Luku 16:14 - Panake Pi La: Ula: Buka pita: Kine Pieke Buka

¹⁴ Mo hande Pa꞉tisi haliwekima꞉ Yesuma꞉ leekeeki opuaata꞉ ipiki kitaemekeme. Pa ekipeke ikita꞉ mani pa꞉ta꞉ta꞉ puki wotu wimikima꞉ pimikime.

Luku 16:14 Referans Kwoze

Luku 23:35

Mo wanda꞉halima꞉ handolo haena꞉ mo Diu wanda꞉halina꞉ you haliwekima꞉ Yesu kitaaso hata꞉ dupa lemekeme. Mandane wanda꞉halita꞉ pa꞉ta꞉la꞉tiki piekepate ipikita꞉ hande Koda꞉ma꞉ ma̱leke lila꞉ Ketiso haya꞉ka꞉na꞉ta꞉ kota꞉ ipika꞉ kone petelena꞉e lemekeme.

Luku 20:47

Kutupa kosa꞉piki wanda꞉wekina꞉ damanu makea makea pea minolota꞉ handaena꞉ hau pea yeni pu hokulu peao halememe. Koto ekina꞉ta꞉ mo haliwekima꞉ ika꞉ mulu peleme hoke yenkita꞉ ota꞉ haka꞉ta꞉pao tieke milimikie leekeme.

Luku 12:15

Koto laa Yesuma꞉ paeyao pa꞉ta꞉ alota꞉ Handeteke hapa꞉peke. Hande pasa꞉tei hau ta꞉ta꞉ ta꞉ta꞉ pikieki a꞉paapa꞉na꞉ ika꞉ kone wopu handeteke hata꞉ leke leke lo hapa꞉peke. Wanda꞉hali paeyaoma꞉ hamoko tieke ekipa haena꞉ kone ika꞉ da꞉ta꞉la꞉ ekina꞉ teketa꞉ ika꞉ wia haleme alemanu pa꞉ta꞉ na ula꞉me leekeme.

Hibulu 11:36

Iki mandane tapaketa꞉ mandane wanda꞉halima꞉ hoke tupa꞉ kitata pu make dopitama꞉ yombu pimikime. Mandane wanda꞉halita꞉ kiki anke tonkao dipula mea pua꞉tiki pimikime.

2 Timodi 3:2

Koto paelia꞉ dina꞉ta꞉ wanda꞉halima꞉ do haumanu pu halimikie. Ikita꞉ I̱ I̱ alo hata꞉ make pasa꞉tei hau wopu pita꞉la꞉eki make hakoko liki pimanu lo make handaena꞉ honemanu u make yala꞉ peaaso hata꞉ make kikama꞉ handeke some ala꞉ hoke pimanu make lo halimikie. Kutaa make ateke inkikina꞉ kakena꞉ na homo make keiyae loluekema꞉ hone na u make yeni hau pita꞉la꞉ haumanu hone na wiki wanda꞉hali make halimikie.

Luku 8:53

Koto leekeeki opuaata꞉ mo wanda꞉halima꞉ta꞉ mo wandiki siki ota꞉ homea꞉eki handemeke ekina꞉ Yesu pa꞉ta꞉ kitaemekeme.

Ma꞉tiu 23:13

Koto pi laa paeyeketa꞉ Yesuma꞉ alota꞉ Iki Lo Pi ula꞉eki walo haleme haliweki make Pa꞉tisi haliweki make iki paeyaona꞉ hoke yenki tieke ipuleke handolo ekina꞉ I̱ paala꞉e. Ikita꞉ hoke makeaaso yayapiki hau pu haleme haliwekie. Ikana꞉ma꞉ta꞉ mo hepenina꞉ Kilu Tombuao Hala꞉ eki pa꞉ta꞉ honda꞉ pamba꞉la꞉eki kiaaso hata꞉ta꞉ mo poluekema꞉ hone pa꞉la꞉ wanda꞉hali puaama꞉na꞉ ika꞉ leke popelekena꞉ kone mo honda꞉ pambolo peleme pota꞉ pa꞉ta꞉ pota꞉ kake katolao halememe.

Ma꞉tiu 9:24

Koto wandiki sikita꞉ ota꞉ na homa꞉la꞉pate pa u pa꞉ela꞉me. Koto pa꞉la꞉ma꞉ iki paeyao hama pupe leekeme. Koto leeketa꞉ iki paeyaoma꞉ ipiki kitaemekemepate