Luku 23:34 - Panake Pi La: Ula: Buka pita: Kine Pieke Buka

³⁴ Yesuma꞉ alota꞉ Apa꞉o. Do wanda꞉halima꞉ piteleme hauta꞉ iki hone na witolo pitelemema꞉ nakana꞉ma꞉ pa paeyawapeke leekeme. Kutupa mo dolo miniki haliwekima꞉ta꞉ Yesuna꞉ daumanu telipaaluekema꞉ kase tupa꞉ telepo laemekeme.

Luku 23:34 Referans Kwoze

Ma꞉tiu 5:44

Pate ame I̱ma꞉ iki pa꞉ta꞉ la kitolo ekita꞉ dupa. Ika꞉ a꞉nda꞉ tunkuliki haliweki pa꞉ta꞉ pukima꞉ homo make mo iki tanda kiteme wanda꞉hali epeaena꞉ Koda꞉ pa꞉ta꞉ yeni peao hapa꞉peke.

Aposolo 7:60

Kutupa pa tumiki yotuao pita꞉ anekema꞉ e̱ alo hata꞉ alota꞉ Tekehalio. Do haliwekima꞉ hoke hau piteleme ekita꞉ pa na wina꞉ leke nakana꞉ma꞉ paeyaapeke leekeme. Kotoeki lo paeyaota꞉ homeekeme.

1 Pida 3:9

Hoke hau iki pa꞉ta꞉ pimika꞉na꞉ta꞉ hoke hauma꞉ na hombo peapa꞉peke o keke pi lemeka꞉na꞉ta꞉ keke pima꞉ na hombo peapa꞉peke. Ikana꞉ma꞉ koto hau na pikita꞉ iki tamba꞉ mulu peleme ekima꞉ hombo peapa꞉peke. Kota꞉ kotota꞉ Koda꞉ma꞉ iki wi lea꞉ dina꞉ta꞉ iki tamba꞉ mulueke la la꞉ wiekeme.

Loma꞉ 12:14

Iki pa꞉ta꞉ a꞉nda꞉ liteleme wanda꞉halita꞉ Koda꞉ma꞉ koto wanda꞉hali epeaena꞉ ikana꞉ma꞉ yeni pea꞉pa꞉peke. Koda꞉ma꞉ hoeyaena꞉ laa yeni na piki epeaena꞉ laa yeni pea꞉pa꞉peke.

1 Kotindi 2:8

Do kenke kilu tombuao haleme haliwekima꞉ta꞉ do hone wotu wita꞉la꞉ ekita꞉ na handemekeme. Handemeka꞉na꞉ yoluta꞉ hande pa̱a̱ piki Tekehalita꞉ mo a꞉ka꞉tei wape piki tina꞉ na endiaalo pimime.

Kini Pieke 50:17

neke pa꞉ta꞉ dupa lota꞉ piomono lea꞉me. Pilisio. Naka꞉ kame tonuma꞉ neke luekema꞉ pimi ata꞉ka꞉ peake hauta꞉ pa paeyaapeke lea꞉me. Koto ekina꞉ta꞉ pilisio. Ameta꞉ mo nikana꞉ma꞉ ata꞉ka꞉ peake hau puma꞉eki pa paeyawapeke. Mo hande naka꞉ apa꞉na꞉ Koda꞉na꞉ e pokaasoma꞉ tapakema꞉ poloma꞉ ekina꞉ loa꞉me lemekeme. Diosepema꞉ koto pi mu haota꞉ e̱ leekeme.

1 Timodi 1:13

Amba꞉ta꞉ I̱ma꞉ ota꞉ Ketisona꞉ biki hoke pi pi alo hata꞉ make ipika꞉ wanda꞉hali ka꞉nda꞉ma꞉ homa꞉ tiao make iki tekipuleke laasa꞉ hali haowa꞉me. Kutu pua꞉ ekita꞉ I̱ma꞉ Ketiso pa꞉ta꞉ hone na tulao make mo pua꞉ ekina꞉ teketa꞉ hone wopu na wiki hata꞉ pueke handaa Koda꞉ma꞉ I̱ pa꞉ta꞉ a꞉ta꞉ma꞉ homeekeme.

