Luku 23:2 - Panake Pi La: Ula: Buka pita: Kine Pieke Buka

² ipiki ma̱leke litolo alota꞉ Nikana꞉ma꞉ta꞉ do halita꞉ nika꞉ wanda꞉hali hatuku pu hoeyaaso hata꞉ mo wanda꞉hali pa꞉ta꞉ mo Sisana꞉ dakisi mani na hala꞉pa꞉pe laata꞉ ipikita꞉ ipika꞉ kone Ketiso laa Kini hali halome la ala꞉me lemekeme.

Luku 23:2 Referans Kwoze

Dioni 19:12

Pailedima꞉ koto pi opuaata꞉ Yesu paa tapaalo pieke pota꞉ weiyu taapeekepate mo Diu wanda꞉halima꞉ anekema꞉ wi la alualu pea alota꞉ Nakana꞉ma꞉ do hali paa tapaeka꞉na꞉ta꞉ neketa꞉ Sisana꞉ yankeke na halipikie laata꞉ Hali epima꞉ ipika꞉ kone kini hali haluekema꞉ taapea꞉ka꞉na꞉ta꞉ kota꞉ koto halita꞉ Sisana꞉ a꞉nda꞉ tunkiliki hali halieke lemekeme.

Luku 23:14

paeyao pa꞉ta꞉ alota꞉ Ikana꞉ma꞉ I̱ pa꞉ta꞉ do hali hatuku ipuluta꞉ ipikana꞉ma꞉ wanda꞉hali hatuku pu hoeyaasa꞉me lemepate ameta꞉ I̱ma꞉ ipikita꞉ ika꞉ leke popelekena꞉ teke weitolopate ipikana꞉ma꞉ mo mandane pimanu yamba꞉la꞉me laa ma̱leke limipate homeke a꞉nda꞉ yamba꞉la꞉la꞉eki na handolome.

Aposolo 24:5

Do hande halima꞉ta꞉ wanda꞉hali hao hoeyaena꞉ dupi dupi laa sutiao hala꞉ hali hala꞉ ekita꞉ handoma꞉me. Ipikana꞉ma꞉ do kenke paeyao pa꞉ta꞉ Diu haliweki ame̱le̱ a꞉nda꞉ semba꞉lalo pa꞉la꞉ pi la꞉tiki pomu hala꞉me. Ipikita꞉ mo Na꞉sa꞉tini tapake wanda꞉halina꞉ you hali ma꞉nda꞉ hala꞉me.

Dioni 18:30

Mo haliwekima꞉ ipika꞉ pi hombo peaaso alota꞉ Do halima꞉ ketete na pia꞉ka꞉na꞉ yoluta꞉ neke pa꞉ta꞉ na hatuku epolo puma꞉me lemekeme.

Maka 12:17

Yesuma꞉ iki pa꞉ta꞉ alota꞉ Sisana꞉ ale manuta꞉ Sisa pa꞉ta꞉ pa mea hala꞉pa꞉peke. Kutupa Koda꞉na꞉ ale manuta꞉ kota꞉ Koda꞉ pa꞉ta꞉ pa hala꞉pa꞉peke leekeme. Mo haliwekima꞉ koto pi opuaata꞉ penkili pimikime.

Ma꞉tiu 22:21

Sisana꞉ ekie lemekeme. Koto lemeke Yesuma꞉ iki pa꞉ta꞉ alota꞉ Sisana꞉ alemanu meata꞉ kota꞉ Sisa pa꞉ta꞉ kone pa mea hala꞉pa꞉peke. Kutupa Koda꞉na꞉ alemanu ya꞉ka꞉na꞉ta꞉ kota꞉ Koda꞉ pa꞉ta꞉ kone pa mea hala꞉pa꞉peke leekeme.

Aposolo 24:13

Koto pa꞉la꞉pate do I̱ a꞉pa samani peleme pimanu make I̱ma꞉ ota꞉ polo ekimanu do haliwekima꞉ neke pa꞉ta꞉ la kia꞉pa꞉peke na ya꞉la꞉me.

Luku 23:5

Koto leekepate mo wanda꞉halima꞉ta꞉ ota꞉ honkopu hao hata꞉ alota꞉ Ta hali ipika꞉ wala꞉la꞉ pima꞉ta꞉ mo Diudia da yu paeyao pa꞉ta꞉ hala꞉ wanda꞉hali hoke hone mea wiatia pomina꞉la꞉me. Ipikana꞉ma꞉ta꞉ mo Ka꞉lili nane kini pea a꞉paata꞉ ameta꞉ do opolo a꞉pa꞉la꞉ handa꞉e lemekeme.

Ma꞉tiu 17:27

Pateta꞉ do wanda꞉halima꞉ niki pa꞉ta꞉ hoke hone wiaama꞉na꞉ mo ikali leke pa꞉ta꞉ pua naka꞉ kimai lopaapeke. Kutaata꞉ ota꞉ titina꞉ endilipi ta꞉pelita꞉ yola꞉ mea ipika꞉ kake ankoto peaata꞉ koto kake pa꞉ta꞉ta꞉ silipa mani homeke handa꞉ wilimikie. Koto manima꞉ta꞉ mo ya tembolo dakisi make naka꞉eki make ana꞉ pilieke. Kotoeki mea pua dika꞉ dakisi hala꞉peke leekeme.

Ma꞉tiu 27:11

Pailedima꞉ Yesu lota꞉ pitolo alota꞉ Neketa꞉ mo Diu wanda꞉halina꞉ Kini hali halepe leekeme. Kutupa Yesuma꞉ hombo peaaso alota꞉ Koto aletaa leekepate

Maka 15:2

Pailedima꞉ Yesu pa꞉ta꞉ lota꞉ pitolo alota꞉ Neketa꞉ Diu wanda꞉halina꞉ kini hali halepe leekeme. Yesuma꞉ Pailedina꞉ pi hombo peaaso alota꞉ Koto aleme leekeme.

Dioni 18:29

Koto ekina꞉ Pailedima꞉ hama꞉ nane pua iki pa꞉ta꞉ alota꞉ Do halima꞉ eki hau pa꞉la꞉ ekina꞉ samani pulu epemepe leekeme.

Loma꞉ 13:7

Koto ekina꞉ mo haliweki pa꞉ta꞉ halo peleme ekita꞉ ota꞉ hala꞉pa꞉peke. Dakisi mani ta꞉ta꞉ ta꞉ta꞉ piki ekimanu ma꞉nda꞉ ma꞉nda꞉ lo hala꞉pa꞉peke. Kutupa mo haliweki pa꞉ta꞉ homu pea hata꞉ ika꞉ pi make opua꞉pa꞉peke.