima꞉ mo Diu hali homeke ame̱le̱ mo pi ula꞉ ekina꞉ ikalima꞉ peiya꞉tiki pia꞉peke ekina꞉ pi yokaalu pimikime.

Dioni 1:35

Da kelepeeketa꞉ Dioni make ipika꞉ disaipolo hali yaapo make koto pa꞉ta꞉ paa a꞉pa hata꞉ta꞉

Luku 11:1

Nate ma꞉nda꞉na꞉ Yesuta꞉ ala꞉ta꞉ ma꞉nda꞉ pa꞉ta꞉ pua yeni pu pitiekeme. Yeni pu paeyaeyeketa꞉ ipika꞉ disaipolo hali ma꞉nda꞉ma꞉ ipiki pa꞉ta꞉ alota꞉ Tekehalio amba꞉ hande Dionima꞉ ipika꞉ disaipolo haliweki yeni pina꞉yeke waleeke tupa꞉ niki pa꞉ta꞉ make koto tupa꞉ wala꞉e leekeme.

Maka 12:40

Kutupa kosa꞉piki wanda꞉wekina꞉ ala꞉ta꞉ ala꞉ta꞉ pa meaata꞉ kutu pitolo kone handaena꞉ hau puluekema꞉ yeni pu hokulu peao halememe leekeme. Mo haliwekima꞉ ika꞉ hoke yenkita꞉ ota꞉ tieke milimikie leekeme.

Ma꞉tiu 23:13

Koto pi laa paeyeketa꞉ Yesuma꞉ alota꞉ Iki Lo Pi ula꞉eki walo haleme haliweki make Pa꞉tisi haliweki make iki paeyaona꞉ hoke yenki tieke ipuleke handolo ekina꞉ I̱ paala꞉e. Ikita꞉ hoke makeaaso yayapiki hau pu haleme haliwekie. Ikana꞉ma꞉ta꞉ mo hepenina꞉ Kilu Tombuao Hala꞉ eki pa꞉ta꞉ honda꞉ pamba꞉la꞉eki kiaaso hata꞉ta꞉ mo poluekema꞉ hone pa꞉la꞉ wanda꞉hali puaama꞉na꞉ ika꞉ leke popelekena꞉ kone mo honda꞉ pambolo peleme pota꞉ pa꞉ta꞉ pota꞉ kake katolao halememe.

Luku 2:37

Ipikita꞉ koke wanda꞉ hata꞉ ipika꞉ bapita꞉ 84 yeekeme. Kutupa ipikana꞉ma꞉ mo tembolo da na mina꞉pa꞉lake timba make natena꞉ make Koda꞉ pa꞉ta꞉ panda꞉puniao hata꞉ ne pi wia꞉tiki pea yeni pu hatiki pu hayekeme.

Luku 5:32

I̱ma꞉ta꞉ epeke hau pu haleme wanda꞉hali hone ma꞉nda꞉ la꞉ka꞉la wina꞉yeke wi loluekema꞉ na epoa꞉pate pa hoke hau pu haleme wanda꞉hali wi loluekema꞉ epoa꞉me leekeme.

Luku 5:34

Koto ekina꞉ Yesuma꞉ ika꞉ pi hombo peaaso hata꞉ alota꞉ Ika꞉ honema꞉ta꞉ hali ma꞉nda꞉ma꞉ wanda꞉ panake mea pita꞉ ne pambolo hata꞉ mo wi leeke epemeke wanda꞉halima꞉ ipiki ame̱le̱ pa mandake pitu haya꞉ka꞉na꞉ta꞉ koto wanda꞉halita꞉ ne na neke pi wipe lea꞉ka꞉na꞉ta꞉ opilimikipe. Ota꞉ dia꞉me.