Luku 19:47 - Panake Pi La: Ula: Buka pita: Kine Pieke Buka

⁴⁷ Kutupa hoto paeyao Yesuma꞉ mo tembolo da pa꞉ta꞉ pi wala꞉tiki pu hayekeme. Pate mo hande yeni peao haemeke haliwekina꞉ you haliwekima꞉ make pi ula꞉eki walo haemeke haliwekima꞉ make mo wanda꞉halina꞉ you haliwekima꞉ make Yesu luekema꞉ hone wimikime.

Luku 19:47 Referans Kwoze

Maka 11:18

Wanda꞉hali wopuma꞉ Yesuna꞉ waleeke pimanu opuaata꞉ penkili pimiki handaata꞉ mo yeni peao haemeke you haliwekima꞉ make mo wape pea wala꞉tiki pu haemeke haliwekima꞉ make Yesu pa꞉ta꞉ paala꞉ma꞉ homolo hata꞉ ipiki lu alu palo pimiki pota꞉ weimikime.

Ma꞉tiu 26:55

Kutaata꞉ Yesuma꞉ mo ipiki minuluekema꞉ epemeke haliweki pa꞉ta꞉ alota꞉ Ika꞉ honema꞉ I̱ta꞉ pi ula꞉eki na opiki nono pea a꞉nda꞉ lita꞉la꞉ hali patema꞉ do kepete tieke dolo make miniki a꞉pa pimipe. Nate wopu I̱ma꞉ta꞉ tembolo da tukiki pa꞉ta꞉ iki ame̱le̱ pi walo haowa꞉pate ikana꞉ma꞉ I̱ na da꞉ka꞉pa꞉ minimime.

Dioni 18:20

Yesuma꞉ ipika꞉ pi hombo peaaso alota꞉ Wanda꞉halina꞉ leke popelekena꞉ hata꞉ wanda꞉hali paeyao pa꞉ta꞉ walo haowa꞉me. Kutupa Diu wanda꞉hali mombolo haleme alena꞉ make mo pi hotu haleme da pa꞉ta꞉manu make mo tembolo da pa꞉ta꞉ make I̱ma꞉ koto pa꞉ta꞉ hata꞉ pi wala꞉tiki pua꞉me. Pi ma꞉nda꞉ na a꞉mbao loa꞉me.

Dioni 10:39

Yesu pa da꞉ka꞉pa꞉ minuluekema꞉ pimikipate ipikita꞉ opa꞉ pa lopa peekeme.

Dioni 7:44

Mandane haliwekima꞉ta꞉ Yesu da꞉ka꞉pa꞉ minuluekema꞉ hone wimikipate hali ma꞉nda꞉ma꞉ ipiki na miniekeme.

Dioni 7:19

Hande Lo Pi manuta꞉ Mosesima꞉ iki pa꞉ta꞉ na ka꞉la꞉pe. Koto pa꞉la꞉pate iki pa꞉ta꞉ hali homeke a꞉nda꞉ma꞉ hande Lo Pimanu na opitolo pita꞉la꞉me. I̱ lia homaaluekema꞉ ekipeke pitelemepe.

Maka 14:1

Diu wanda꞉halima꞉ Lombei Pupa Yapeeke nate make Na Pombei Yaake Palaowa Nala꞉ di make hone uluekema꞉ ne pambaaluekema꞉ nate yaapo titina꞉ amba꞉la꞉ wiekeme. Kutupa mo yeni peao haemeke you haliwekima꞉ make wape pea wala꞉tiki pu haemeke haliwekima꞉ make Yesu a꞉mbao mina lu pimiki pota꞉ weimikime.

Maka 12:12

Mo hande yeni peao haemeke teke haliwekima꞉ make mo wape pea wala꞉tiki pu haemeke haliwekima꞉ make tondiki haliwekima꞉ make paeyaoma꞉ do onkoluma꞉ pita꞉ niki pa꞉ta꞉ lea꞉me hone witolo hata꞉ Yesu minina꞉ loluekema꞉ taapemekepate wanda꞉hali pa꞉ta꞉ paala꞉ma꞉ homemeke handaata꞉ Yesu mina꞉pa꞉lao pemekeme.

Ma꞉tiu 21:23

Yesuma꞉ mo Tembolo da pa꞉ta꞉ paa la꞉ka꞉la a꞉pa pita꞉ wanda꞉hali pa꞉ta꞉ pi walolo haena꞉ mo yeni peao haemeke haliwekina꞉ you haliweki make mandane da handeteke haemeke you haliweki make ipiki pa꞉ta꞉ a꞉pa alota꞉ Hande pu haleeki manuta꞉ ekieki pea pu hata꞉ pipe kutupa make neketa꞉ epima꞉ wele peaeya꞉pe lemekeme.

Maka 14:49

Nate wopu I̱ma꞉ta꞉ mo tembolo da tukiki pa꞉ta꞉ iki ame̱le̱ pi walo haowa꞉pate ikana꞉ma꞉ I̱ na da꞉ka꞉pa꞉ minimime. Kutu pimipate mo Baibolo bukama꞉ la꞉la꞉eki yaalieke leekeme.

Luku 19:48

Kutu pimikipate ikana꞉ma꞉ pota꞉ ma꞉nda꞉ na handa꞉ wimikime. Pa ekipeke. Wanda꞉hali paeyaoma꞉ ipika꞉ pi pa oputia pulu hata꞉ ipika꞉ pi ma꞉nda꞉ hosiki siki make mina꞉pa꞉laluekema꞉ na taapemekeme.

Luku 20:19

Koto leeke ekina꞉ mo yeni peao haemeke haliwekina꞉ you haliweki make hande pi ula꞉eki walo haemeke haliwekima꞉ make Yesu koto kone minuluekema꞉ yeke taapemekeme. Ekipeke ika꞉ hone witolota꞉ Ipikana꞉ma꞉ lea꞉ onkoluma꞉ pita꞉ iki pa꞉ta꞉ kone lea꞉me hone witolo hata꞉ pimikime. Kutu puluekema꞉ pimikipate mo wanda꞉halima꞉ paala꞉ pieke handa paemekeme.