Luku 13:35 - Panake Pi La: Ula: Buka pita: Kine Pieke Buka

³⁵ Koto ekina꞉ta꞉ naka꞉ yeni pu haleme data꞉ mina꞉pa꞉laemeka꞉na꞉ta꞉ pa taake halieke. I̱ma꞉ neke pa꞉ta꞉ ota꞉ pi do la kitolo handa꞉e. Ame do ane kini pea pua nakana꞉ma꞉ I̱ pa꞉ta꞉ta꞉ Tekehalina꞉ biki mea ipula꞉ hali pa꞉ta꞉ Ta꞉na꞉e pi loluekema꞉ tiki tiki yao a̱i̱ na haeka꞉na꞉ta꞉ kota꞉ I̱ a̱i̱ na handilimikie alome leekeme.

Luku 13:35 Referans Kwoze

Dioni 12:13

Koto ekina꞉ dopema꞉ handeke ti palekemanu tonda꞉pa꞉ mepi pea mina Yesu manda꞉hande puluekema꞉ wi la꞉tiki pulu hata꞉ alota꞉ Koda꞉na꞉ pi laapa꞉pe. Tekehalina꞉ bikina꞉ ipula꞉ halita꞉ Koda꞉ma꞉ epeaeya꞉ka꞉na꞉ta꞉ epelieke. Ipikita꞉ Isulai wanda꞉halina꞉ Kini halie la lemekeme.

Ma꞉tiu 21:9

Kutupa mo Yesu hatuku pulu hata꞉ titina꞉ hao wetepe hao pimiki wanda꞉hali paeyaoma꞉ wi aneke hapu kini pea la꞉ alu alu pitolo hata꞉ alota꞉ Hosa꞉na꞉e. Deipidina꞉ eiyeke pa꞉ta꞉ ta꞉na꞉e laata꞉ Mo Tekehalina꞉ bikina꞉ ipula꞉ halita꞉ Koda꞉ma꞉ ta꞉na꞉ma꞉ homena꞉e. Koda꞉na꞉ biki mea a꞉meiyamana꞉e laa la꞉tia pemekeme.

Luku 21:24

Mandane wanda꞉halita꞉ kepete dolo manuma꞉ lu homao mandaneta꞉ mandane kenke yu ma꞉nda꞉ nane dipula leke mea pua kutupa mo Diendaili wanda꞉halima꞉ta꞉ Diutuseleme tumbuatia pua ika꞉ nate mulu epea꞉ka꞉na꞉ mina꞉pa꞉lalimikie.

Ma꞉tiu 23:37

Yesuma꞉ alota꞉ Diutuseleme Diutuselemeo. A꞉ta꞉ tiekee. Nakana꞉ma꞉ hoto paeyao mo potopede haliweki lia꞉tiki lia꞉tiki pu make Koda꞉ma꞉ neke pa꞉ta꞉ ipika꞉ pi mea epena꞉ tapaeyeke haliweki make toopima꞉ lu haleme. Hoto paeyao mo hande koka꞉la꞉ inkiki ipika꞉ popakema꞉ ikikimanu panka꞉ mina꞉la꞉ tupa꞉ I̱ma꞉ make naka꞉ wekiwandiki ya kikima꞉ hapisa꞉ pu halopate nakana꞉ma꞉ kiao haleme.

Luku 19:41

Yesu mo Diutuseleme da teke pa꞉ta꞉ opolo a꞉pa mo da handolo hata꞉ta꞉ e̱ alo alota꞉