Luku 14:15 - Panake Pi La: Ula: Buka pita: Kine Pieke Buka

¹⁵ Mo ne no pitimiki haliweki ame̱le̱ pitieke hali homekema꞉ta꞉ koto pi opua Yesu pa꞉ta꞉ alota꞉ Koda꞉na꞉ Kilu Tombuao Hala꞉ ekina꞉ ne pambilia꞉ pa꞉ta꞉ pua pitulu pa꞉la꞉ halima꞉ta꞉ ta꞉na꞉ma꞉ homilieke laa leekepate

Luku 14:15 Referans Kwoze

Peneme Yaeyekeeki 19:9

Kutupa mo enisoloma꞉ I̱ pa꞉ta꞉ alota꞉ Doeki laaniae. Mo Sipisipi Ma꞉na꞉ Ikikina꞉ wanda꞉ mina꞉la꞉ ekina꞉ ne pamba꞉la꞉ pa꞉ta꞉ epoa꞉ la꞉la꞉ wanda꞉halita꞉ ta꞉na꞉ma꞉ homa꞉pee. Kutupa mo enisoloma꞉ apa꞉taaso alota꞉ Dota꞉ Koda꞉na꞉ ota꞉ pimanue lea꞉me.

Luku 22:30

Ikita꞉ yaka Kilu Tombuao Hala꞉ alena꞉ yaka teipolona꞉ pita꞉ ne ikali nolumeke. Kutupa make ikita꞉ oli you halina꞉ sea manuna꞉ pita꞉ mo Isulaina꞉ 12 tapake teli pilimikie leekeme.

Luku 13:29

Wanda꞉halita꞉ mo nate pamba꞉la꞉ nane make nate opa꞉la꞉ nane make mo nepoko yaapo nane make opolo endi peaata꞉ Koda꞉na꞉ Kilu Tombuao Hala꞉ alena꞉ ne pamba꞉la꞉ ekina꞉ a꞉pa pitilimikie.

Ma꞉tiu 25:10

Koto lemeketa꞉ hande hone wopu na wimiki wandiki tonuma꞉ iki mina꞉pa꞉lao mo ika꞉eki ta꞉ta꞉ hambuluekema꞉ pemekeme. Koto pemeke hoki naneta꞉ mo hande wanda꞉ mulu pieke some opolo epeekeme. Kutu pieke toma꞉na꞉ta꞉ mo hande hone wopu wia tikitiki yao haemeke yunki hata꞉ wandiki tonuta꞉ ipiki ame̱le̱ mo hande wanda꞉ mina꞉la꞉ ne noluekema꞉ mombelemeke pa꞉ta꞉ pua pota꞉ poka ne no pitulu pemekeme.

Luku 12:37

Kutupa mo you hali paa la꞉ka꞉la a꞉pa mo ipika꞉ e pokaaseme hali wekita꞉ u̱ na polu pitiki a꞉nda꞉ pa ipiki yu wia pilimieki a꞉pa handea꞉ka꞉na꞉ta꞉ kota꞉ ikita꞉ ta꞉na꞉ma꞉ homo halimikie. I̱ma꞉ iki pa꞉ta꞉ ota꞉ pi aloma꞉ Mo haliwekima꞉ koto hau pimiki yeke handaa ika꞉ you halima꞉ta꞉ ipika꞉ manda aka꞉ hola wiaata꞉ iki pa꞉ta꞉ Ne no hala꞉ alena꞉ a꞉pa pita꞉pe laa ne pana꞉ pu kilieke.

Ma꞉tiu 8:11

Koto ekina꞉ I̱ma꞉ iki pa꞉ta꞉ pi ma꞉nda꞉ make dupa alome. Mo nate opa꞉la꞉ nanema꞉ make pamba꞉la꞉ nanema꞉ make wanda꞉hali wopuma꞉ mo hepenina꞉ Kilu Tombuao Hala꞉ ekina꞉ yawe lulu pa꞉la꞉ pa꞉ta꞉ a꞉pa Eipoloha꞉ma꞉ Aisa꞉ke make Dieikope ame̱le̱ mandakena꞉ apa꞉tao pita꞉ nelimikie.

Luku 22:16

I̱ma꞉ iki pa꞉ta꞉ ota꞉ pi alome. Ame doeki pea hoki naneta꞉ mo Koda꞉na꞉ Kilu Tombuao hala꞉eki pa꞉ta꞉ homeke do hauna꞉ teke peneme yaena꞉ yeke paa na nolueke laa leekeme.