Luku 14:33 - Panake Pi La: Ula: Buka pita: Kine Pieke Buka

³³ Yesuma꞉ a꞉mbolo hata꞉ alota꞉ Koto tupa꞉ kone iki ma꞉nda꞉ epima꞉ yaka hoki nane telia꞉ mea ipulueke hone wia꞉ka꞉na꞉ta꞉ kota꞉ ipika꞉ hone pa꞉la꞉ ale paeyao mina꞉pa꞉lao I̱ telia꞉ mea ipilieke leekeme.

Luku 14:33 Referans Kwoze

Luku 5:28

Koto ekina꞉ Lipae tiao ipika꞉ ala꞉ta꞉ ala꞉ta꞉ paeyao siki kiao Yesu telia꞉ mea peekeme.

Luku 14:26

I̱ telia꞉ mea ipuluekema꞉ ipilimi wanda꞉hali ma꞉nda꞉ hondoma꞉ I̱ ame̱le̱ pominolota꞉ ana꞉ na pa꞉la꞉me. Pate ipikana꞉ma꞉ I̱ pa꞉ta꞉ puki kuluekema꞉ta꞉ ipika꞉ apa꞉ ama꞉ make ipika꞉ wanda꞉ make wekiwandiki make ipika꞉ kame ana꞉ tonu make ipiki tonka꞉na꞉ kiaota꞉ I̱ pa꞉ta꞉ puki tiekema꞉ homea꞉ka꞉na꞉ta꞉ kota꞉ kutu pilia꞉ someta꞉ ana꞉ pa꞉la꞉me leekeme.

Luku 5:11

Koto ekina꞉ta꞉ mo kawaso yola꞉ mea mo ikali tea꞉na꞉ mea wiata꞉ ika꞉ ala꞉ta꞉ ala꞉ta꞉ paeyao mina꞉pa꞉lao Yesuna꞉ hoki nane teli mea pemekeme.

2 Timodi 4:10

Dimasita꞉ do kenkena꞉ hauna꞉ hone wopu pieke ekima꞉ I̱ na leeke mina꞉pa꞉lao mo Desalonaika da nane pua hala꞉me. Ketesinisita꞉ Ka꞉leisia kenke nane pua hala꞉me. Taitasita꞉ mo Da꞉lemeisia kenke nane pua hala꞉me.

Luku 14:32

Ipika꞉ honema꞉ ipikita꞉ ana꞉ na polome hone wia꞉ka꞉na꞉ta꞉ kota꞉ mo hande kini halita꞉ papate haena꞉ kone ipika꞉ kinki haliweki tapaaso hata꞉ alota꞉ A꞉nda꞉ pao polupana꞉ pi minalu pupana꞉e laa pi tapaalieke.

Hibulu 11:26

Ipika꞉ honema꞉ta꞉ I̱ma꞉ mo Ketiso bikina꞉ yaala꞉ma꞉ homoa꞉ka꞉na꞉ta꞉ kota꞉ koto hauma꞉ta꞉ mo Idiepi nane ula꞉ mani make koloma꞉ wepiki alemanu paeya tapao ota꞉ lombei pa꞉la꞉me hone wiekeme. Kutu pieke ekita꞉ ipikana꞉ma꞉ mo wetepe mulu pieke epeke yenkina꞉ hone u hayekeme.