Aposolo 3:17

Ya kametitio. Ikana꞉ma꞉ make ika꞉ you haliwekima꞉ tonka꞉na꞉ Yesu pa꞉ta꞉ pimiki ekita꞉ teke na handa꞉ wiki hata꞉ pimi ekita꞉ I̱ma꞉ hone witolome.

1 Kotindi 4:12

nika꞉ kikima꞉ kone mo ka꞉nda꞉piki e wotu poka꞉tiki pu haloma꞉me. Kutupa niki kitaaseme wanda꞉hali pa꞉ta꞉ epeke wamopiki pima꞉ kone epeaasoma꞉me. Tanda pita꞉la꞉ haumanu ku halemeeki make pa meatiao pu haloma꞉me.

Ma꞉tiu 11:25

Koto toma꞉na꞉ Yesuma꞉ Koda꞉ pa꞉ta꞉ alota꞉ Apa꞉o. Neketa꞉ do kenke oli hepeni yaapona꞉ Tekehalio. Keiyae tieke aloe. Pa ekipeke. Nakana꞉ma꞉ mo hande handa꞉wiki wanda꞉hali pa꞉ta꞉ a꞉mbao wina꞉ le hau manuta꞉ pa mo hone wopu na wiki wanda꞉hali pa꞉ta꞉ peneme yaaleme.

Dioni 19:11

Yesuma꞉ ipika꞉ pi hombo peaaso alota꞉ Nakana꞉ma꞉ I̱ pa꞉ta꞉ pea꞉peke ekita꞉ oli manda hala꞉ Koda꞉ma꞉ neke pa꞉ta꞉ na kia꞉ka꞉na꞉ yoluta꞉ I̱ pa꞉ta꞉ hau ma꞉nda꞉ pea꞉peke na yolo pime. Koto ekina꞉ neke pa꞉ta꞉ I̱ hatuku mea epea꞉ hali ipikita꞉ ketete tieke pa꞉la꞉me.

Maka 15:24

Kutupa ikana꞉ma꞉ mo a꞉ka꞉tei wapepiki tina꞉ Yesu tamendiaota꞉ ipika꞉ daumanu telipuluekema꞉ haliwekima꞉ kase tupa꞉ peaata꞉ tombo wataeyeke halima꞉ ipika꞉ hone pa꞉la꞉ dau mia꞉tiki pimikime.

Ma꞉tiu 11:26

Aowe Apa꞉o. Koto ekita꞉ naka꞉ hone piekeyeke eki yaena꞉yeke pina꞉ aleme laa leekeme.

Luku 22:42

Ipikana꞉ma꞉ alota꞉ Apa꞉o. Ana꞉ pia꞉ka꞉na꞉ta꞉ do I̱ pa꞉ta꞉ ipula꞉ kapo I̱ pa꞉ta꞉ na epena꞉ lapeke. Kutu pea꞉peke ya꞉la꞉pate yaka hone pa꞉la꞉eki dia꞉me. Naka꞉ hone pa꞉la꞉ ekina꞉ homeke pina꞉e leekeme.

Dioni 17:9

Do haliweki pa꞉ta꞉ hone witolo hata꞉ yeni pitolome. Kenke wanda꞉hali pa꞉ta꞉ hone witolo hata꞉ yeni na piki nakana꞉ma꞉ I̱ pa꞉ta꞉ ki haliwekita꞉ naka꞉eki kone koto haliweki pa꞉ta꞉ hone witolo hata꞉ yeni pitolome.

Aposolo 16:28

Poloma꞉ anekehapu wi alo hata꞉ alota꞉ Naka꞉ kone na lia꞉pe. Niki paeyaota꞉ do pambo piluma꞉taa leekeme.