Luku 20:47 - Panake Pi La: Ula: Buka pita: Kine Pieke Buka

⁴⁷ Kutupa kosa꞉piki wanda꞉wekina꞉ damanu makea makea pea minolota꞉ handaena꞉ hau pea yeni pu hokulu peao halememe. Koto ekina꞉ta꞉ mo haliwekima꞉ ika꞉ mulu peleme hoke yenkita꞉ ota꞉ haka꞉ta꞉pao tieke milimikie leekeme.

Luku 20:47 Referans Kwoze

Maka 12:40

Kutupa kosa꞉piki wanda꞉wekina꞉ ala꞉ta꞉ ala꞉ta꞉ pa meaata꞉ kutu pitolo kone handaena꞉ hau puluekema꞉ yeni pu hokulu peao halememe leekeme. Mo haliwekima꞉ ika꞉ hoke yenkita꞉ ota꞉ tieke milimikie leekeme.

Dia꞉mesi 3:1

Ya kametitio. Iki pa꞉ta꞉ haliweki wopu wala꞉la꞉ hali haluekema꞉ hone na wia꞉pa꞉peke. Do ekina꞉yeke loa꞉me. Koda꞉ma꞉ta꞉ mo pa wanda꞉halina꞉eki pilie tupa꞉ na piki pa mo disa haliweki nikina꞉ hau wotu handilieke.

Taitasi 1:16

Ika꞉ pima꞉ Koda꞉ta꞉ handoloma꞉me laa lo halemepate pa ika꞉ piteleme hau manuma꞉ta꞉ Koda꞉ na handelemeeki peneme yao hala꞉me. Kota꞉ wanda꞉halima꞉ta꞉ honditi honditi wopu pu make pi na opu epeke haumanu pea꞉pa꞉peketa꞉ iki ana꞉ na pa꞉la꞉me.

Luku 12:1

Wanda꞉hali pisetekema꞉ ika꞉ ika꞉ kone lu tumbapeke nono pea mombololo haena꞉ Yesuma꞉ ipika꞉ disaipolo haliweki pa꞉ta꞉ amba꞉la alota꞉ Ikana꞉ma꞉ mo Pa꞉tisi haliwekina꞉ palaowa pombeiyaasa꞉ ale yisiti wotu handeteke hapa꞉peke. Doeki alo ekita꞉ ika꞉ yayapiki makeaaso hauna꞉ loa꞉me.

Ma꞉tiu 23:13

Koto pi laa paeyeketa꞉ Yesuma꞉ alota꞉ Iki Lo Pi ula꞉eki walo haleme haliweki make Pa꞉tisi haliweki make iki paeyaona꞉ hoke yenki tieke ipuleke handolo ekina꞉ I̱ paala꞉e. Ikita꞉ hoke makeaaso yayapiki hau pu haleme haliwekie. Ikana꞉ma꞉ta꞉ mo hepenina꞉ Kilu Tombuao Hala꞉ eki pa꞉ta꞉ honda꞉ pamba꞉la꞉eki kiaaso hata꞉ta꞉ mo poluekema꞉ hone pa꞉la꞉ wanda꞉hali puaama꞉na꞉ ika꞉ leke popelekena꞉ kone mo honda꞉ pambolo peleme pota꞉ pa꞉ta꞉ pota꞉ kake katolao halememe.

1 Desalonaika 2:5

Nikana꞉ma꞉ iki pa꞉ta꞉ imeke pulueke alo hata꞉ iki pa꞉ta꞉ imeke piki pi na leke kutupa make nikana꞉ma꞉ pasa꞉tei hau puluekema꞉ a꞉mba a꞉mba piki pi make na loma꞉me. Koda꞉ma꞉ make handolo haena꞉ ikana꞉ma꞉ make handememe.

Luku 20:46

Mo Lo Pi walo haemeke haliwekina꞉ hau wotu handeteke hapa꞉peke. Ikana꞉ma꞉ta꞉ hokulupiki daumanu pambao pomu hata꞉ta꞉ makedina꞉ hatiki pita꞉la꞉ wanda꞉halima꞉ iki pa꞉ta꞉ homu pitolo pi la halena꞉ hone wotu u halememe. Mo yeni damanu tukiki pa꞉ta꞉ pituluekema꞉ta꞉ wanda꞉halima꞉ iki handena꞉ hone wia mo you haliweki pitina꞉ wepia wiala꞉ epeke seamanu yata꞉pa pitu halememe. Ne pambaasa꞉ ekina꞉ make epeke haupiki seana꞉ pituluekema꞉ hone u halememe.

Luku 21:1

Yesuma꞉ handa꞉ moneayekepate mo tembolo da pa꞉ta꞉ mani pambo haemeke bokosina꞉ hamoko haliwekima꞉ ika꞉ pa hameke halemeke manimanu pamboloendi pimikieki handeekeme.